《全民造星V》十強名單流出 樂庭Adams大熱倒灶

ViuTV選秀節目《全民造星V》第二回合6月5日展開，藍組導師韋羅莎﹑馮允謙及紅組導師陳蕾﹑陳健安各揀選30位參賽者共60強以小組形式對決。6月1日，《星島》已獨家披露真實情況是十強已誕生，總決賽將於七月舉行。《星島頭條》收到終極十強名單，獲評判高度讚好，導師又甚喜愛的49號Adams及有姜濤2.0稱號的96號樂庭大熱倒灶，美加及馬拉各有一名代表入十強，與香港參加者及台灣代表3號Snoopy (詹仕偉)瓜分十強名額。當中有4名藍組成員，紅組就有6名，成績咁好，陳蕾同安仔應該開心到爆喊。

23歲的Adams

19歲樂庭

6月6日晚繼續第二回合小組對決，在Dance Battle中，賽前被睇高一線，由KC領軍，Snoopy、Meow、阿O、阿生及希晉的紅組竟然落敗，再要背負兩個淘汰名額。評判Grace直指陳蕾深愛的阿O唔掂：「甩得都幾犀利，其實呢個係你責任，人哋練5小時，你要練10小時，跳舞冇得呃人，嗰一刻冇人幫到你㗎﹗」阿O隨即爆喊自責，其實討論區有大量留言，均指阿O舞技、樣貌及身形唔出眾，唔明陳蕾點解死攬。

KC領軍的紅組落敗，阿O更被王君馨直指唔掂。

周二晚Dance Battle比賽，Lyman Heung的藍組獲爆燈大勝，香香真係好正。

阿O被王君馨直指甩舞步致團隊輸咗而爆喊。

藍組隊員

紅組隊員

開心亨仔跑到尾

不過，各位網民可以放心，十強名單中冇阿O的名字，亦唔見死唔斷氣的Moley。至於流出的十強名單，被指本屆親生仔的大熱99號KC (黃家灝)、民選冠軍，深受網民喜愛，來自美國的9號Lyman Heung (香胤宅) 及憂鬱靚仔，未選已獲拍Winka MV資格的2號Nathan (魏念恩)入圍無懸念，加上好跳得的1號王鋒、爆燈入圍，19歲的RAPPER 6號Taco (黃泓祖)、感性又唱得的大隻仔，32號亨仔 (陳鎮亨)都有份。

暫時未見突出，堪稱爆大冷入圍者，包括擅跳Popping，28歲個但樣好成熟的跳舞老師， 35號Tsoul (田曜誠) 、46號希晉 (王希晉)及馬拉代表52號Ash(盧信宥)。至於同樣深受觀眾喜愛的49號Adams及96號樂庭則無緣入十強。

26歲王鋒

1號王鋒是土木工程師，熱愛跳Locking。

24歲Nathan

2號憂鬱靚仔型的Nathan 。

26歲Snoopy

3號Snoopy ，是台灣男團C.T.O成員，完全唔識廣東話，估唔到佢又可以走到咁後。

19歲Taco

初選最後出場，被讚完美示範Rap都可以咬字清楚的6號Taco。

32歲Lyman Heung

9號香香跳得又靚仔，討論度極高，總決賽投票成績坐亞望冠。

26歲亨仔

32號亨仔對自己好冇信心，最終可以走到最後，好爭氣。

28歲Tsoul

35號Tsoul ，記得初選時跳舞好勁，但個樣真心唔似28歲。

23歲希晉

46號希晉 ，唱得吓，但印象唔深，可能之後表現突飛猛進。

32歲Ash

馬拉代表，52號Ash，在當地出道13年，唱得加跳得。

25歲KC

99號KC，因為ＷＩＮＷＩＮ男友身份，剛曝光已成大熱。

《全民造星V》終極十強名單流出。

Carson期待能夠在馬路上表演！

《全民造星V》的得獎和參賽者相繼加入樂壇推出新歌，Rover、盧信宥Ash、KC&Tsoul還有MATCH 。其中MATCH中成員Carson（李嘉俊）星期六（3月16日）將會參加D2 Place 與深⽔埗民政事務處再次聯⼿舉辦的「花深時節」活動。

男團MATCH成員Carson（李嘉俊）

Carson今個星期六（3月16日）將參加「花深時節」活動。

今次主題是「日夜都繽紛」，Carson知道今次活動會封街舉行，將平日繁忙街道變成有國際美食及遊戲小攤位的地方，還有音樂表演。 他首先很期待能夠在馬路上表演，封街的感覺很「正」不是常常有機會這樣做，希望支持他的朋友都能來看看一起Chill住聽他表演。他已往也參與過晚上的夜繽紛，今次是日夜都有活動更加興奮，這樣令Carson想起韓國新村亦常常有大型活動吸引不少遊客。

男團MATCH

另外「花深時節」是以花做主題，到時將有豐富的⼤型花藝裝置打卡位吸引一家大小來打卡。除了Carson 之外《Good Night Show 廣告女皇》第4名⼩神經也是表演嘉賓之一，他們二人紛紛表示要到花藝裝置影靚相，更對當日有的懷舊遊戲攤位中足球機、扔彩虹、Holland樽等大有興趣。

Carson恨在馬路上表演。