在元朗土生土長的巴基斯坦裔男子,昨晨上班途中,發現一名失戀洋醉漢跳入明渠尋死,他即奮不顧身跳落污水渠救人,更苦勸事主「女友無咗可以搵過,最緊要珍惜生命!」救人巴漢英雄事迹迅即網上瘋傳,好人有好報,有女網民見他落渠浸毀手機,特意送上新手機以示表揚。
救人英雄叫Babar(24歲),巴基斯坦裔,在區內土生土長,任職清潔散工,與家人居住新田。一口流利廣東話的Babar稱,當時見有人在水中,但沒有人施援,遂落水相救。他自言讀書不多,但知道見別人有事便要去幫:「唔救佢就無咗,而家感到好開心!」
現場為青山公路近喜利徑一條明渠,昨晨8時許,一名滿身酒氣的洋漢(33歲),突跨過渠邊1米高欄杆,再爬落5米下污水中,一步步向深水區而行。在場街坊曾喝止洋漢,並拋下兩張膠凳,讓他拿著當水泡,但未獲理會,在場有數十街坊圍觀,但無人下水救人,有街坊致電報警。
正趕上班的Babar途經見狀,二話不說便縱身躍入污水明渠,並將洋漢由深水區拉回淺水區,其間向他查問原委,洋漢透露遭女友拋棄,借酒澆愁後感不開心欲尋死,Babar隨即向他苦勸:「女友無咗可以搵過,生命最寶貴,你死咗父母都會唔開心,最緊要珍惜生命!」洋漢終被Babar說話打動,此時,多名消防員亦趕至,將洋漢送博愛醫院檢查。