《超級毛特兒大賽》 交換主人變愛情線 各出奇招冧掂對方愛犬

J2自家製旗艦綜藝節目，由向海嵐（Anne）、周奕瑋（Jarvis）及黃嘉雯（Carmaney）主持的《Pet Holidays呈獻：超級毛特兒大賽》，逢周一至周五晚10點半J2（82台）播出。

阿Ken原本擔心Miho未能駕馭梳打。

點知Miho瞬間征服神獸級的梳打。

阿Ken以超高音嬌俏聲面對Maid Maid，同樣成功。

Miho、阿Ken加上愛犬梳打及Maid Maid，被指似足一家四口。

阿Ken怕醜仔上身 談Miho「紅都面晒」
5月31日播出一集，12位參賽者將接受突擊測驗「交換主人」，「空姐明禎」Miho＋愛犬Maid Maid與「瘦削版馬德鐘」阿Ken＋梳打，根據大會規定調換主人身分，結果嬌滴滴的Miho瞬間駕馭被喻為「神獸級」的酷爆梳打；阿Ken則以極嬌俏聲音對付Maid Maid，同樣順利過關，更遭薯餅主人Jimmy取笑「少女心」大爆發。由於Miho、Ken、梳打及Maid Maid任務內外均相處融洽，即場被取笑儼如一家四口，阿Ken被問到對Miho觀感時，更怕醜仔上身「紅都面晒」。想知「交換主人」如何演變為突發愛情線？留意5月31日晚節目。

「交換主人」環節仲會有唔少溫情同蝦碌爆笑位，萬勿錯過。

Sarah因公事將缺席兩次錄影。

引發其餘11名參賽狗主投票決定Sarah及毛毛去留。

完成「交換主人」環節後，參賽者Sarah帶著「毛毛」匆忙離開，並謂因公事關係將離港一段時間，故需缺席兩次拍攝。大會為公平起見，即時讓其餘11位參賽者進行即場投票，決定Sarah去留。向來開朗的Jimmy，發表意見期間忽然落淚，事後他坦言因家人入院壓力爆煲︰「拍攝期間有屋企人入咗院，啱啱拍到下晝時，醫院好urgent打電話嚟，我都好擔心。點知仲要決定（人哋）去留，覺得好大壓力……」Jimmy哽咽續指對於參賽，已由「玩玩吓」變成全情投入，並謂會想盡辦法令愛犬繼續留低參賽︰「因為同大家相處好開心，如果之後我參加唔到，我都想繼續畀佢（薯餅）行落去。」

Jimmy投票期間，因家人入院壓力爆煲而淚灑賽場。

Jimmy謂跟一班參賽者已建立友誼，並謂希望愛犬「薯餅」能參賽到最後。

J2自家製旗艦綜藝節目《Pet Holidays呈獻：超級毛特兒大賽》轉眼來到尾聲，6月9日晚播出的第十五集，公布進入總決賽最後八強，分別為（主人＋狗狗，排名不分先後）︰Phimii＋Goocha、Kevin＋Sumo、「瘦削版馬德鐘」阿Ken＋梳打、Miu＋Gary、Jimmy＋薯餅、表弟＋Shelby、「空姐明禎」Miho＋Maid Maid、Sasa＋Bubu。《Pet Holidays呈獻：超級毛特兒大賽總決賽》將於6月11日9點於J2（82台）播出，並由晚上9點播映至晚上10點50分。

「空姐明禎」Miho＋Maid Maid

Sasa＋Bubu

Phimii＋Goocha

表弟＋Shelby

Miu＋Gary

Jimmy＋薯餅

Kevin＋Sumo

「瘦削版馬德鐘」阿Ken＋梳打

黃嘉雯與愛犬多士亦有登場。

總決賽當晚除有周奕瑋（Jarvis）及黃嘉雯（Carmaney）擔任主持，鍾柔美（Yumi）擔任頒獎嘉賓及穿梭現場為參賽者打氣，十人評判團成員亦陣容鼎盛，除《超毛》節目主持向海嵐（Anne）會擔任主評判，同為愛狗之人的林夏薇及周嘉洛擔任星級評判外，其他評判團成員還有寵物旅遊達人梁文韵，及節目專業團隊代表合共十人；當中林夏薇的黑色低胸露肩晚裝既性感又高貴，相當搶焦。

阿偉和年屆16歲的愛犬Jammy 10強止步，但他表示已經無憾。

immy參賽期間父親不幸離世。

但他為圓亡父心願，決定與繼續參賽。

《超毛》總決賽合共頒發五個大獎，除了冠亞季軍外，還有「友誼小狗」及「最上鏡超毛」。比賽主要以Dog Walk形式進行，八組參賽者將分別以「嘉年華」、「時尚街頭」及「高級訂製服」三個不同系列時裝踏上舞台，所有主人及狗狗服飾均由大會指定形象設計師Cindy全人手打造，獨一無二又精美。除了行Dog Walk，總決賽更增設考驗主人與狗合拍度的直銷環節及「狗狗有話兒」問答環節。由於一眾超毛演出精彩兼出人意表，兩位星級評判全程看至笑逐顏開，嘉洛更一度高呼要畀「十分」滿分，足見表演內容精彩。

人狗襯到絕的超毛組合，會以Dog Walk形式登場。

三套總決賽Dog Walk服裝中，有一套是「嘉年華」系列。 Phimii＋Goocha。

Kevin＋Sumo

Miho＋Maid Maid

「瘦削版馬德鐘」阿Ken＋梳打

Sasa＋Bubu

Jimmy＋薯餅

Miu＋Gary

表弟＋Shelby

總決賽Dog Walk舞台率先睇。

八組參賽者除了發放笑彈，亦狂擲洋蔥，令眼淺的向海嵐喊個不停之餘，亦打動了林夏薇。薇薇自言作為養狗人士，看到參賽者與愛犬間的有愛互動特別感觸；談及早前愛犬「金豬」接受大型手術後，自己每天如何貼心照顧又心痛的日子，薇薇一度強忍哽咽，但仍不忘向觀眾傳達正面訊息︰「希望通過節目，可以傳遞愛護動物嘅正能量訊息畀大家。」

周奕瑋及黃嘉雯擔任總決賽司儀。

周嘉洛與林夏薇擔任星級評判。

林夏薇分享養狗苦與樂時感觸落淚。

周嘉洛認為各超毛能來到總決賽，勝負已不重要。

6月9日晚播出的第十五集亦有不少洋蔥位，首先最老參賽狗、現年16歲的Jammy 最終10強止步；不過主人阿偉並未感到失望，反而如釋重負︰「Jammy可以休息喇，去到10強已經好勁。參加到呢個節目，我覺得冇乜遺憾。」阿偉的感性宣言再度贏得現場所有台前幕後鼓掌致敬。至於拍攝期間適逢父親病危的Jimmy，昨晚一集透露父親於其參賽期間不幸離世︰「發生呢件事之後，我更加想同佢（薯餅）行埋落去，因為呢個係送畀薯餅阿爺（Jimmy亡父）嘅禮物。爸爸走之前都有叫我哋努力啲，其實名次唔緊要，最緊要係完成到爸爸嘅期望。」

向海嵐擔任主評判。

向海嵐（左）與寵物旅遊達人梁文韵，被參賽者的故事所感動。

（左起）動物行為訓練師Garay、犬隻正向訓練師Eurica、大會形象設計師Cindy、寵物美容師Naomi、攝影師蔡敏亮及Tom，是擔任總決賽評判的節目專業團隊代表。