孖韋羅莎同組擔任《全民V》導師 馮允謙驚自己「花姐上身」鬧爆學員

Rosa笑言相信Jay發惡便好大件事。

和陳蕾陳健安（On仔）一樣擔任《全民造星V》導師的韋羅莎（Rosa）與馮允謙（Jay），二人同組指導學員，現場影合照時Jay更要求一向型格示人的陳蕾一齊畀心心，十分搞笑。Jay表示見過幾位參賽者覺得「幾鍾意」，最重要是外型舒服，感覺有更多事物可以發掘和大家分享的人選。但他與Rosa都表示現在十分初步，不能貪心每個都想要，笑言有位全能表演者令他們印象深刻，靚仔肯除衫又是唱《記憶棉》。提到和陳蕾及陳健安的心水相同，Jay笑說：「點解唔唱《反對無效》？首歌我寫一定加分！哈哈！」

和陳蕾陳健安（On仔）一樣擔任《全民造星V》導師的韋羅莎（Rosa）與馮允謙（Jay），二人同組指導學員。

現場影合照時Jay更要求一向型格示人的陳蕾一齊畀心心，十分搞笑。

二人指參賽者高質令競爭很大，同樣是比賽出身的Jay，直言當年是辭職參賽追夢，若見到參加者「玩玩下」便不會選擇，因為應該尊重比賽和機會，不會只看天賦。他期待分享自己這十年的經驗，笑言不想用惡一面應付學員，但自認高要求怕自己沒耐性而爆炸，令人期待一向斯文的Jay「花姐上身」罵爆學員！Rosa笑言相信Jay發惡便好大件事，笑指自己也識得惡，但會控制住對自己有把握。

二人指參賽者高質令競爭很大。

Jay自認要求高怕自己沒耐性。

Rosa笑言相信Jay發惡便好大件事，笑指自己也識得惡，但會控制住對自己有把握。

提到其他三位導師都是「苦口婆心」路線，問會否擔心要由Rosa做「黑面」？她笑說：「不會，他們3個都唔少嘢，相信節目中大家會見到他們不同的面貌，剛剛面試都感受到其他人的底線，都看得出參賽者的問題。」Jay指Rosa是戲劇老師，對付學生有一套，Rosa自認曉得和學生相處，希望令學生爆發小宇宙。

戲劇老師的Rosa自認曉得和學生相處。

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。