馮允謙投入拍攝唱片封面 紋身傷疤眼紅紅扮吸血鬼

今年「唱作王子」馮允謙（Jay Fung）多首派台歌都有傑出成績，由情人節冧到暈的《 報復式浪漫》、受疫情影響困在屋企悶到發惡夢的《 Freakin Nightmare》、摯親離世無法出席演唱會有感而法寫的《 給缺席的人唱首歌》和送給受情傷的朋友《Take A Breath》等，全部都登上流行榜冠軍位置。當中《報復式浪漫》更獲得五個台流行榜的No.1，為Jay Fung帶來首個大滿貫紀錄。早前派台的新歌《Me And The Moon》充滿節日中單身寂寞感，廣受歡迎。

馮允謙

Jay Fung說：「今次新碟主題係『LOVE』同埋『LOSS』， 即係『愛』與『失去』，點解會有呢個主題？2021年嘅時候， 我感到屋企人、朋友，Fans都俾咗好多愛我， 開始造新碟時寫好嘅歌關於『愛』，旋律比較輕快和開心。」 所以就創作了甜蜜情歌《報復式浪漫》，之後Jay Fung的創作亦隨著經歷和感受。他說：「 大約今年三月時感到好忙，好多事情發生，無得放假，寫咗一首《 Freakin Nightmare》。七月舉行咗我首個個人演唱會， 好可惜嫲嫲嚟唔到，我寫咗首歌《給缺席的人唱首歌》送畀嫲嫲。 今次專輯除咗愛情歌，仲有啲歌寫失去和遺憾，紀錄我嘅成長階段， 影嘅相亦都比較成熟。」

Jay Fung表示今次的新碟主題LOVE同LOSS， 即係愛與失去。

去年Jay Fung 唱片配合吸血鬼三步曲，以紅黑色為主調，充滿電影感。 今次全新專輯《LOVE & LOSS》走成熟風格，以沉實色調。唱片封面Jay Fung頸後有紋身，手臂和臉上有傷疤特技化妝，像真度極高， 他笑說：「大家唔使驚，唔使心痛，係特技化妝，好似呀！」

馮允謙

為配合拍攝概念，Jay Fung承認情緒低落了大半天，拍攝期間還眼紅紅。他說：「 LOSS部份設計師和攝影師想用傷和痛去表達， 除咗以紋身和傷疤化妝加強感覺，仲影好多感覺好沉重嘅相， 拍完成個人情緒down咗好耐！呢個經歷好特別，有少少辛苦， 但出嚟啲相我好滿意，同平時嘅我好唔同，畀大家見到我另一面。」

為配合拍攝概念，Jay Fung承認情緒低落了大半天，拍攝期間還眼紅紅。

馮允謙

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。