自認精神分裂容易跳掣 泳兒獲張敬軒主動教導點做星

泳兒笑言同軒仔直播似打了去輔導熱線。

泳兒最近推出新歌《18部半》外，還將於10月2日舉行《Breaking Live 2022》演唱會，為這幾年暗黑曲風作總結。今次演唱會似電影一樣以故事形式呈現，泳兒希望畀到大家耳目一新感覺。提到早前做直播被封為「樂壇社工」的張敬軒搞喊，泳兒笑言有被輔導感覺，更感激師兄不時主動提點教她點樣做星。

泳兒現在最擔心疫情影響演唱會進行，所以練歌都會照戴口罩。

泳兒

泳兒

新歌叫《18部半》，因泳兒已推出過18張唱片，而內容就講她近年性格變化，「我性格上有啲走向精神分裂，我一向畀人感覺好靜，但我唔係咁鍾意靜，可能有啲人覺得我多愁善感，但係我會對好多簡單嘅嘢好雀躍，我好似跳跳哋掣咁，可能每個人都係有呢種分裂喺裏面未爆發出嚟，首歌就係寫呢樣嘢。」

新歌《18部半》，泳兒都有新嘗試就係跳舞。

《18部半》MV中，泳兒有很多不同造型。

泳兒

泳兒

創作新歌泳兒投入度好高，今次製作演唱會更加全情投入，她強調今次演唱會是觀眾以往未必見過的類型，「以往可能會唱一啲好想泳兒唱嘅代表作，但基於我呢幾年有好多唔同經歷寫咗喺呢啲歌裏面，佢哋全部都可以構成一個故事，喺呢個演唱會裏面演繹出嚟，所以呢個演唱會入場就好似睇一部電影咁，唔會係一般大家入場睇演唱會嘅氣氛或者流程，希望同觀眾可以好同步，同呼同吸咁帶住大家個情緒去走，好似一個旅程。」

泳兒今次《Breaking Live 2022》演唱會，將由暗黑系列唱片班底製作。

海報睇落有型，原來拍攝時泳兒都要幾辛苦。

泳兒再為《聲夢傳奇2》任導師，可惜決賽跟演唱會撞期未能出席。

泳兒

為了宣傳演唱會，泳兒早前開直播跟粉絲分享，張敬軒突然現身，送上鼓勵說話時更搞到她爆喊，令軒公被網民封為「樂壇社工」，她不但認同仲笑言覺得當日似打了去輔導熱線，「嗰晚都有呢個感覺呀！哈哈！我好眼淺，佢又提返起我呢幾年經歷咗啲乜，我嗰刻又諗起咁辛苦行到呢步，開到個夢寐以求嘅演唱會，佢又一輪嘴咁講，都有被輔導嘅感覺。」泳兒又讚軒公好細心，私底下都有不時提點她，「佢講過自己要最着緊自己嘅嘢，唔可以太過依賴其他人，呢樣嘢都令到我有反省，尤其啱啱出道時真係好依賴，佢教我要主動啲，唔好咁被動，唔係要質疑人哋，而係點樣去表達自己嘅想法。」

泳兒開直播時，軒公突然現身鼓勵，令她爆喊。

張敬軒剛舉行的演唱會，都有邀請泳兒出任嘉賓。

泳兒為演唱會有好狀態，會努力調節好作息時間，因之前太夜瞓。

泳兒

黎芷珊飛紐約直擊張敬軒美國巡唱！

由黎芷珊主持的全新節目《芷珊約您》，逢星期日晚上9點半翡翠台播映。4月28日播出第二集，嘉賓是張敬軒（軒仔），芷珊飛到紐約直擊軒仔美國巡唱的最後一站，軒仔於能夠容納1萬9千人的UBS Arena開騷，更是首位於該處開騷的華人歌手，認真威水。

今集嘉賓係張敬軒。

今集嘉賓係張敬軒。

今集嘉賓係張敬軒。

今集嘉賓係張敬軒。

芷珊突擊時，軒仔匿埋喺度熨緊衫，場面搞笑。

芷珊突擊時，軒仔匿埋喺度熨緊衫，場面搞笑。

軒仔拎住放濕器喺度搞笑。

軒仔拎住放濕器喺度搞笑。

軒仔每次開騷必備一樣嘢，芷珊見到之後嗌大吉利是，究竟係咩呢？

軒仔每次開騷必備一樣嘢，芷珊見到之後嗌大吉利是，究竟係咩呢？

開騷前一天，芷珊去到軒仔下榻的酒店進行突擊檢查，當時穿着浴袍的軒仔匿在房中熨衣服，場面搞笑。之後芷珊要求檢查軒仔行李，向來搞鬼的軒仔從行李中拿出幾個棒狀物，原來棒狀物是放濕器，軒仔透露睡覺前會將它們放床邊四角放濕以Keep住靚聲；軒仔續指每次開騷都會必備一樣東西：「我有一樣嘢帶過關，啲關員係會覺得好奇怪，係媽媽每次都交帶我助手一定要帶！」芷珊看到箱子裝着的東西後即嘖嘖稱奇，更忍不住說了一句：「大吉利是！」究竟是甚麼東西咁驚呆？軒仔還會公開強逼症執篋大法，並親自示範如何將所有物品剛剛好塞滿整個篋、而且不留「半滴空位」，萬勿錯過「完美主義天花板」示範。

軒仔嘅強逼症執篋大法，要將所有物品塞滿個篋先安心！

軒仔嘅強逼症執篋大法，要將所有物品塞滿個篋先安心！

軒仔見到架Limo嚇到O晒嘴。

軒仔見到架Limo嚇到O晒嘴。

軒仔重提未紅時，曾經被酒客迎面擲花生殼，佢以超高EQ方法回應。

軒仔重提未紅時，曾經被酒客迎面擲花生殼，佢以超高EQ方法回應。

軒仔重提未紅時，曾經被酒客迎面擲花生殼，佢以超高EQ方法回應。

軒仔同芷珊去到喜雀兒市場閒逛兼食好西。

軒仔同芷珊去到喜雀兒市場閒逛兼食好西。

軒仔同芷珊去到喜雀兒市場閒逛兼食好西。

為了幫軒仔開騷前鬆一鬆，芷珊特別訂了一輛Limo（豪華轎車）孖軒仔去喜雀兒市場閒逛兼食好西，軒仔看到超長的Limo不禁露出O嘴表情，兩人在車上一邊歎香檳一邊傾偈，Chill到爆！入行廿年的軒仔現在事業一帆風順，芷珊問他曾否遇過經濟困難？軒仔坦言有：「十個煲六個蓋囉，特別2004年開始，屋企係有困難，嗰刻係開始覺得我嘅生活同命運已經唔喺自己手上。」軒仔亦承認曾為賺錢做過一些自己不喜歡的事情，並感嘆：「點解我會做歌手？因為搵錢搵得快。」軒仔續指年輕時因為等錢使，曾以十萬人仔賣斷收錄了《斷點》的專輯版權，並感嘆：「當年《斷點》據我所知（依家）係過億版稅。」講到未紅時，曾流連酒吧唱歌賺錢的軒仔，受過不少客人不禮貌對待，軒仔說：「唔需要有原因，一籃花生殼就飛埋嚟！」軒仔指當時雖自覺有點Hurt，但問了自己兩條問題後便決定放下情緒積極處理面對，最終以超高EQ應對危機，並磨練出日後的圓滑性格。

軒仔拒絕做「老海鮮」。

軒仔拒絕做「老海鮮」。

軒仔追求完美，綵排都一絲不苟。

軒仔追求完美，綵排都一絲不苟。

芷珊直擊後台重地。

軒仔出場前拖實芷珊。

軒仔喺紐約同樣大受歡迎。

軒仔喺紐約同樣大受歡迎。

去到喜雀兒市場後，兩人Chill住閒逛兼大歎海鮮餐，軒仔更親手餵芷珊吃東西！兩人吃東西時繼續深入交流；被問到如何勉勵後輩，軒仔即就地取材笑言不想做「老海鮮」：「要保持平和嘅競爭心態，先可以行得更遠。 同埋最緊要係要有自信，其實你係有地位嘅，就算企好遠都好，人哋都會框番你出嚟。」翌日正式開騷日，芷珊又帶觀眾直擊後台重地兼綵排情況，現場所見軒仔特別認真對待綵排，對所有細節更是一絲不苟，還大拋「愛粉Bite」：「唔可以Hea做，因為你唔會知自己嗰一晚、嗰一首歌對觀眾係有幾咁大嘅意義，所以每個環節都唔可以放過，呢樣係我爸爸教，教我要按章、按時、按量去做好演出。」演唱會完畢後，軒仔繼續接受芷珊深情專訪，軒仔將會分享未來十年大計，又會激罕大談感情事，芷珊更會嚴刑逼供問他拍過幾次拖！軒仔最後還會向芷珊大爆一個小秘密，並謂當時一度嚇至急急腳安排定身後事！到底軒仔的秘密是甚麼？