「鐵馬家族」成員對湯洛雯讚不絕口 林子善催馬國明「快馬加鞭」

黃嘉樂與攝影師女友江惠賢（Samantha）日前筵開逾20席擺婚宴，不少圈中好友到賀，「鐵馬家族」的馬國明、林子善和唐詩詠更幫手做兄弟團，場面熱鬧。當晚馬國明攜眷出席，與女友湯洛雯（靚湯）大方合照，Sweet到爆！

林子善話老婆狂讚「二嫂」湯洛雯份人好真，又夠爽。

人人都催馬國明快啲娶湯洛雯，應該幾大壓力。

林子善日前在社交網貼上與老婆Kary，還有馬國明和靚湯的兩pair人合照，指有網民留言提示他，難得「二哥二嫂」同場點解唔影相，寫道：「老實講當晚真係好忙碌，但好彩我老婆當晚提我難得佢喺齊度，不如同佢哋影返張相紀念一下，我先醒起呢張相喺我老婆電話。再次多謝呢位網友嘅溫馨提示，我記得當晚回家老婆喺車上邊對二嫂讚不絕口，話佢個人好真、講嘢好直接、好爽、仲同佢好啱傾，成晚兩個傾，不停心諗咁就好了，家族好快多一個啱嘴型嘅成員，非常期待，二哥你要快馬加鞭喇！#鐵馬家族 #新成員」。

黃嘉樂結婚，除咗「鐵馬兄弟」馬國明、林子善同唐詩詠，仲有許家傑、楊潮凱、李天翔、陳偉洪等擔任兄弟團。

「鐵馬家族」感情好好，睇嚟好快又有新成員。

想不到馬國明和靚湯拍拖兩年幾，第一次帶女友見「鐵馬家族」成員，還得到一致認可，靚湯亦有在帖文留言：「第一次見就食咗成個魚頭，希望冇嚇親佢 🤣 @k.t_kary（子善太太）」。而嘉樂的新婚太太Samantha亦好期待與「二嫂」靚湯和「四嫂」Kary坐埋一齊傾偈，子善笑言：「等我攪攪😂😂」，看來一家人好快又有聚會，到時可以加埋「大嫂」陳凱琳，夠腳開枱打麻雀。

湯洛雯都有喺帖文回覆，自爆好擦得，一口氣食晒成個魚頭。

湯洛雯獲「鐵馬家族」成員認可叫二嫂 林子善催馬國明結婚：快馬加鞭

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。