高級超市買麵包驚見「活物」袋中遊走 港男大呻中伏

畫面驚人！

所謂一分錢一分貨，高級超市貨品價格不低，顧客當然期望食材新鮮優質。近日卻有港男在社交平台發文兼上載影片，投訴於某高級超市買回來的麵包袋內竟出現活曱甴，還非常活躍，在麵包袋內不斷遊走，令他大呻「中伏」。不少網民也見了直呼恐怖，但亦有人質疑曱甴是樓主買回家後才爬入袋內，對大家的疑問，樓主逐一解釋。

該港男於Facebook群組「中伏飲食報料區」上載兩條片段，顯示一個半透明膠袋裝著麵包，清晰可見一隻活生生的曱甴在麵包上爬行，非常噁心。樓主表示那些麵包是當天下午購自位於國際金融中心（IFC ）的某高級超市內的麵包店，回家後還未拆開包裝袋，便看見遊走的曱甴，直言今次「中伏」。

此帖一出引起網民熱議，很多人也直呼恐怖「你袋住隻野咁耐，諗起都恐怖」、「好大隻，好驚」、「隱藏曱甴包/定死而復生包，好恐怖」。有網民認為一定要追究「將條片發去佢哋寫字樓投訴啦」、「打電話投訴啦」、「有冇報食環？」。

「加料」事件偶有發生，不過今次竟然是活曱甴。示意圖片

不過也有人懷疑曱甴是樓主離開超市後才爬進袋裏「入袋之後有封實？」、「會唔會係你屋企走入去嫁」、「XXX嘅包裝有兩種， 如果直接行埋去用麵包夾自己攞嘅麵包， 到收銀處畀錢，先至會用一條金屬芯嘅紙帶紮住， 另外一種係已經包好咗放喺 cashier附近嘅位置， 嗰啲先至會有一張 citysuper label紙貼住，而嗰啲就唔會再加索帶， 所以我睇極都唔明點解張相；條片係用label紙，但係樓主又話佢一直有索帶索住」。

但樓主則好肯定表示包裝一直是密封著，他解釋「由個店員用條繩包好之後都冇開過」、「因為我呢個麵包係喺麵包舖收銀處包完再攞去city’super俾錢，要夾埋其他嘢泊車，所以有張label」。

有網民質疑曱甴是樓主離開超市後才爬進袋內，但樓主堅稱麵包袋一直是密封着的，曱甴不可能之後才爬進去。示意圖片

根據食物安全中心指引，如市民在食肆用膳時發現食物不潔、有異物、或不宜食用，可向食物環境衞生署作出投訴。另外，若市民在進食後感到身體不適，亦應盡快求醫；如經醫護人員確定為食物中毒個案，診所或醫院會通知食環署及衞生防護中心安排跟進調查。

帖文來源：Facebook群組「中伏飲食報料區」

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」