塌天秤22歲死者慳家孝順照顧抑鬱母 叔叔：佢媽媽唔知點過

秀茂坪安達臣道昨日發生塌天秤釀成3死6傷工業意外，其中慘死的22歲助理工程師潘浩鈺為今次意外中最年輕死者，其親友8日到場進行路祭儀式，其間有人情緒激動痛哭。潘浩鈺的叔叔Sam哥形容，死者為人孝順顧家，希望能夠賺錢養活照顧他多時的母親，豈料遭遇橫禍遺母慘死，「我睇住佢大，佢好乖，好孝順媽咪，好慳家，夜晚仲走去讀一個進修課程，諗住搵多啲錢照顧媽咪，佢哋係單親家庭，佢媽咪係新移民，好辛苦養大佢，點知......」。

22歲最年輕死者慳家，照顧嚴重抑鬱母，叔叔：佢媽咪以後點過。

談到此處，Sam哥雙眼通紅，只能搖搖頭，「個後生走得好冤枉，佢媽咪有嚴重抑鬱症，佢而家走咗，佢媽咪無晒希望，我唔知道佢媽咪之後點過」。

資料圖片

對於今次的意外，Sam哥認為並非意外，希望政府能夠盡快作出調查找出真相，「最緊要話個真相畀我地知，點解會發生呢個意外，呢次意外唔係意外，絕對係人為疏忽，無可能支天秤咁樣斷落嚟，政府無好好把關去驗所呢個天秤，唔止我一個家庭，仲有其他家庭受害，真係好痛苦，佢哋仲要咁後生，我好難過」。Sam哥指現時已聯絡兩位立法會議員郭偉强及鄧家彪跟進事故。

資料圖片

郭偉强指今次事故對於死傷者的家屬而言是飛來橫禍，又指死者潘浩鈺有為青年，非常上進，擔任工程師助理不久，已報讀進修課程希望在業界發展。他希望當局能夠盡快徹查事故，給予家屬一個答覆。

Sam談起死者潘浩鈺時雙眼通紅。

一名52歲男工人中午在啟德一個地盤工作期間，懷疑在升降台上暈倒，送往廣華醫院搶救後證實不治。

啟德體育園對8日工地內有外判工人工作期間受傷、送院搶救後不治表示十分難過，並已向死者家屬致予深切慰問。承建商及其分判商會為家屬提供一切適切的協助，並全力配合勞工處及警方調查。

啟德體育園意外。FB圖片

啟德體育園意外。FB圖片

勞工處表示，現正調查上午在啟德發生的一宗致命工作意外，意外中一名男子死亡。勞工處接報後已即時派員到現場，現正就意外原因展開調查。