港女呻男友堅稱兩餸飯助減肥 網民：只能減開支

不少人亦喜歡既便宜又方便的兩餸飯。有港女則在網上發文指，其男朋友認為，每日只要吃「有菜有肉營養夠均衡」的兩餸飯，則可達到減肥效果，但她卻對此做法有保留。

港女指，男朋友認為有菜有肉，營養夠均衡。資料圖片

她指，男朋友認為食兩餸飯亦可減肥。資料圖片

該名港女日前在香港討論區以「食兩餸飯減肥？認真咩？」為題發文，指男朋友表示要減肥，而自己亦很支持他，並決定與他一同減肥，更特地在網上搜尋餐單給對方。然而，男友卻表示自行煮食太麻煩，「每日食兩餸飯咪得囉，有菜有肉營養夠均衡」。樓主續指，看著男朋友已吃了一星期兩餸飯，「暫時唔見佢有肥咗/瘦咗」，但認為進食太多兩餸飯不太健康，「始終兩餸飯又多油又有味精」。她又指，「我話煮埋畀佢，佢都話唔要，唔知係嫌我煮嘢唔好味定係太清淡」。

相關帖文隨即引起熱議。網頁截圖

有網民認為，男朋友是行錯方向。網頁截圖

相關帖文隨即引起熱議，有人則出，「減肥真係好辛苦」、「只係唔可以任性，未至於辛苦，不要同自己洗腦，植入錯誤訊息」、「加油啊要減得健康啊」等。另外，有人認為「出街食最唔健康」、「食兩餸飯只能減開支，不會有助減肥」、「外賣始終多油多味精，減肥係要做埋運動先得」、「根本就係行錯方向，少少飯，正常肉，多多菜先可以減到肥」、「唔係仲油仲肥咩」等。

另有網民則指，只要識選擇，食兩餸飯一樣可以減肥。網頁截圖

另有人則認為，「識選擇，食兩餸飯一樣可以減到肥」、「兩餸係自己揀、揀魚同大閘蟹好健康、若然咕哩肉自己切咗層包皮就得」、「兩餸飯未必是問題，睇你揀啲乜嘅啫，醬汁=垃圾，白飯=垃圾，加工食品=垃圾，避開晒呢啲，例如你揀一嚿蒸魚（走豉油），另加兩隻煎蛋之類，其實無乜問題的」、「小心揀餸就OK」、「食淨兩餸啦，食飯唔會瘦」等。

帖文來源：香港討論區

有港女指，其男朋友認為食兩餸飯可減肥。資料圖片

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」