《東張西望》追查牛頭角嬸嬸餵曱甴 以一個理由解釋極端行為？

牛頭角嬸嬸灑麵包餵曱甴被起底！

TVB節目《東張西望》早前播出屯門蝴蝶邨成為鼠患黑點、又揭發葵涌的公園淪為老鼠樂園，而11月17日晚播出的節目內容，就見到牛頭角遭大量曱甴圍襲，咪以為是區內衛生差導致出現大量曱甴，經節目的觀眾報料，原來是有一名貌似5、60歲的女子，游走牛頭角區內多處，拎住一袋袋麵包撕碎後四圍撒，懷疑她有獨特喜好愛餵曱甴。經攝製隊深入追查，「曱甴嬸嬸」被揭在區內的餐廳工作。

牛頭角街市附近一個商場最近出現一名「嬸嬸」，被街坊發現在區內疑餵曱甴。

觀眾報料指該「嬸嬸」行為怪異，而且警覺性好高。

「嬸嬸」經常拎住一個環保袋。

環保袋內裝有麵包，周圍撒完就會離開。

觀眾向節目提供畫面。

見到「嬸嬸」灑白色物體。

麵包碎周圍撒。

又拋入草叢。

攝製隊於某一晚上10時許，就發現「嬸嬸」行蹤。

「嬸嬸」鬼鬼祟祟走到一旁。

「嬸嬸」再行上草叢。

「嬸嬸」撒嘢。

趁沒有人注意時，就拎出好大嚿麵包撕碎。

成手都係。

再好似灑聖水般四圍撒。

連環撒麵包碎。

主持魏柏豪就見到一地麵包碎及綠豆。

但沒有見到其他動物。

不過就有好多曱甴。

街坊好震驚。

街坊坦言好噁心。

街坊好怕曱甴會走入民居。

「嬸嬸」被見到去買麵包。

原條麵包買走。

入足夠貨。

跟住再去後巷撒麵包。

見到有途人時，「嬸嬸」會停手等一陣。

其間裝作若無其事。

等後巷冇人時再折返。

主持魏柏豪在事發現場。

一掀起塊板，畫面好恐怖。

有女途人嚇到跑走。

麵包碎佈滿後巷。

仲有大廈後門。

「嬸嬸」的行為令人難以理解。

「嬸嬸」的行為令人難以理解。

「嬸嬸」撒完一袋又一袋。

成條新開的麵包繼續撒。

手上好多貨。

主持魏柏豪採訪「曱甴嬸嬸」。

魏柏豪問「嬸嬸」餵曱甴原因。

正在煲煙的「嬸嬸」未有回應。​

魏柏豪繼續追問。 ​

「嬸嬸」只是回避。

「嬸嬸」未有解釋。

主持問餵了多久？

「嬸嬸」走避不作回應，主拎便問有沒有事可以幫助她？

「嬸嬸」反問幫乜？

「嬸嬸」問主持是甚麼人？

得悉是《東張西望》。

「嬸嬸」行得更急。

「嬸嬸」被追問到走埋牆邊。

「嬸嬸」解釋自己只是執東西。

「嬸嬸」未有透露是否住在附近。

「嬸嬸」對攝製隊的採訪一直避開。

「嬸嬸」走出馬路。

見有的士即上車走。

上的士甩開攝製隊。

上的士甩開攝製隊。

「嬸嬸」未有為餵曱甴回應。

主持未能同「嬸嬸」溝通。

「嬸嬸」被發現在區內的餐廳工作。

「嬸嬸」被揭在區內的餐廳打工。

「嬸嬸」被揭在區內的餐廳打工。

專家指品種是美洲蟑螂，容易繁殖。

專家指有食物提供，蟑螂可在短時間內大量繁殖。

《東張西望》去信食環署跟進。

已安排清潔工加強清理。

牛頭角嬸嬸灑麵包餵曱甴被起底，身分曝光以一個理由解釋極端行為。

黎寬怡表示：「如果你都覺得我講得唔啱講，又或者講得唔係咁好，你都可以掠過我。但係我都好想同大家分享，因為我真係喺當中有啲感動，我想幫啲女仔講啲說話。」

TVB節目《東張西望》上周一連數日報道一名有非禮案前科出獄後變身KOL的謝姓男子，在網上藉看貓狗之名，誘騙逾20少女發生性關係並偷拍性交過程及劫財，最年輕的受害人僅13歲。事件曝光後掀起廣泛討論，負責追訪事件的「東張女神」黎寬怡（貓仔）近日就挺身而出，拍片為一眾受害少女平反！

黎寬怡連日追訪風化案KOL事件。

一名有非禮案前科出獄後變身KOL的謝姓男子，在網上藉看貓狗之名，誘騙逾20少女發生性關係並偷拍性交過程及劫財，最年輕的受害人僅13歲。

事件曝光後掀起廣泛討論，，黎寬怡近日拍片為一眾受害少女平反！

黎寬怡在IG分享以「貓仔有話兒」為題的影片，同時親述及撰長文解答觀眾的疑問：「唔知道大家最近有冇睇東張西望？近一連四集出咗一個姓謝嘅男仔，佢用咗唔同嘅方法，誘騙啲女仔上佢屋企，進行性行為。呢一個個案喺網上面引來好多嘅討論，好多人都講緊點解啲女仔會咁傻？隨便就上一個男仔個屋企？咁多受害人，但係佢哋都冇人肯報警？所以呢條片會講返少少關於我同嗰啲女仔接觸過後，得出幾睇法。不過我知道呢條片應該都會引來好多嘅反對聲音。如果你都覺得我講得唔啱講，又或者講得唔係咁好，你都可以掠過我。但係我都好想同大家分享，因為我真係喺當中有啲感動，我想幫啲女仔講啲說話。」

親述及撰長文解答觀眾的疑問。

接着，黎寬怡將觀眾的四大疑問「點解啲女仔好似咁容易就上陌生人嘅屋企？」、「點解好似啲女仔咁容易就同一個男仔發生性行為？」、「咁多受害人，但係佢哋都冇人肯報警？」，以及「點解我哋東張西望會大做呢個case，但係又冇幫啲受害人報警？」逐項列點解釋。

點解啲女仔好似咁容易就上陌生人嘅屋企？

黎寬怡舉出其中兩個案例，「其中一個個案係，因為佢諗住同呢個男仔去做義工，諗住個男仔都係好有愛心，但係因為臨時大病，所以先會臨時甩底。個男仔同個女仔講到自己病得好嚴重，叫佢買藥上佢屋企，所以個女仔就上咗個男仔屋企擺低藥；另外一個個案就係喺網上面識咗好一段時間，都傾咗差唔多成半年。諗住大家真心係真心做好朋友，甚至真係諗住發展男女關係，先會應約佢上咗個男仔屋企。」

Q1. 點解啲女仔好似咁容易就上陌生人嘅屋企？

黎寬怡續指，訪問過的受害人大多在疫情期間發生，「有係嗰段時間拍拖拖嘅朋友，都知道疫情期間出邊，又的確係冇乜太多消遣嘅活動。彷彿上一個人嘅屋企，好似都係好常態嘅事。」而且男方經當強調家中有很多動物要照顧，以及媽媽都在家中，「大家都覺得上一個男仔屋企，佢媽咪又喺度，咁應該都好安全。所以好多女仔都冇乜戒心，就上咗個男仔屋企。」

點解好似啲女仔咁容易就同一個男仔發生性行為？

黎寬怡認為，很多家長平時為工作賺錢養家，因而甚少時間陪子女，令子女感覺缺乏愛和關心；又或者有些家長並非不願抽時間陪子女，而且平日都以責備及責罵的方式育兒，甚少說關心、噓寒問暖的話，所以當眼前突然出現一名對自己事事關心又甜言蜜語的男子，就會令少女們誤以為是「愛」，加上成長過程中可能少見父母之間有戀愛式的互動，令她們與得有身體接觸才是被愛，是甜蜜的事，又或者被灌輸「愛需要付出才可換來」，她們會覺得作出性行為或能換取男方更愛惜自己，「好多女仔唔知道自己身體其實好重要，亦都好寶貴…理所當然咁，就付出咗，去獻比個男仔。」

Q2. 點解好似啲女仔咁容易就同一個男仔發生性行為？

黎寬怡又指，案件中有受害者只得是13、14歲的小女生，拍拖經驗不多，父母及學校亦沒有提供太多戀愛及性教育，「而且可能喺我哋平時睇好多電影裏面，都係講啲男女主角大家有好感，好快就會有啲『性』嘅情景出現咗。係咪大家拍拖其實都會做咁樣嘅行為呢？所以好多女仔就會因為咁樣，而同個男仔發生咗關係。」而且受害人普遍身形比較瘦弱，當面對身形又比較龐大男子，就算嘗試作出反抗，其實有的確幾難走得甩。

咁多受害人，但係佢哋都冇人肯報警？

黎寬怡表示，不少受害人為上過謝先生屋企而感自責，「佢哋覺得點解自己當初咁蠢？點解自己會送上門呢？點解自己唔識保護自己？自責到覺得自己做所有嘢都係錯，覺得自己遭受到咁嘅經歷都係抵死，做咩要報警呢？明明錯嘅就係自己。」而另一個重要的原因是除了在後樓梯被非禮的受害者，大部份受訪的女事主都被偷拍或明拍過性愛片，「試問幾多個有片喺男仔手，佢又點敢輕舉妄動，難道佢就唔擔心個男仔公開啲性愛片？」她相信不少受害人都未有告知身邊親友，所以如果報案可能要承受被更多人知道的風險，為避免被謾罵、嘲笑及再揭開多年瘡疤，才選擇不報案。

Q3. 咁多受害人，但係佢哋都冇人肯報警？

點解我哋東張西望會大做呢個case，但係又冇幫啲受害人報警？

黎寬怡解釋：「因為程序上係需要受害人自行去報警，雖然報案係有佢嘅必要性。第一，姓謝嘅男子需遭到法律嘅制裁，第二，係避免喺呢段時間再添加更多嘅受害者。但係我哋亦都唔能夠去『迫』任何一個受害人去報案。我哋將呢個個案擺上枱面，並唔係幻想希望啲人去網絡欺凌個男仔。因為我哋好想話俾其他唔知情或者以為得自己一個面對緊呢啲情況嘅受害人講：你唔係唯一一個！如果你真係需要幫忙，我哋都會陪你。」

Q4. 點解我哋東張西望會大做呢個case，但係又冇幫啲受害人報警？

最後，黎寬怡向一眾受害少女表示：「過咗去嘅事，的確係冇辦法擦咗去重寫，但係我哋好想話俾你哋聽，你哋係被愛！」並盼望大家不再受威脅、自責，未來要好好愛惜自己，世上的確有不少渣男及壞蛋，但亦有許多好男人存在，「正常嘅戀愛 係唔會逼你去用性愛去維繫！亦都唔會喺『性』方面唔尊重你！例如話：其實都冇鍾意拍片或者影色情相嘅大前提之下，強迫你去做呢件事！健康嘅愛 係唔會委屈自己！亦都唔會傷害到任何人！包括你、包括個男仔、或者包括其他嘅人！」

雖然黎寬怡坦言知道自己勇出說出這些想法必定會遭到批評和攻擊，但面對部份網民的惡意批評，她都忍不住在IG Story反擊，「躲在假帳戶背後攻擊他人，對他人、對自己的生命又有何益處呢？不過我最終都選擇了拍片分享，對於現在收到的負面留言，我絕不後悔。」

黎寬怡坦言知道自己勇出說出這些想法必定會遭到批評和攻擊。

但面對部份網民的惡意批評，她都忍不住反擊。