$30出售手機因一原因惹買家負評 賣家一句回應再捱網民怒轟

不少人亦會在網上拍賣平台放售自己已不再使用的物品。有賣家近日在網上發文指，以30元出售一部手機，但因為一個原因被買家留下負評，隨後的回應亦再被其他網民炮轟。

買家在取得手機後向其傳訊息，提到「電已脹，keyboard有啲問題」。「Carousell 乞衣+X客關注組」fb

該名賣家近日在「Carousell 乞衣+X客關注組」發文，指「今次可能真係我做得唔夠好」，並提到日前在網上平台以30元的價格放售一部手機，在完成交收後卻收到買家的負評。該名賣家指，「其實一部賣$30包平郵的電話可以幾高汁？這部電話功能正常可以打出打入。電池有發脹但未壞」，並指買家若擔心電池問題「可以淘返粒新電」，或到相關店舖「睇吓有冇機會換到電都得」。賣家續指，「我就係天真地以為呢個價錢可以反映質素以為買家會明白。結果得到了負評。實在難過。」

買家認為，「其實$30唔係錢問題，只是道德問題。」「Carousell 乞衣+X客關注組」fb

從其上傳的圖片可見，買家在取得手機後向其傳訊息，提到「電已脹，keyboard有啲問題」。賣家則回覆指，「電可以換呀」，並指這些平價手機即使是購買新機，「啲keyboard都係咁」，又指「電未壞的手機亦無壞，唔好介意我咁講，其實$30部手機你想要好高質素？」

賣家則回覆指，「其價錢反映質素。」「Carousell 乞衣+X客關注組」fb

該名買家在留下負評後表示，「其實$30唔係錢問題，只是道德問題。如果事前說明電已脹和鍵盤有少少問題，大家都可接受，不應是交易後這樣說呢！」賣家則回覆指，「我賣前已測試手機可以打出打入正常使用，是一部可運行的手機。一部用了幾年的平價手機，電池有些微發脹實屬常見，重點是電池仍可正常運作。其價錢反映質素。買家收到後卻說我騙他，實在摸不著頭腦。」買家則可回覆指，在收到手機後才得知電池發脹，反問「知否電脹是危險，會爆炸？」並指「公道自在人心」。

有網民直言，「你唔止做得唔夠好，直頭係靠害呀」。fb截圖

有人指，「有問題要講清楚，買家有權決定買唔買」。fb截圖

有人則指，「唔係錢問題，係使用安全問題」。fb截圖

相關帖文隨即引起熱議，不少人直斥賣家的行為，直言「電池脹咗就丟鬼咗佢啦，你未聽過電池過熱發脹會爆炸？」、「真係喪心病狂，賣電話定係賣炸藥呀？」、「你部電話壞到咁，30蚊都唔值啦，仲好意思講想幾高質」、「其實咁嘅電話都賣，係心地唔好呀」、「其實電脹同Keyboard又真係要講嘅。唔係錢問題，係使用安全問題」、「取暖失敗例子」、「某程度我覺得就算係free，電池脹都係要講，因為係安全問題，同幾錢無關」、「你唔止做得唔夠好，直頭係靠害呀，因為涉及安全問題，如果買家因為個發漲電池有啲咩三長褲短你過唔過意得去？」、「有問題要講清楚，買家有權決定買唔買，你以為價錢反映質素，唔洗講，簡直不知所謂，抵你畀人負評，西賣家」等。

帖文來源：「Carousell 乞衣+X客關注組」

有人認為，「其實咁嘅電話都賣，係心地唔好呀」。fb截圖

有賣家以30元出售手機，但因為一個原因被買家留下負評。示意網圖

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」