任賢齊以平頭造型飾過氣江湖猛人 讚女主角吳海昕演技好

不少影迷對任賢齊（小齊）在電影《樹大招風》中，以平頭裝扮演葉國歡，印象依然深刻，早前他再次以平頭裝髮型，接拍馮志強執導電影《失衡凶間》其中故事《唐樓》。戲中小齊飾演剛出獄的江湖猛人，原本打算隱居唐樓不問世事，但因為鄰居吳海昕和陳湛文，令他遇上連串怪事。

眾人一同合演《失衡凶間》其中一個單元《唐樓》。

小齊飾過氣江湖人物。

小齊穿起白色背心，手持牛肉刀，在後巷與七名仇家「開戰」，只見雙臂肌肉澎湃有力的他，以一敵七，不消一會，仇家們頓變成他的刀下亡魂。為增添鏡頭效果，工作人員除以燒焊器製造火花，為展現小齊的「刀功」，現場更架設「威吔」，部份仇家被他「劈到飛起」。由於有一定危險性，當拍攝完畢，小齊立即上前慰問多位被撻落地的動作演員，相當細心。

拍攝一場以一敵七的打鬥戲。

好有氣氛。

小齊說：「呢套戲真係好好玩，故事講每個人心裡面都有一個陰影，當一個人面對自己心中嘅弱點，嗰種恐懼，會突然間爆，可能係好搞笑、可能好無厘頭、但又會好驚，加上劇情集懸疑、驚悚於一身，內容非常豐富，一定要入場睇！」

拍完當然要睇playback。

小齊跟陳湛文及吳海昕合作愉快。

原來小齊與唐樓有段淵源，他說：「我同馮志強導演認識咗好多年，當年佢係編劇，今次合作佢係導演。《唐樓》嘅個題材令我好興奮，因為我第一次來香港拍戲就係喺唐樓取景，現場空間、樓梯和單位間格都令人有種莫名壓迫感。我演過唔少江湖人物，今次要演一個江湖傳聞中嘅大惡霸，但同時亦有講佢內心恐懼嘅嘢。」此外，小齊讚女主角吳海昕演得好，他說：「當我睇到劇本就驚訝女主角會好難演，有內在又有外在性格，節奏要拿捏得好，故事才可以順利推進。我第一日見面就同吳海昕講：『靠晒你啦！』佢好用心，演得好好。」

任賢齊平頭造型再現飾江湖大佬 大讚吳海昕演出拿捏準確

炎明熹一連三場演唱會圓滿結束！

一連三場《大家樂呈獻：炎明熹Gi-FORCE演唱會2024》，昨晚（4月14日）在九龍灣國際展貿中心舉行尾場，亦是去年十月因颱風關係，而取消的補場場次。是晚獲陳煒與丈夫陳國強、姜皓文、陳山聰與囝囝陳霆軒、李幸倪到場支持。

《炎明熹Gi-FORCE演唱會2024》來到尾場。

陳煒、陳山聰、姜皓文到場支持。

來到第三場，Gigi依然狀態大勇，又唱又跳表現落力，不過這晚的後空翻動作發生了一個小插曲，正當Gigi完成空翻動作落地時，可能用力太猛，最終Gigi被衛衣的帽「兜頭笠」，完全遮擋了視線，只見Gigi先露出既可愛又尷尬的笑容，之後秒速整理衣服繼續又跳又唱，緩解了這個蝦碌場面。

Gigi表演後空翻。

落地時可能用力太猛，最終Gigi被衛衣的帽「兜頭笠」。

除了唱自己的歌，當然少不了Gigi的「自選歌單」，當中有王菲的《守望麥田》、Serrini的《網絡安全隱患》、及陶喆的《流沙》等，Gigi笑指這張歌單由逾200首歌精心挑選，她又說：「大家知唔知呢場係補場呢？想問吓嗰時（取消）大家有冇失望？」台下即大叫「冇」，Gigi笑住讚歌迷思想正面。

Gigi笑指「自選歌單」由逾200首歌精心挑選。

在過去三場演唱會擔任Gigi音樂團隊成員的林智樂（Felix），來到尾場按捺不住，要在台上公開力讚Gigi，除了唱功了得，抗壓能力亦很強悍：「雖然有好多人讚佢，但有時都有啲好尖銳嘅留言，但佢都冇嘢，更重要係由我啱啱識佢到而家，佢個初心都冇變，對每個人都好好。有時記者朋友問我會唔會羨慕Gigi嘅事業，我覺得唔係羨唔羨慕，而係佢真係好值得擁有！」身旁的Gigi即感動表示，很少聽對方如此認真說話，並感謝對方為自己唱足三晚。

接着，Gigi獻唱《星語心願》，唱到最後那句「讓你知道我愛你」，台下即熱情回應「我都好愛你呀」。她表示小時候看電影《星願》，已經很喜歡電影的男主角，Gigi隨後唱出《對面的女孩看過來》，任賢齊（小齊）此時突然現身合唱，讓樂迷大為驚喜，更全場大合唱為演唱會掀起高潮。唱畢，Gigi說：「畀啲掌聲任前輩。」小齊謙虛感謝Gigi畀機會自己做嘉賓：「 因為我成間公司所有同事都好鍾意Gigi。噚日我喺新加坡做完演唱會返嚟，我啲夥計全部唔見晒，個個都嚟睇你，仲要一張飛都冇留畀我！同事們，聽住，聽日返工唔使咁早，好好享受今晚Gigi嘅演唱會。」他又笑謂Gigi與自己的女兒同一年出世，小齊搞笑說：「人多嘅時候叫我小齊哥，唔好叫Uncle呀。」

任賢齊驚喜現身。

小齊謙虛感謝Gigi畀機會自己做嘉賓。

之後，Gigi送上繡有小齊名字的水樽：「我知你5月份開巡迴演唱會，所以我揀咗呢個，識自己煲水嘅水樽，呢個可以直接煲水，非常方便，我都繡咗你個名喺度。」小齊自嘲年輕的時候仍會飲凍飲：「漸漸就用咗暖水壺啦，好多謝你。我真係成間公司都講，佢係未來嘅天后，希望大家都畀多啲機會Gigi。」最後小齊再為樂迷送上《我是一隻魚》，全場跟著和唱。

小齊讚Gigi是未來的天后。

除了嘉賓夠份量，這晚的驚喜同樣一浪接一浪，開騷前大批歌迷要求Gigi唱出MV在YouTube短短4天破百萬點擊的新歌《還有一艘救生艙》，收到大家的訴求後，Gigi特意於補場上送予歌迷，但卻一時感觸唱到喊，幾乎大半首歌要台下歌迷代唱，Gigi說：「我覺得我又代入咗首歌裡面，但唔係愛情，今日係最後一場演唱會，即係今日係最後嘅一次，然後大家要遠離我嘅感覺。點解今晚先揀呢首歌嚟唱？因為我想送呢首歌畀補場嘅大家，但係我真係冇用，成首都唱唔到，要大家幫我，我下次會唱好佢㗎。」台下再次大叫「加油」，為哭成淚人的Gigi打氣。

Gigi特意獻唱新歌《還有一艘救生艙》給予今場補場的歌迷。

感觸落淚。

Encore部份，Gigi特別為尾場的樂迷獻唱《你是你本身的傳奇》，坦言台下每位歌迷都是一個傳奇，一起成就了她的歌手夢，Gigi再一次落淚，對於這個人生第一個演唱會舞台、還有台下的觀眾，充滿不捨之情；唱到演唱會最後一首歌《Only For Me》，Gigi叫大家高舉手機燈和唱，望向這遍燈海，Gigi的淚水再一次滑落，令《大家樂呈獻：炎明熹Gi-FORCE演唱會2024》，在淚水與不捨之情下，感動落幕。

全場大合照。