江美儀鮑起靜睇騷化身小粉絲 草蜢主動打卡魅力沒法擋

江美儀和金像影后鮑起靜有份主演的劇集《下流上車族》正在熱播。同劇演員亦因拍攝此劇，關係緊密不少，相處就似一家人，工作上互相照應，閒時又約出來吃喝玩樂。

《下流上車族》於10月17日晚8時30分在翡翠台播出，劇中車家用盡下流手段為圓上車夢，笑料百出。

劇中鮑姐演林敏聰繼母，林敏聰用盡方法想騙取這「老小三」的公屋單位。

江美儀演劉家聰老婆。

日前江美儀又於社交平台曬出與鮑姐的合照，原來她們去了觀賞草蜢演唱會。化身粉絲的美儀姐大讚：「好好睇，台靚，衫靚，聲靚，跳舞勁，氣氛好，正」，仲大爆其實鮑姐興奮過佢！兩位不但望住草蜢邊唱邊跳，更嗌足成晚。之後美儀姐又捕捉到靚角度同台上草蜢合照，草蜢都好識做，其中一張特地走到美儀姐身邊。而草蜢相隔五年再辦演唱會，仍然狀態大勇，吸引大批粉絲及圈中好友支持，在台上又唱又跳魅力四射，現場氣氛熱烈！

江美儀鮑起靜睇草蜢騷。

草蜢都好識做，其中一張特地走到美儀姐身邊合照。

草蜢相隔五年再辦香港演唱會。

第三集的嘉賓是組合草蜢，芷珊飛到台灣直擊他們的高雄巨蛋演唱會

由黎芷珊主持的《澳娛綜合呈獻：芷珊約您》，逢星期日晚上9點半翡翠台播映。昨晚（5日）播出第三集的嘉賓是組合草蜢，芷珊飛到台灣直擊他們的高雄巨蛋演唱會，成軍39年的草蜢相隔30年再於高雄開騷，三子使盡渾身解數辣爆全場，氣氛熾熱。

今集嘉賓係草蜢。

今集嘉賓係草蜢。

今集嘉賓係草蜢。

高雄巨蛋演唱會完騷後，芷珊與草蜢三子蔡一智、蔡一傑和蘇志威進行深度專訪。芷珊問到三子覺得十年後的草蜢會是怎樣？蘇老闆直言不會被年齡限制思想：「歷史都係人創造，你6、70歲仲喺上面跳，唔係唔得㗎喎！」傑仔亦大表贊同：「唔好畀自己太多阻礙同藉口，盡做吖，將自己發揮到最好為止。」芷珊再問到他們覺得現在快樂嗎？三子異口同聲說覺得快樂，坦言入行39年的旅程充滿Amazing，傑仔說：「諗番自己出道，十幾廿歲到依家，好幸運我哋幻想出嚟嘅嘢都成為現實，仲要做得幾好添，所以好感恩。」阿智則說：「我哋三個係屋邨仔之嘛，讀書仲係渣添啦，以前以為成功唔到㗎喇，但依家係做到Famous喎，講緊去到邊度都有人識你喎，嗰時係幾難想像。」

草蜢喺台灣大受歡迎。

草蜢喺台灣大受歡迎。

節目尾聲，草蜢三子應芷珊要求爆一個小秘密，三子大爆入行頭幾年曾有表面風光，但其實非常窮困的時期，傑仔說：「我哋開始出道攞咗新人獎，入行差唔多7年，之後都攞咗好多獎，喺出面其實都叫幾紅，但係我哋其實仍然係好窮，嗰時仲係住緊喺屋邨，好多隔籬鄰舍會帶好多同學嚟睇，我哋真係冇辦法、瞓唔到覺，逼於無奈要搬出去，搬出去之後，我哋嘅錢只係夠買三張床褥，之後係咩都冇。」

草蜢三子好感恩入行39年遇到好多Amazing嘅事。

草蜢三子好感恩入行39年遇到好多Amazing嘅事。

傑仔續透露好友成奎安雪中送炭的義舉，他說：「嗰時成日同大傻成奎安一齊出去玩，玩完之後佢送我返屋企，佢係都要上嚟屋企坐，我話唔好啦，但佢死都唔肯，最終都上咗嚟屋企，佢一打開門冇諗過我屋企係咁，就連一張櫈都冇，佢坐咗喺地下，佢話冇櫈坐啫，畀杯水嚟飲吓都得啩，我話對唔住，我屋企連雪櫃、水煲都冇，當時我哋係窮到咁，嗰個年代表面係風光，內裏其實好慘，第二日大傻搵朋友送咗張梳化嚟畀我，係我屋企第一張嘅梳化。」傑仔憶起故人不禁哽咽：「好多謝大傻，雖然佢已經唔喺度，但我仍然好掛住呢個人。」

傑仔爆入行初期時表面風光，實質就窮到燶，講到好友大傻雪中送炭，佢都忍唔住哽咽。