TVB慶祝55周年台慶，破天荒由20位司儀組成龐大司儀陣容，史無前例匯聚全台逾300位藝員傾力演出，並由11位綜藝監製聯手精心炮製連串表演及環節，延續TVB 55年經典 。
李佳芯
李佳芯Ali這晚把頭髮紮成髻,穿了一身紫色露背晚裝，襯 圓環耳環，光采照人。被問到近日傳出跟新歡一起去日本旅行，她就否認：「唔係，其實我以前一年都會自己去一次旅行，但因為入咗行之後真係好少咁嘅機會。但我下年年頭有兩個projects，咁所以想趁而家有少少時間沈澱一下，攞攞靈感同埋放下假咁。我都有朋友移民咗去日本，咁我都趁住今次自己環島遊，諗住去唔同嘅地方有時探下朋友、自己去靜下。播同唔同數目嘅人啦、唔同男女啦、唔同國籍嘅人食飯Meetup，但咁岩去到輕井澤實在太多香港人，其實我真係冇諗咁多，所以就俾人影咗。但我都知道大家關心我，所以先至會咁。」強調被拍到同行的男士只是朋友關係。表示有其他同行的朋友：「其實唔只佢㗎，只不過其他人去outlet度買緊嘢，佢就後join。好快天黑，當時係五六點，佢後join我哋就被影咗相。」
被傳媒問到早前被拍到疑孖新歡遊日本一事，李佳芯否認拍拖傳聞。
問到今次日本之旅對他有什麼啟發？Ali就說：「以前一個人去都冇咁長時間，今次我去咗兩個禮拜。以前我一個人去會去一啲城市區，可能真係東京、台灣一啲城市乜嘢都有，好B時好熱鬧，但我今次真係去咗啲郊區地方，揸車去唔同嘅地方睇紅葉，睇寺廟。我係真係想靜落嚟沉澱個人，我直程好似放咗個假咁。我不嬲都嚮往呢啲（生活），我鍾意大自然。其實（今次旅行）都有一半為咗工作嘅，因為想幫我之後嘅創作上攞靈感。」
李佳芯表示一向去不同地方都會約在當地的朋友食飯見面。
她還透露接下來有很多TVB以外的工作：「呢幾年我都有出書、有拍微電影，有做唔同嘅嘢，亦都有同唔同嘅parties合作，有慈善、有身心靈嘅嘢。都會有，所以而家係一個創作階段。」有咩工作目標？「其實我冇諗咁多，對我嚟講有幫助先。無論我接觸香薰、Meditation，我想我而家讀緊一啲情緒健康嘅課程。無論世界、定身邊啲人有一啲負面嘅情緒。或者有一啲人會失眠，我好多朋友都係，我見到身邊有好多呢啲咁嘅問題，咁我就諗點樣可以做多啲嘢。無論係幫自己，播佢哋都好都會幫到佢哋。」
李佳芯修讀有關情緒健康的課程。
