又有食客中伏!
每個人的口味各有不同,或需要在點餐時提出特別要求,不過若餐廳未能配合,結果可能弄巧反拙。近日就有一網民於社交平台發文分享中伏經歷,他指於某茶餐廳點了豬扒麵,落單時吩咐侍應麵要「爽啲」,侍應卻在落單紙上備註「生啲」,結果上枱時豬扒麵的豬扒真的「生啲」,只呈半生熟狀態,令樓主非常無奈。
該網民於Facebook群組「香港茶餐廳及美食關注組」發文兼上載照片,「原來食茶記咁多學問」樓主表示日前於葵涌某茶餐廳吃早餐,點了一客豬扒麵配流心蛋及火腿絲通粉配野菌炒蛋多士。由於樓主喜歡吃爽身彈牙的公仔麵,於是落單時要求麵要「爽啲」,可能是溝通上有誤會,侍應在落單紙上竟備註「生啲、生啲」,樓主亦未有即時看到落單紙上的備註。
樓主推測廚房看到落單紙後,誤會了客人想點「生啲」豬扒,於是上了半生熟的豬扒,樓主起初也不為意,直至吃到骨位時才發現豬扒未熟透,呈粉紅色半生熟狀態,非常噁心,此時他才注意到落單紙上的備註「原來落單,千祈唔可以話個麵爽啲,張單上面寫生D生D ,嚟到塊豬扒都變成生D」。樓主之後同樓面侍應反映豬扒未熟,侍應亦立即答應更換,不過樓主婉拒「我同姐姐講,佢話同我換過,我見其他都食完,話唔使換」。
此帖一出即引起網民熱議,有人認為廚房有必要確認查證一下「廚房師傅係咪儍㗎,諗都諗到豬肉點會要生D」、「阿姐落單有問題都算,廚房又係無常識,豬扒煮生啲點食」、「可能姐姐唔明你講乜,但豬扒都無理由會生,你估食刺身咩」、「邊有可能係要豬扒生啲㗎?如果廚房太忙嘅話就可能會發生呢啲情況嘅」、「早上9點幾,早餐黃金時間,應該系係師傅覺得張單麻煩,是但做完就出單!現在行內確有這些師傅存在」。
有網民則認為到茶餐廳用膳,不應要求多多「去呢啲就冇要求咁多喇!唔係專門店」、「一杯走甜,面又要爽啲,另一杯又少甜,其實你都唔嘢少」、「出街食飯唔好咁多要求,唔好改menu係常識啦」、「你估你去左五星酒店咩」、「唔係話樓主西客,只不過呢d地方預左唔好講質素」、「抵啦,正正經經食個公仔麵唔得嘅,係都要搞咁多嘢。」
帖文來源:Facebook群組「香港茶餐廳及美食關注組」