由王祖藍擔任主持、一連八集的綜藝節目《有個閨密叫祖藍》，9月4日晚十點三十五分無綫翡翠台播出第六集。嘉賓是出名快人快語兼率性的苑瓊丹，祖藍更抵死表示與苑仔結緣全因幫襯過對方公司的「育髮」及「防脫髮」療程。
今集嘅嘉賓係苑瓊丹。
祖藍話同苑仔結緣，竟然係因為幫襯過對方公司嘅「育髮」同埋「防脫髮」療程喎......估唔到祖藍都有呢方面問題！
自命黑材料收集站
點擊看圖輯
今集嘅嘉賓係苑瓊丹。
祖藍話同苑仔結緣，竟然係因為幫襯過對方公司嘅「育髮」同埋「防脫髮」療程喎......估唔到祖藍都有呢方面問題！
今集繼續有「閨密快問快答」。
佢自封東北惡狗，話仲會咬人添！
呢兩位朋友一見面就雞啄唔斷。
苑仔喺「閨密任務」入面偵探上身，以邏輯推理揭破祖藍嘅古惑招數；淨係睇兩個高手過招嘅相都夠過癮。
睇來苑仔收埋好多爆料......
苑仔暢談當年喺亞視嘅率性歲月，佢話當年如果受咗委屈或畀人誣衊，有高層唔想聽申冤請佢出門口，苑仔話諗起覺得自己好冇禮貌。
苑仔示範番當年點樣喺化妝間，畀啲工作人員冷待，佢仲拎支叉嚟扮梳，模仿對方點樣拍把梳落枱。
苑仔大談人生道理。
甫與祖藍碰頭「把口就冇停過」的苑仔，一嚟即自封「東北惡狗」：「我會咬人，我份人落閘放狗架！我最大問題係就算我想呃你，但我個樣（呃唔到人）…好多人都好驚我，我又好衰嘅、比較八卦，收收埋埋人哋好多黑材料。」每集都會帶嘉賓食好西的祖藍，先後帶苑仔到北京的四合院歎茶及品嚐海鮮邊爐。二人還先後接受製作組的「逆轉Truth or Dare」及「演技+觀察力測試」等任務，結果苑仔全線技術性擊倒祖藍，展示過人偵探頭腦，更連環爆料大談圈中見聞，內容用字都相當抵死。
今集繼續有「閨密快問快答」。
苑仔在節目中先後分享了事業、愛情及婚姻方面的波折及得著，另外還有人生觀、愛情觀及與《男親女愛》同劇演員的深厚友情等。苑仔披露當初對演戲產生興趣，全因讀書時上過無綫新聞節目：「有次TVB去我學校拍計數機嘅故仔。攝影師拍拍吓走埋我度，咁我咪喺度扮計數咯，嗰晚返去睇新聞真係見到自己，我就覺得自己好似好識做戲咁。」
佢自封東北惡狗，話仲會咬人添！
呢兩位朋友一見面就雞啄唔斷。
苑仔喺「閨密任務」入面偵探上身，以邏輯推理揭破祖藍嘅古惑招數；淨係睇兩個高手過招嘅相都夠過癮。
睇來苑仔收埋好多爆料......
1982年因報讀亞洲電視第一期藝員訓練班入行的苑仔，謂全靠在亞視打好基礎，才得以在無綫「生存」：「我喺亞視時會得罪啲高層。譬如有人誣蔑我，我會同高層解釋，就算佢話：『唔聽呀，你出去啦』，我都會話：『唔得！我一定要講。』人哋請你出去你都唔走、係都要講，其實好冇禮貌。我記得做完頭一個星期TVB，我揸番架車去亞視度喊。」
苑仔暢談當年喺亞視嘅率性歲月，佢話當年如果受咗委屈或畀人誣衊，有高層唔想聽申冤請佢出門口，苑仔話諗起覺得自己好冇禮貌。
苑仔示範番當年點樣喺化妝間，畀啲工作人員冷待，佢仲拎支叉嚟扮梳，模仿對方點樣拍把梳落枱。
苑仔大談人生道理。
苑仔續指在無綫工作初期「好多說話聽」：「有一次我梳頭，佢（工作人員）梳得有啲唔啱，我就話：『咦？唔連戲喎』。梳頭嗰個嗰把梳就即刻啪喺張枱度話：『咁你自己梳！』其實嗰吓要發脾氣好容易，要起身拍枱講粗口都得，但我當時諗咗諗決定吞咗佢。我拎起把梳，佢真係唔知我識梳，我咪自己吹自己梳，之後就起身走。」苑仔透露當年在亞視化妝間亦曾多番受冷待，更試過坐足一小時冇人理，之後有化妝師點醒便走去學化妝轉做「不求人」：「從此以後冇人可以掂我個妝，冇眉毛又好、彩虹眼影又好、畫星星眼都好，全部我自己化。」
