自開通個人社交專頁，保安局局長鄧炳強經常分享工作和生活點滴，大吸粉絲。最新推出的《小角色·大人物》第二集就請來著名導演高志森，分享成功之道。
節目剛開始，鄧炳強詢問高志森年少成名，會否有「飄飄然」的感覺。高志森直言，「飄飄然多少都有啲，尤其是年少氣盛嘅時候」，形容「每當片場不順暢，都會發脾氣」，直至有前輩提醒，「發脾氣是無能的表現，有能力解決問題的話，無需發脾氣」。
高志森寄語年青人「唔好怕蝕底」，相反「越年青，越要去試，唔好下下計較」。鄧炳強認同，稱「看似蝕底，其實著數咗，因為學多咗」。
來到節目的「火花位」，鄧炳強表示，高志森執導他人生第一部，同時是最後一部的電影，希望對方能評價他現時的演技。高志森笑回，鄧局長現時「已經豁出去」，「有了這麼多生活歷練，知道幽默感及節奏感，進步肯定好大」。鄧炳強秒回，「做人最緊要開心，我啲幽默感都係睇你啲片學返嚟」。
鄧炳強最後問到「如果可以為你做一件事，你希望是什麼」，高志森「希望能盡快穩定社會，因為保安局不單止政策上，還有民生上」，鄧炳強表示，「希望唔會令你失望」。
鄧炳強曾出演高志森的處女作《開心鬼》。網上圖片。
鄧炳強和高志森早在30年前結緣。當時，鄧炳強剛入讀中大社工系，高志森則執導其處女作《開心鬼》。由於特約演員收入豐厚，日薪高達700元，鄧炳強和同學靠拍戲「賺外快」。事隔多年，兩人在一次訪問中相認。高志森憶述，之後的第二部電影《聖誕快樂》有找鄧炳強擔任特約演員，相信監製和副導演都非常滿意他的表現。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
