吳千語唔急結婚生B 認跟百億富三代男友施伯雄好幸福

吳千語罕有提及百億富三代男友。

近年差不多長留內地發展的吳千語，最近終於有新作《一路瞳行》，首次跟影后惠英紅合作，更獲紅姐親自教戲，而戲中千語跟紅姐演的媽咪關係很差，會她反省跟父母關係。講到工作表現不及跟富三代男友施伯雄戀情受關注，千語完全唔介意，但承認兩人感情穩定，但暫未有計劃結婚，或者想生仔時先諗。

千語懶理外界是非，認為自己過得幸福開心最重要。

拍攝時26歲的千語着起校服冇違和感，戲中跟紅姐有不少感情戲。

《一路瞳行》是導演朱鳯嫻親身經歷，千語的角色正是導演本人，所以她有任何疑問可即問導演，反而更易投入角色。至於跟戲中演媽咪的紅姐合作，她完全冇緊張，更獲紅姐親自教戲，「佢會教我點樣利用身邊道具，可能嗰場導演設計咗要咁做，但你可以攞啲嘢當道具去幫自己表達感情，甚至有時可以要求另一啲道具幫手，我學到好多之前冇諗過嘅嘢。」

戲中健全的千語要面對分別由紅姐和吳岱融飾演、同樣失明的父母。

千語笑言父母已成為她的頭號粉絲。

曾跟媽咪經常頂嘴

戲中千語同媽咪關係好差，她坦承年少時也有做過做「衰女包」經常跟媽咪頂嘴，但現在同媽咪已似朋友相處，「阿媽始終係阿媽，佢最鍾意send啲咩『捱夜對身體十大壞處』嗰啲文章嚟，哈哈！反而做嘢佢唔會理我，對佢嚟講我幾成功都唔夠我健康重要。」父母更是她的頭號粉絲，「睇到我嘅嘢就save低，有作品一定睇，仲拉埋啲朋友去睇，默默支持。」

千語話生活充實，不用開工就約關智斌等朋友出海玩。

​ 千語跟施伯雄（紅衫）感情穩定，結婚是遲早問題。​

雖然千語的工作不停，但大家似乎最關注她的感情生活，她完全理解，「有時我睇人哋啲嘢，都會鍾意睇人哋拍拖多過做嘢，哈哈！細個可能會介意，但係大咗就冇，同埋真係過得好開心好充實好幸福，你唔會太介意人哋講啲咩。」問到跟男友施伯雄感情生活，她露出幸福甜笑話：「都好穩定囉！」但她坦承不急於結婚，「細個會諗最好幾多歲前結婚，但𠵱家變咗，其實我年年有啲變化，但係我覺得𠵱家呢個狀況都幾開心，唔使諗一定要結婚，其實要結又可以嘅，但係覺得冇乜必要，又唔係要生仔住。」

千語寧願養狗也未想生BB，湊人哋BB就無問題。

千語跟AK@MIRROR首度合作《忽然心動》仍未上映，她笑指好彩兩人冇乜親熱戲，不擔心對方粉絲呷醋。

吳千語罕提百億富三代男友施伯雄 坦認好幸福未打算生仔唔嫁住

馬天佑是吳千語和施柏雄兩人的「紅娘」。

馬天佑（Mayao）於昨日(1月11日)在YouTube推岀《Hi Five Live》演唱會全實錄，其中一首歌是上月推出的黑膠專輯《Hi Five》裡收錄的最後一首歌《Celebrate you!》。馬天佑在12月的個人演唱會首唱時也曾提及這首歌是為一段婚姻而寫的，他更是這對新人的紅娘，但始終未透露對象的身份。然而，最近好友吳千語和丈夫施柏雄在社交媒體上突然宣布舉辦簽紙儀式，這才讓馬天佑揭盅原來這首歌的主角是這對新人。

馬天佑為好友吳千語新婚，寫下祝福之作《Celebrate You！》。

相關影片可以按以下畫面觀看：

影片連結：https://www.youtube.com/watch?v=sVzAZoWxBGc

在演唱會更表示：「喺新碟嘅其中一首歌係為咗一個best friend結婚而寫嘅，而我重係呢段婚姻嘅紅娘。而佢聽日就結婚啦！依家呢個moment，正正就係佢上頭嘅吉時。所以係到送比大家一首充滿幸福嘅歌！」在《Celebrate you!》的Live video中，更剪輯了吳千語被求婚的片段。未婚夫施柏雄在拍攝吳千語29歲生日照片的當天，與馬友準備了一個大驚喜。他在一輛勞斯萊斯古董車前單膝跪下向吳千語求婚，場面感人。

Mayao撮合吳千語與施柏雄拍拖。

《Celebrate you!》表達了Mayao對這段婚姻的祝福和慶祝。

為了慶祝和紀念這對好友的婚姻，馬天佑特意與音樂人鐘說和Jae Chong合作，寫下了這首《Celebrate you!》。這首歌sample引用了陳慧琳《花花宇宙》中的一句歌詞 – Let's Celebrate，為這張唱片畫上了完美的句號。

Mayao與吳千語老友鬼鬼。

《Celebrate you!》表達了對這段婚姻的祝福和慶祝，這首歌將被收錄在馬天佑的黑膠專輯《Hi Five》中，成為專輯的終章。Celebrate You! 亦是Mayao High Five演唱會的精華片段，演唱會完整版亦會於同日發佈。