團隊霸佔巴士上層一半「set機打曬燈」拍片 乘客疑似不知情變臨記？

騷擾到其他乘客又唔係咁好…

香港地細細，大家不時會在街頭見到拍攝團隊當街取景拍片，但在乘客滿座的巴士車廂內進行拍攝應該聞所未聞吧。 近日，有網民於社交平台轉載一張相片，稱有拍攝團隊於巴士上層打燈兼設置攝錄器材進行拍攝，巴士上仍載有不少乘客。拍攝者疑似未經允許，不但阻礙通道，更滋擾到其他乘客。此帖一出引起網民熱議，不少網民批評拍攝團隊擾民，亦有人質疑為何團隊能夠公然在載滿乘客的巴士上拍攝。

近日就有網民於社交平台轉載一張相片，稱有拍攝團隊於巴士上層打燈兼設置攝錄器材進行拍攝，滋擾到其他乘客。

該網民於Facebook群組「沙田之友」以「咁大部機又打曬燈又好似過份咗啲喎」為題轉載帖文及照片，照片中可見一名身穿深灰色上衣的男子站在一城巴巴士的上層位置，手持著一台大型攝錄機，附近還有其他人負責打燈和拿著小型錄影機協助拍攝，吸引了旁邊的乘客注意。

不過團隊在車廂中進行拍攝，更有人站立於通道位置，阻礙乘客進出，造成不便令乘客十分不滿「其實拍嘢係唔係大晒，為拍嘢封咗大半個上層，拍嘢冇問題，一係就後啲拍，一係就俾人入去啦」。

拍攝者站在通道位拍攝，阻礙乘客進出，有網民留言「上層唔比企 咩人都咁話」。資料圖片

不少網民批評拍攝團隊滋擾乘客，認為理應租車拍攝「有錢用咁大部機企，但係冇錢租車」、「臨記錢都慳番」、「唔係應該包租一車拍咩？阻礙其他人」、「不過始終要顧及乘車安全，同埋會阻到其他人」、「始終實會有其他乘客，應該會叫佢租巴士」。

有人則質疑拍攝團隊擅自拍攝，未有申請相關許可。 資料圖片

有人則質疑拍攝團隊擅自拍攝，未經申請相關許可「應該冇向巴士公司申請」、「如果無申請應該係違法？」；亦有認為巴士司機有責任要阻止「如果真係乜都無，而班人又咁過分，巴士司機係有責任」、「司機係有責住係安全情況下先開車」、「如果咁樣司機都唔知就唔應該做司機，我之前坐巴士有人企上層/坐樓梯個司機都係咁開廣播」。

有網民認為巴士司機有責任維持車廂秩序。資料圖片

不過亦有網民撐拍攝團隊「打哂燈set得嘅緊係申請咗啦。拍一套野唔一個攝影師就得。都要一兩個燈光至可以開到工啦。仲未計導演。俾得佢拍點會巴士唔知呀。分分鐘過巴士已經收咗租金。攝影組或想取現場效果，乘客不知情地做埋臨時演員囉。要嘈就嘈巴士公司」。

帖文來源：Facebook群組「沙田之友」

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」