林盛斌被冒認兜售名牌產品 寸爆騙徒唔係做老千材料

阿Bob句句有骨喎！

正所謂「騙徒手法層出不窮」，藝人因為有知名度，被騙徒冒認去偷呃拐騙的事不時發生，而藝人一般都會發聲以防有巿民因為自己的知名度而受騙。

大部分被冒認的藝人都會嚴正聲明，不過最近阿Bob林盛斌被冒認後不單只決定要向網民澄清，更加貼圖寸爆騙徒，笑嘲對方根本不適合做老千，勸他回頭是岸句句有骨：「恕我直言，你絕對唔係做老千嘅材料」。

【阿Bob如何寸爆騙徒以及其它娛圈冒認個案】：

阿Bob寫道：「其實平時Facebook同IG用咗我嘅頭像， 然後扮係我去留言𢱑水吹呃人嗰啲都算」。

阿Bob寫道：「因為有少少常識嘅都知道嗰啲係假account， 所以絕大部份都係唔會上當」。

阿Bob寫道：「而我亦都會叫大家快啲去舉報佢！」

阿Bob寫道：「原來最近佢哋已經低B到呢個程度， 寫埋呢啲應該連我個細仔都知道係呃人嘅訊息。」

阿Bob寫道：「呢位老千，不如你真係正正經經搵份工啦， 恕我直言，你絕對唔係做老千嘅材料。」

阿Bob寫道：「首先我係非常多謝同埋感恩你咁睇得起我， 但係出面咁多勁嘅明星名人個名你唔用， 你竟然用「Bob」？仲要中文名都唔寫？ 會唔會真係太睇得起我呀大佬？」

阿Bob寫道：「如果人哋一句：『邊X個Bob呀？』 你話成件事幾尷尬呢？你有冇認真諗過㗎？所以，我衷心希望你好好檢討吓自己。」

阿Bob寫道：「各位，而家外面市道可能真係唔係幾好， 好多呢啲壞人出嚟搵食，大家一定要小心。」

句句都有骨呀！

楊秀惠近年打理美容生意非常出色。

作為女強人代表的楊秀惠成為商家目標。

有人張她的相片p入商品，盜用她的頭像去賣廣告。

麥明詩都成為騙案女主角。

早前《東張西望》曾報道有人假扮麥明詩。

連FB帳戶都似到極。

冒牌麥明詩向粉絲借錢。

冒牌麥明詩向粉絲借錢。

周柏豪曾被盜用頭像賣洗頭水廣告。

湯洛雯都試過被盜用頭像賣洗頭水廣告。

連郭富城都中過招！

話說當日郭富城上搞駕駛執照。

結果個人資料疑似被偷拍。

最後又與內地人合照，其後相片和資料流出，被商家盜用去推銷汽車和樓盤，寫道「郭富城都買了，你還猶豫什麼」。

仲有肥媽都中過招。

肥媽私房菜名稝被盜，用似去推銷廚具。

黎瑞恩呢單比較另類。

黎瑞恩被冒名於網上發布極端批評訊息。

最後黎瑞恩自己出嚟解話。

何依婷相片被盜用，差啲連聲譽都冇埋！

何依婷相片被盜用至色情交易網站。

何依婷相片被盜用至色情交易網站。

何依婷慘變「小仙女Baby」，仲有晒人物簡介！

新晉小花黃紫恩都中招。

IG靚相被盜用去作「賣相」之用。

不過黃紫恩似乎唔太介意。

仲repost揶論盜相之徒！

阿Bob林盛斌被冒認兜售LV產品。

4大嘉賓鬥數「襟撈」三大型男當中一人更是國際級知名人士！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，19日10點半翡翠台播映最後一集。Mayanne邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義兼八卦地狂數三名「襟撈」型男，分別是郭富城、碧咸及陳豪！事緣阿Bob談到「願意合照」是藝人襟撈其中一個準則時，Mayanne興奮地大談與碧咸的一次同台經歷：「當時我做MC，安排緊啲客同碧咸影相，佢就擰轉頭同我講『Would you like a photo as well？』」隨即引發全場尖叫，城城則獲阿Bob點名讚「合照來者不拒」。阿Bob又謂「願意合照」其實是藝人絕佳公關：「嗰個人搵你影相，係因為佢鍾意你，佢咁同你影第一佢好開心，第二可能放社交平台讚吓你。」阿Bob續指農夫亦相當識做：「有時面對一啲新人或業餘主持人，佢哋上台前會問製作單位位主持叫咩名，上到台就會叫嗰個人個名，個主持人就覺得受尊重。」即場被票選為「襟撈」代表的阿Bob及咪咪姐，更大方分享演藝界「襟撈」金科玉律，密切留意。

最後一集嘉賓有吳若希、袁偉豪

朱咪咪同林盛斌

Mayanne講番當年碧咸主動問佢使唔使合照時，吳若希瘋狂尖叫。

袁偉豪成功過渡看淡負評：最好唔好講嘢

至於被即場票選為「唔襟撈」代表的吳若希，及舉手自認唔襟撈的阿Ben，亦先後獲機會「自辯」。其中自與太太張寶兒結婚後飽受不少負評的阿Ben，直認當初確實介意，但現在已看化：「我覺得你可以有自己睇法，但最好唔好講嘢，唔好喺網上表達自己意見，就算好簡單講句『我唔鍾意』，每個人接收你嗰句唔鍾意都有唔同睇法。」、「其實普遍大部分觀眾都唔認識我，同時仲會對我多咗個睇法，自己喺工作上努力咗咁多年會覺得唔抵；為頭家點點點，到頭來都有網民對你有另外睇法。當然嗰個係一個階段，呢刻你問番我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」阿Ben說畢，Mayanne及現場嘉賓即爭相指他放鬆了不少，對此阿Ben搞笑謂：「如果咁都唔鬆，真係唔使再撈喇！」

對於網民嘅聲音，袁偉豪明顯睇淡咗好多。

吳若希親解頒獎禮Over舉動背後真相

四位嘉賓還大派花生，Mayanne重提吳若希當年在《勁歌金曲》頒獎禮中，當宣布菊梓喬獲得女歌手獎時，如何overreact令全場爆尷的往事：「我喺個台度心諗：『吳若希你收斂少少好冇呀？你興奮過得獎嗰個，唔該你坐番低啦！」』吳若希即解畫謂：「因為我好緊張，當刻我心諗我未夠班，千祈唔好頒畀我呀，我攞咗又要畀人鬧喇。」Mayanne續指當時大會司儀都在台上盤數如何為吳若希打圓場，咪咪姐聞言即搞笑搭嗲：「點兜啫，做到咁出面！」Mayanne繼續「針對」若希謂：「我成日懷疑點解佢仲喺呢行，佢成日辣著網民，我同佢影合照放社交平台，啲人會喺我度留言問我點解仲同呢個人做朋友。」並指若希出事原因是經常「公審」老公，咪咪姐聞言勁驚訝：「呢啲私隱做乜擺上網？」到底自封「小辣椒」的吳若希會點樣回應？

對於吳若希喺網絡「公審」老公，咪咪姐大表費解。

咁到底吳若希會點回應？

Mayanne重演番吳若希當年喺頒獎禮失態一幕。

吳若希就解釋番當時嘅心情。

至於阿Bob的大型花生，就是當Mayanne問他接Job有沒有底線時，他揞名爆曾推掉一部三級片，隨即惹起哄動，阿Bob更會娓娓道來當時推卻邀約的真相！之後若希追問：「如果搵你好似黎諾懿要露半個pat pat呢？」阿Bob竟爽快以五個字答案回應，到底又是甚麼？另阿Bob還親述曾親自回應網民負評的往事，最終成功將嬲到爆粗留言的網民最後變成留言為阿Bob打氣，打底阿Bob如何以奇招化解戾氣？密切留意今晚最後一集《Mayanne小喇叭》。

阿Bob一講話曾經有人搵佢拍三級片，震撼到Mayanne即刻企起身。

吳若希追問林盛斌裸露底線，阿Bob個答案當然絕啜核啦。

吳若希追問林盛斌裸露底線，阿Bob個答案當然絕啜核啦。

阿Bob講番當年同細細粒嘅激烈親熱戲時，一度嚇親咪咪姐。

對付負評，阿Bob有自己一套嘅應對方法。

呢一集曾展望會為自己一件好唔識撈嘅往事公開道歉，到底咩事咁大件事？