三日內連跑50場謝票 張敬軒組「超神經拜年團」大玩新年指定遊戲

「超神經拜年團」打麻雀好好笑～

由張敬軒、王菀之（Ivana）主演的賀歲片《超神經械劫案下》於年卅晚（1月21日）正式上映，身為影壇新丁兼首次擔正任賀歲片男主角的軒仔，雖然自電影上映以來均緊張得睡得不好，但他也十分賣力，三日內共跑了50幾場的謝票。

首次擔正任賀歲片男主角的軒仔自電影上映以來均緊張得睡得不好。

但軒仔都十分賣力宣傳，三日內共跑了50幾場的謝票。

軒仔表示：「喺演嘅過程中，可能係大家嘅默契、不同嘅理解，都充滿咗好多喜劇感喺入面，但喺呢部戲入面有樣嘢希望大家都睇得到，就係我哋『解款員』句口號：『用心守護 拼死悍衛』，因為喺我哋成長過程當中，冇人話俾我哋聽成長嘅代價，就係有啲嘢會慢慢失去、要接受一啲無奈嘅事實。但我相信喺我哋共住嘅世界入面，依然有好多嘅價值觀、或者我哋自己人生覺得應該要堅持嘅地方，所以希望2023年通過呢部電影可以提醒大家，無論喺生活上、工作上、感情上遇到乜嘢挫折都好，都一定要用心守護。」

軒仔表示：「希望2023年通過呢部電影可以提醒大家，無論喺生活上、工作上、感情上遇到乜嘢挫折都好，都一定要用心守護。」

連日來軒仔除了不停謝票，他更組成「超神經拜年團」拍攝節目，孖Ivana跟劇中一眾演員包括：白只、楊天宇（Angus）、郭思（Suey）、黎峻（Kenneth）、張明偉、邱頌偉及洪嘉豪大玩遊戲及拜年。

「超神經拜年團」

「超神經拜年團」

節目一開始，軒仔先跟Ivana、白只、Angus及Suey進行新年的指定活動：打麻雀。雖然是打廣東片三番起糊，八番128，但當中加入不少搞笑規矩，如每次摸到花、上牌或碰牌，都可以為該回合增加規則，犯規者將會被暫停下一輪摸牌﹐限時一小時，贏得最多錢的一名為勝。洪嘉豪首先摸到花，所以他便定下第一條規矩：全程講英文；隨後軒仔摸到花，他又定規矩：全程講中文；不過坐在軒仔下家的Ivana同樣有花，她便立即改回恢復講英文的規矩，氣得軒仔立時反白眼，十分搞笑。

楊天宇、洪嘉豪

洪嘉豪、白只

眾人不停說古靈精怪的英文時，坐在軒仔旁邊的Suey不停說廣東話，而且又「篤爆」軒仔手上的牌，於是當軒仔一有機會碰牌時，本來他加了一條「講嘢要高音」的規矩，但隨後又轉為，「I want to mute this bitch’s voice.」引來全場爆笑，更謂：「I just enjoy this kind of quiet.」隨後眾人又不斷加入騎呢規矩，如精通日文的Ivana將要講英文轉為講日文，不准說hey、碰牌時要唱歌等，笑料百出，最後由軒仔以$256勝出牌局。

郭思、張敬軒

打完麻雀，便進入下個遊戲「械劫龍門」，三人一組作賽，每人腰間擊上掃把，用掃巴將足球掃入對方龍門，不能用腳，限時十分鐘，入球較多隊伍為勝。最搞笑的是，每當球証軒仔數三、二、一準備開㺷時，心急的Suey在軒仔未吹哨子前便開球，隨後又連續兩次在軒仔數到二便踢球，絕對是「搞事份子」，最後獲得兩面黃牌及懲罰：戴上大頭佛頭及特製眼鏡。

張敬軒、王菀之

張敬軒、王菀之

不過，Suey的「搞事」表現原來都是節目效果，拍攝前眾人已溝通好由Suey負責「炒鍋」賽事，而她的表現亦十分稱職，出來的爆笑效果超出預期。比賽中段，可能因為球員太落力，以致所以的掃把頭都甩掉，只剩下以掃把棍繼續作賽，最終Angus、洪嘉豪及Suey一隊以二比零勝出賽事。

觀看相關影片按連結：https://youtu.be/8UHBqtrQwQ0

由黎芷珊主持的《芷珊約您》昨晚（4月28日）播出一集嘉賓是張敬軒（軒仔），芷珊飛到紐約直擊軒仔的美國站巡唱。

巡唱圓滿結束後，芷珊與軒仔進行深度交流。入行廿年的軒仔，大談由當年隻身來港發展到今日成為香港樂壇頂流之一確實不容易，芷珊問軒仔入行多年犧牲了甚麼？軒仔坦言：「一個內地人嚟香港（發展），你會覺得你有咩唔好嘅新聞，會好似變咗一個內地人嘅典範（代表），好多因素令我覺得輸唔起。」軒仔續指為了保持靚聲，連最愛的酒都不敢多喝：「我要Keep住把聲仲唱到以前啲歌，咁呢啲就係平時生活上嘅約束。」

今集嘉賓係張敬軒。

今集嘉賓係張敬軒。

今集嘉賓係張敬軒。

軒仔嘅美國巡唱大受歡迎。

軒仔嘅美國巡唱大受歡迎。

問到未來十年的計劃，軒仔打算將多年來累積到的經驗與後輩分享：「用我哋捱過嘅苦頭去話畀佢哋聽捷徑喺邊度，呢啲係好好嘅傳播（傳承）。」芷珊問到現在的他快樂嗎？軒仔坦言：「快樂呀，行到42歲呢兩年係我人生最好嘅時候，我有自己團隊，無論做演唱會或者拍Youtube都有好反應，自己派嘅歌反應又好好，爸爸媽媽生活又安穩 ，自己想食嘅嘢又食得起，想去嘅地方又去得起，覺得人生好圓滿，但要Keep住落去係唔容易。」

軒仔大談未來10年大計，佢話希望將自己經驗分享畀後輩。

軒仔大談未來10年大計，佢話希望將自己經驗分享畀後輩。

芷珊還大膽向軒仔提問大家最想知道的感情事，42歲的軒仔坦言開始有想被人照顧的念頭，芷珊問到有否遇過適合的對象，軒仔想了良久後說：「（呢行）唔係好識到人係真嘅，同埋（我）唔係咁輕易畀人進入到我生命。」他又自認惡頂謂：「譬如有Potential成為情人嘅人，同一班Friend嚟到我屋企，會喺我屋企攞起啲嘢嚟睇睇，但係佢擺唔番啱個位，咁我就會行埋去擺番啱，咁就完咗喇。」芷珊向軒仔嚴刑迫供拍過幾次拖，軒仔說：「拖過一隻、半隻手仔咁啦，我係一個講將來嘅人，但一去到講將來標準就會唔同，我係冇『不如行吓睇吓點先啦』呢一種，我所有嘢都要Well Planned。」

芷珊逼供軒仔感情事，軒仔自爆生活習慣會嚇怕potential對象。

芷珊逼供軒仔感情事，軒仔自爆生活習慣會嚇怕potential對象。

問到有否真正愛過一個人？軒仔不諱言：「我覺得我係愛過，其實父母係影響咗我嘅感情觀，佢哋兩個係南轅北轍，佢哋到依家都係唔夾，我見到我媽嘅痛苦，嗰種矛盾到依家40幾年都係冇解決，佢哋到離開嗰一日都唔會解決得到，我唔可以畀我人生係咁。」軒仔直言如果遇到真愛便會退休：「如果我Commit得佢係我另一半，我會同佢Share人生最後嗰段時間。」

軒仔坦言受到父母「矛盾一生」影響，唔會輕易投入一段愛情。

軒仔坦言受到父母「矛盾一生」影響，唔會輕易投入一段愛情。

軒仔坦言受到父母「矛盾一生」影響，唔會輕易投入一段愛情。

節目尾聲，軒仔應芷珊要求爆了一個小秘密！軒仔透露2012年時突然有一天，十隻手指無故變黑，「點洗都洗唔到，仲要係入面黑出嚟，好似中咗毒咁！我係一個有疑病症嘅人，嗰時又有Depression，醫生朋友即刻安排我入私家醫院，所有嘢Check完都係正常。嗰6、7日我係人生第一次覺得，如果我突然間死咗，阿爸阿媽點呢？我打電話畀我身邊嘅人安排好晒啲嘢，之後突然之間發現，嗰排着緊嘅牛仔褲點解摸完之後（對手）愈嚟愈黑嘅？原來係條牛仔褲甩色，一條牛仔褲冇咗我10萬蚊，（為咗呢件事）整咗10萬蚊呀住院！」軒仔續指當時的「身後事」非常誇張：「我打電話畀Johnny Yim（著名音樂人），同佢講要做幾個Project，叫佢幫我編曲，如是者Johnny幫我整咗70首歌，嗰70首歌係舊歌翻唱，我就錄晒。雖然牛仔褲事件已經過咗去，但呢件事好似一個炸彈，如果我突然間走咗，我剩低嘅嘢係唔夠阿爸阿媽過生活。」

軒仔大爆烏龍「身後事驚魂」，一條牛仔褲搞到佢痛失10萬蚊！

軒仔大爆烏龍「身後事驚魂」，一條牛仔褲搞到佢痛失10萬蚊！

軒仔大爆烏龍「身後事驚魂」，一條牛仔褲搞到佢痛失10萬蚊！