港女見家長後驚覺缺生活常識 男友一行為令網民力勸分手

懂得使用開瓶器及下廚是否屬於必要的生活常識？有港女在網上發文指，日前到男友家「見家長」，但自己不懂得下廚或使用開瓶器，令她驚覺自己欠缺生活常識。不過，男友的一個行為卻令不少網民勸喻樓主分手。 

樓主指，自己不太懂得使用開瓶器。示意網圖

該名港女日前在Dcard討論區以「冇乜日常生活常識」為題發文，提到日前到男友的家中「見家長」，亦購買水果到場當見面禮，但由於自己不懂得下廚而無法協助煮飯，「有幫手切嘢，但係好似畀佢哋嫌我切得唔好，所以叫我出返去」。她續指，男友母親在得知她不懂得下廚後，隨即笑著表示「咁呢個女仔唔得喎」。其後，男友家人打算開樽裝啤酒，「因為我好少飲支裝要開蓋嘅飲品，所以唔係好識用開瓶器，用錯咗方向」。樓主男友見狀後隨即大聲表示，「你用錯方向喎，常識嚟㗎喎」，而男友母親則指「你喺屋企係咪唔洗做嘢？呢啲我肯定小學常識書都有教啦，共桿原理啊嘛」，而男友聞言後則回答「你當佢幼稚園畢業啦」。

她又指，自己不懂得下廚。示意網圖

樓主則指，「然後成餐飯我都唔知點出聲好」，並解釋指自己在小時候獲工人照顧，而父母則在她就讀中學時離婚，隨後她則跟隨父親生活。她指，「通常我哋都係翻熱嘢食，就算我自己一個食，因為我都唔鍾意煮嘢食，平時食麵包就ok」，並直言「成20幾歲人今次畀人講完之後好自卑，原來自己真係冇乜生活常識」，並指「但係我個人認為女仔唔一定要食煮嘢食，我自己對食冇乜要求，所以冇興趣要學煮嘢食，係咪真係時候要去學？」

不少人勸喻樓主與男友分手。網頁截圖

相關帖文隨即引起網民討論，不少人勸喻樓主與男友分手，並指「唔尊重你嘅分得」、「分咗手先慢慢學」、「其實佢哋係咪夾埋嚟玩你？你男朋友唔幫你已經可以分，一定冇未來。唔識咪唔識，肯學咪得，佢哋連呢個概念都冇」、「佢哋當眾落你面真係衰格咗少少，你男朋友仲話埋你一份就更過分，身為男朋友應該第一時間幫你講嘢」等。

另有人則批評男友家人的行為。網頁截圖

另有人則批評男友家人的行為，並直言「坦白講，呢家人全家都好rude」、「過門都係客，要你幫手做嘢已經不了，仲要咁嘅反應完全係無禮貌無家教」、「佢阿媽都幾X街，自以為高人一等咁，一啲尊重都冇」等。樓主在回應留言時則指，「因為我嗰晚會係度瞓，所以我覺得唔幫手就好似白住一晚」，並指打算與男友分手。

有人則指出，「識基本菜式，當自己一個人生活煮三餐唔會食厭就夠」。網頁截圖

另有人則指出，「你一個人食就食麵包，唔通三餐都食麵包咩。我覺得識基本菜式，當自己一個人生活煮三餐唔會食厭就夠，唔一定要煮嘢好叻」、「成日見人要求女仔識煮飯，唔見要求男仔識煮飯，係想搵個保姆定係女朋友」、「學識基本嘢就好，但唔係為佢而學，係為你自己」等。

帖文來源：Dcard討論區

港女到男友家「見家長」後，驚覺自己欠缺生活常識。《愛回家之開心速遞》劇照

港男家中陷財困需賣樓解困，但母親將雜物塞滿600呎單位導致一屋蟲屍，令他欲哭無淚指「根本冇人想要」。

(FB圖片）

母親囤積成癮在單位塞爆雜物

該港男的女友於Facebook群組「香港突發事故報料區及討論區」發文，表示「男友叫我代po唔想揚」，她提到，男友的父母住在一間約600呎的自置單位，但因母親長期囤積各種雜物，家中只剩50呎的活動空間。

物品堆疊至天花板衛生狀況惡劣

從照片可見，客廳內堆滿了一袋袋及一箱箱的物品，物品堆疊至已經剝落的天花板。窗戶也被雜物遮擋，室內冇光非常陰沉。而屋內僅剩一條狹窄的通道勉強通行。樓主表示這些雜物不僅影響了居住環境，還引來蟲蝨，衛生情況惡劣。

(FB圖片）

男友父親出現經濟問題需賣樓但單位無人問津

該女網友指男友的父親最近遇到經濟問題，「要用好大金額」急需賣樓籌錢，但由於單位狀況太差，根本無人問津「層樓而家咁樣根本冇人想要，成間屋又多雜物多蟲屍，仲要唔知係咪蚤，上親去一定比嘢咬。」。

男友難頂母親惡習已搬離

樓主又指，男友的母親並不覺得自己的行為有問題，認為自己帶回來的物品沒有影響到他人。他們曾經建議父母離婚，但母親也拒絕與家人溝通解決問題。男友亦「頂唔順」，早已搬出自住，但回家後發現情況依舊沒有改善，甚至愈加嚴重。

(FB圖片）

家中有大量蟲虱清潔公司拒絕接案

男友也因為家中有大量床蝨，被叮咬引起皮膚敏感和痕癢，家人曾經嘗試過找專業的清潔公司，但對方一聽到家中有大量雜物和蟲害問題，都不願接案。樓主無奈表示「到底點可以解決到呢啲囤積問題？唔通真係要東張先唯一辦法？有咩執屋公司可以幫到？」

GETTY圖片

網民籲帶母親求醫解開心結

帖文引熱議，不少網民提議帶男友的母親求醫，了解她的心理問題，逐步說服她接受改變「屋企人可能要睇醫生，或許是精神科問題。囤積症」、「通常有呢種情緒病都係因為心結，想化解呢啲問題係要搵專家同佢傾」、「真係要想辦法捉佢去睇醫生，執100次屋都冇用」、「冇得救啦！你同佢掉左執過又點，下次又黎。直接叫佢睇醫生啦」、「睇心理輔導，疏理吓個人情緒，客觀地討論賣樓嘅必要性，要佢明白無太多選擇嘅情況下需要放下」。

Getty圖片

帖文來源：Facebook群組「香港突發事故報料區及討論區」