李克勤尾場請劉德華擔任嘉賓 笑言家庭負擔重唔會退休住

一連七場「弦續李克勤・港樂演唱會」5月20號在紅館舉行最後一場，李克勤請來好友劉德華擔任嘉賓，兩人合唱《如果有一天》及《我恨我痴心》，引爆紅館，氣氛非常熱烈。狄波拉、陳慧嫻、黎姿、張敬軒、克勤太太盧淑儀與兩個兒子李立仁和李力司亦有捧場。

克勤請來好友劉德華擔任嘉賓

克勤每晚也會選唱一首其他歌手作品，20日晚他就表示，「今晚我揀的歌，呢個人點形容佢？我問過佢，你情願人讚你靚仔，定係讚你唱歌好，演戲好，佢話靚仔！我但凡有咩奇難雜症，我都會去搵呢個人，遇上困難佢係我明燈，以前每一次我做演唱會，佢一定來睇採排，以下呢首歌，送比劉德華先生: 《如果有一天》」克勤唱了幾句後，舞台把劉德華升上來，現場觀眾驚喜萬分，歡呼聲震烈紅館，兩人歌畢，華仔說，「其實我一直都好驚。」克勤: 「下？你驚？你都會驚？」華仔笑道，「驚呀，上一次我都係唱呢首歌(如果有一天)我吊係上空兜左一個圈，就要同大家講下次再見啦。所以今日再唱呢隻歌，對我來講係好有意義，但又好驚，個心慌㗎。」克勤話，「咁你幾時再開呀？你記的叫我來呀。」華仔就話，「好快㗎啦。」然後叫全場觀眾企起身，再跟克勤合唱《我恨我痴心》，把氣氛帶到最高點。

兩人好老友

配合相當默契

好有feel

20日晚尾場，克勤可以話係由頭開始收禮物，收花，收利是，收到完場重不停收到手軟，各式其式禮物、玩俱，利是，每一刻他行近觀眾都接到滿載而歸，他台上說 :「真係好多謝大家，利是就係我兩個仔助學基金，呢幾日都有返屋企拆禮物，睇大家寫俾我的信呀咁，我發覺，我收到波衫，Lego，玩具啦，重有護膚用品、防曬用品，抗皺面膜...都有，哈哈哈...連護膚都要大家提我，照顧我，真係多謝大家一番心意。」

不斷同fans互動

克勤可以話係由頭開始收禮物，收花，收利是，收到完場重不停收到手軟

此外，克勤又獻唱半首《傻女》，令捧場的原唱者陳慧嫻成為焦點被觀眾不停以電話集郵，他見慧嫻被遭包圍即說：「哎也，寶麗金之友，哎吔，唔好意思，係我衰，引左大家注意你添。」他又示意控制台快啲熄燈。好等慧嫻可以安靜享受他個唱。與觀眾互動環節，全場大合唱《 紅日》畢後，克勤又大讚: 「呢邊唱得咁勁，唔怪得啦，原來張敬軒係到！哈哈。」 軒仔不單紅日跟著克勤唱，很多首歌也站立又揮手又跳舞，看得十分投入，令台上的克勤不時做回心心手勢多謝。

克勤又大讚: 「呢邊唱得咁勁，唔怪得啦，原來張敬軒係到！哈哈。」

軒仔不單紅日跟著克勤唱，很多首歌也站立又揮手又跳舞

來到最後一首歌《告別校園時》，全場大叫encore，克勤連續唱了3首歌，觀眾一直點亮手機燈把紅館幻化燈海及跟著他大合唱，克勤感動道：「我要記住呢個畫面，我覺得我好幸運，我只係一個好喜歡唱歌嘅人 ，唱歌可以成為我職業，由1987 年第一隻唱片，到依家好一段時間，大家同我一齊成長，時間過得飛快，昨日炎明熹來做嘉賓，佢 18 歲，我個仔都15 歲啦，我重同佢唱情歌，我都唔知點投入，哈哈....時間過得好快，由其疫情，每個人都學會好珍惜身邊每一樣野， 今日你地仲帶咁多燈牌，其實無論有冇燈牌，我都好珍惜大家對我嘅愛護，冇人會知道下次演唱會係幾時，工作係無止景，追求都無止景，但知足應該會有....係寶麗金年代，畫子 (關維麟)揀呢首歌比我個陣，我最初好唔鐘意，覺得好娘，佢話你信我啦，你可能會唱一萬次。我冇諗過，呢隻歌咁多人鐘意，多謝大家。」然後為大家獻上「一生不變」， 全場跟著他一起大合唱，場面感人。

仲大派心心

完場之後，大部份歌迷一直不肯離去，喊encore喊了近十五分鐘，最後克勤不敵大家熱情，再一次上台，笑道 : 「真係咁真係咁痴纏？」然後再唱了《誰願分手》及《沒有你嬴了世界又如何》才真正完結演唱會。演唱會過後，克勤接受訪問時表示，歌迷及觀眾的熱情令他非常感動，可能耐冇做演唱會啦，真係好痴纏佢地  ，今晚都算非常完滿結束啦，我估我可能係香港開埠以來，係紅館收得最多利是歌手，哈哈。」

演唱會過後，克勤接受訪問時表示，歌迷及觀眾的熱情令他非常感動

反應這麼好，會不會再開part2，克勤謂暫沒有計劃，但呢個騷會係世界各地不同地方做，九月或者去澳門再做，歡迎大家去開旅行一齊去世界各地睇。問到他唱《 一生不變》時是不是差點感動到想喊？克勤表示，「的確係好感動，但男人老狗老真係盡量唔想喊啦，唔鐘意自己喊，唱別了那一天不知再相見真係要忍住...」不少歌迷舉大燈牌，說他飛多遠會倍多遠，又有寫禁止李克勤退休，克勤笑道，「係呀佢地好驚我退休，大家唔駛擔心住，我家庭負擔重，唔會退休住啦。」

克勤承諾唔會退休住啦。

《談判專家》將於6月13日上映！

劉德華監製，邱禮濤執導及編劇，劉青雲、吳鎮宇領銜主演新戲《談判專家》即將於6月13日強勢上映！兩大影帝相隔19年再度合作，而二人私下亦是相當稔熟的好兄弟，影迷自然翹首以待，見證兩位戲外情誼，再一次延伸到大銀幕上。

《談判專家》海報

電影改編自1998年荷里活作品《冇數講》（The Negotiator），同樣由兩大影帝，森姆積遜（Samuel L. Jackson）及奇雲史帕西（Kevin Spacey）演出，電影被譽為經典的雙雄電影之一。身兼編劇的邱禮濤以全新視角，加入地道港味，重新詮釋這套神作，打造一齣戲勢萬鈞的鬥智電影。

《談判專家》改編自1998年荷里活作品《冇數講》。

兩大影帝戲中飾演頂尖談判專家，主角卓文偉（劉青雲 飾）為了清洗謀殺同僚，以及警察貪污案主謀的污名，不惜鋌而走險，變成佔領警局挾持人質的綁匪。由談判員改行做社工的謝家俊（吳鎮宇 飾），突然被卓點名要求只與他「講數」，二人各為其主，連場「舌戰」之下，逐步揭開背後陰謀真相。

劉青雲

吳鎮宇

原作《冇數講》1998年上畫時勇獲大量強勁口碑，影評人讚劇本紮實，情節高潮迭起，懸疑感十足。而電影面世至今26年，經常被網民翻看掀起話題，直指箇中情節峰迴路轉，作品扣人心弦，被捧為荷里活經典雙雄片之一，及後更啟發不少以談判員為主角的影視作品出現。

導演邱禮濤（Herman）早已對原作極為欣賞，更於2017年有機會翻拍電影，惟當時邀請開拍的著名製片家崔寶珠，2019年離世後計劃被擱置，但冥冥中自有安排，Herman其後獲得接手版權的聯瑞公司邀請翻拍，機會又一次落到他手中，Herman憶述：「當時由於之前幾部戲都是在內地拍攝，而《談判專家》可以全片在香港拍攝，考慮了幾天便接了來拍。」

導演邱禮濤

全片香港拍攝，幕前陣容亦是全香港演員，電影百分百充滿港味。而向來對時事觸角敏銳的Herman，透過今次親自執筆劇本的機會，亦加入他關注的社會事件，就如過往Herman不少話題性作品一樣，滲透他對香港不同階層的關懷，藉此拉近劇本與香港觀眾的距離：「《談判專家》保留了《冇數講》的基本設定，而故事改成發生在香港，必然地要把本來《冇數講》裡不匹配香港語境或情境的地方作改編，電影裡確是加插了由香港曾發生過的社會事件所啟發的情節（例如「郭阿女事件」），至於鎮宇，本來由Kevin Spacey飾演的角色，就改動他由談判專家轉行做社工，也許是因為我自少便很欣賞和尊敬社會工作者和記者，對社會的付出和承擔，很想在電影裡拍他們。」巧合的是，Herman 20多歲時候，就經常想著要拍一個關於佔領警署的故事，《談判專家》正好實現他多年以來的構思。

《談判專家》劇照

《談判專家》劇照

戲中針鋒相對，戲外他們是人所共知的好兄弟，青雲和鎮宇情誼橫跨40年，感情極之深厚。兩大影帝識於微時，80年代初期先後加盟無綫藝員訓練班，一同成長互相見證對方成就。二人由臨時演員，到先後榮升電視台一線小生，後來又共同轉戰影圈，第一部合作的電影為1994年的《神探磨轆》，其後再合力打造《一個字頭的誕生》、《高度戒備》、《衝鋒隊怒火街頭》等經典港片。去屆金像獎頒獎禮，青雲更是從鎮宇手上獲得第三個金像獎影帝獎座，鮮有現身頒獎禮的鎮宇，據指因為青雲有份角逐，才接受邀請頒獎。

《談判專家》劇照

《談判專家》劇照

這對好兄弟各自結婚時，又互相擔任對方的兄弟及伴郎，足證友情非淺，而去年兩位連同Herman、張達明、黃子華、黃秋生，一班好兄弟難得飯聚的合照在網上曝光後，即吸引過萬網民讚好，大家都留言敲碗青雲和鎮宇再在銀幕上合作。

而在今套《談判專家》中，作為他們多年影圈戰友的Herman，就特意安排比原作更多戲份給兩位影帝同場較勁，著墨更多主角之間的情義，以及二人惺惺相惜的關係，讓戲外的情誼帶到影幕之上。Herman非常感恩能夠撮合兩位合作：「對我來說，青雲和鎮宇都是很好、很出色的演員，他們都有各自的個性。我也很喜歡看電影，作為一個觀眾，我很想再看到他們一起在同一電影裡演戲。很幸運，他倆願意演出《談判專家》。」