畫面驚人!
所謂一分錢一分貨,高級超市貨品價格不低,顧客當然期望食材新鮮優質。近日卻有港男在社交平台發文兼上載影片,投訴於某高級超市買回來的麵包袋內竟出現活曱甴,還非常活躍,在麵包袋內不斷遊走,令他大呻「中伏」。不少網民也見了直呼恐怖,但亦有人質疑曱甴是樓主買回家後才爬入袋內,對大家的疑問,樓主逐一解釋。
該港男於Facebook群組「中伏飲食報料區」上載兩條片段,顯示一個半透明膠袋裝著麵包,清晰可見一隻活生生的曱甴在麵包上爬行,非常噁心。樓主表示那些麵包是當天下午購自位於國際金融中心(IFC )的某高級超市內的麵包店,回家後還未拆開包裝袋,便看見遊走的曱甴,直言今次「中伏」。
此帖一出引起網民熱議,很多人也直呼恐怖「你袋住隻野咁耐,諗起都恐怖」、「好大隻,好驚」、「隱藏曱甴包/定死而復生包,好恐怖」。有網民認為一定要追究「將條片發去佢哋寫字樓投訴啦」、「打電話投訴啦」、「有冇報食環?」。
不過也有人懷疑曱甴是樓主離開超市後才爬進袋裏「入袋之後有封實?」、「會唔會係你屋企走入去嫁」、「XXX嘅包裝有兩種, 如果直接行埋去用麵包夾自己攞嘅麵包, 到收銀處畀錢,先至會用一條金屬芯嘅紙帶紮住, 另外一種係已經包好咗放喺 cashier附近嘅位置, 嗰啲先至會有一張 citysuper label紙貼住,而嗰啲就唔會再加索帶, 所以我睇極都唔明點解張相;條片係用label紙,但係樓主又話佢一直有索帶索住」。
但樓主則好肯定表示包裝一直是密封著,他解釋「由個店員用條繩包好之後都冇開過」、「因為我呢個麵包係喺麵包舖收銀處包完再攞去city’super俾錢,要夾埋其他嘢泊車,所以有張label」。
根據食物安全中心指引,如市民在食肆用膳時發現食物不潔、有異物、或不宜食用,可向食物環境衞生署作出投訴。另外,若市民在進食後感到身體不適,亦應盡快求醫;如經醫護人員確定為食物中毒個案,診所或醫院會通知食環署及衞生防護中心安排跟進調查。
帖文來源:Facebook群組「中伏飲食報料區」