港鐵日前聯同美紙於中環香港站舉辦《你在我心張國榮20年創作展》，多名圈中好友出席，包括葛民輝、陳幼堅、文念中、文雋等等，而一眾「哥迷」及好友均借出珍貴的張國榮收藏品，而葛民輝更製作1：1張國榮半胸雕像成為焦點，平時喜笑顏開 的葛民輝都一本正經，細訴同哥哥嘅點滴：「我同哥哥比較少合作，因為佢後期再出唱片時，都少去電台做訪問，而最衰我又唔係袁靚靚，冇得同佢《金枝玉葉》！」。亞葛表示製作哥哥頭像花兩周時間完成，雖與哥哥未算親密，但從梅姐口中知道佢做嘢嘅工作態度，所以好佩服佢、值得我地學習。」
《你在我心張國榮20年創作展》
展覽於港鐵香港站C出口附近舉行。
出席活動的文念中表示， 最難忘與哥哥在阿根廷拍攝《春光乍洩》的時刻：「因為在拍攝中途我要趕回香港準備婚禮，哥哥得知消息後，肉緊地將我抱實，替我高興之餘仲講笑話『我地都好想結婚。』。早前我執嘢時搵到張3R的底片，原來係我地同哥哥在阿根廷合照，呢張相真係好緊要。」
點擊看圖輯
《你在我心張國榮20年創作展》
展覽於港鐵香港站C出口附近舉行。
哥迷可免費入場參觀。
葛民輝製作張國榮雕像致敬。
葛民輝表示花了兩周時間製作哥哥雕像。
文雋借出《愛火》及《有誰共鳴》簽名白版黑膠唱片。
文念中難忘與哥哥拍《春光乍洩》。
哥迷可免費入場參觀。
葛民輝製作張國榮雕像致敬。
葛民輝表示花了兩周時間製作哥哥雕像。
展覽於港鐵香港站C出口附近舉行，哥迷可免費入場參觀，林敏聰借出〈無心睡眠〉填詞手稿、谷德昭則提供拍攝《家有囍事》、《花田囍事》、《戀戰沖繩》時的合照，而文雋一直收藏大量張國榮封面雜誌及書籍，呢次展覽更借出《愛火》及《有誰共鳴》簽名白版黑膠唱片等等，成為入場人士「打卡」熱點：「我其實收藏80、90年代巨星嘅封面，因為呢幾年疫情，令我有時間可以執吓啲收藏品，好好彩都保存得好靚。」而同場的陳幼堅就話屋企有專櫃收藏哥哥的唱片封套，笑言展場唔夠大未能一一展出：「當年華星年代我地唔係太熟，但佢都會邀請我上屋企食飯，佢真係好重感情！」
文雋借出《愛火》及《有誰共鳴》簽名白版黑膠唱片。
文念中難忘與哥哥拍《春光乍洩》。
《你在我心張國榮20年創作展》由 3月23日(下午5時起) 至4月6日於香港站* (已付車費區域近 C 出入口)舉行，市民入閘後免費進入展覽區。
