呂爵安黃雨於天橋上拍港版《社內相親》 與沈殷怡攬實擁吻錫足六次好享受

MIRROR成員呂爵安（Edan）和盧瀚霆（Anson Lo）繼《大叔的愛》後再度合作，接拍改編由安孝燮及金世正主演的大熱韓劇《社內相親》，港版女主角由沈殷怡和陳漢娜擔任。

AL同EDAN拍畢《大叔的愛》後吸粉無數

14日凌晨時份，Edan及沈殷怡在銅鑼灣為劇集拍外景，由於大雨落唔停，更一度黃雨，Edan趁劇組轉場空檔時出Story，分享自己在車上等待的心情，至雨勢稍微，Edan就換上西裝戲服，加副眼鏡，跟OL裝扮的沈殷怡在天橋上拍攝。

EDAN著西裝加眼鏡,幾靚仔

凌晨在銅鑼灣拍戲熱點拍外景

EDAN力氹中

女方主動錫男方

追蹤丨呂爵安黃雨下拍港版《社內相親》 肉緊濕吻沈殷怡錫足六次瞇眼好享受

二人先拍攝一場嗌交戲，嬲爆的Shirley想揮袖而去，Edan立即上前拉住，又呵又氹又攬，見男方塊面哄到好埋女方，女方本來抗拒之後都不敵男方氹功，一個力氹一個被氹，唔太難，兩三Take就輕鬆完成。

兩人先拍鬧交戲

拉扯完又攬吓

沈殷怡飲醉酒

之後上演成晚嘅重頭戲，就係KISS場口，埋位前，兩人都細心聽導演講解，又認真試位，由於是兩人第一次拍激吻戲，所以一貼近即顯得尷尬忍唔住笑。劇情講述醉酒的沈殷怡行路不穩，Edan在旁攙扶，你拉我扯下，沈殷怡主動錫了Edan，之後兩人就攬實互望繼而激烈擁吻 ，離遠睇都Feel到兩人嘅呼吸起伏有幾大，由於需要多角度拍攝，兩人錫足六次才收工。觀乎場口，呂爵安應是飾演韓版《社內相親》中，金旻奎飾演的秘書室長角色，而沈殷怡就是飾演薛仁雅的角色。

補完妝就拍KISS戲

WOW,睇相都心跳加速

EDAN扶住飲醉嘅SHIRLEY

錫嘞

因為要多角度拍攝,所以要拍足六次

呂生瞇晒眼狀甚享受

完成一個角度拍攝都忍唔住笑

呂爵安新mv自己有份構思。

呂爵安Edan的E式情歌每次都帶來驚喜，而今次新歌〈油麻地莎士比亞〉，便驚喜地與創作團隊製作了一個很貼地、充滿港式情懷的MV，不過更驚喜（還是驚嚇？）是歌名無意中提早劇透了，就連Edan本尊都嚇親，不過幸好未有影響其他細節。另外，Edan這次有份參與構思MV畫面，事後更坦言希望日後能親自執導MV。

呂爵安與創作團隊製作了一個很貼地、充滿港式情懷的MV

如果有留意Edan Instagram account，都會一早知道歌名叫做〈油麻地莎士比亞〉，Edan回想這事也自覺失策，他說：「喺錄音最後一日，好興奮想同大家Share劇透少少，影咗歌詞Share Story，點知Post完好快就見到有人講〈油麻地莎士比亞〉，我都即刻嚇親，究竟乜嘢事？點解講咗歌名？然後都肯定自己唔小心Post咗出嚟。」Edan自爆歌名後，原本都有想過刪除Story，但都知大遲了，更說：「反正都Seven咗，咪俾大家知道囉！其實都冇乜所謂，係命運安排先發生咗呢件事情。」

說回歌曲，今次再有〈E先生連環不幸事件〉的班底：溫瀚文加上李俊緯作曲，黃偉文填詞、Edward Chan監製參與，Edan形容是一個很神奇的合作，他說：「Edward搵啲作品返嚟，通常我都唔會知邊個作，純粹聽Demo 俾我感覺，同埋Base On 旋律，係去到好後期先知溫瀚文有份寫，所以都好Surprise，因為〈E先生〉之後都冇唱過佢寫嘅嘢，所以一知係Raymond寫，就覺得好奇妙，有一種Connection喺度。」歌詞方面，Wyman這次也寫了一個很有意思的題材，Edan十分喜歡，他回憶歌詞誕生過程道：「我同Wyman、Edward有個Group，俾咗Demo Wyman聽之後，某日佢話諗到條橋，叫我聽下鍾唔鍾意，條橋就係〈油麻地莎士比亞〉。」而歌詞概念，其實就是講述一個中文水平很低的男生，每日都寫一首詩送給喜歡的女生，大眾可能會覺得男生寫的內容很奇怪、字體核突，用字又唔夠靚，但其實這已是男生認識的字裡面最靚的用字。歌曲想表達誠意同心意，比出來成品有多好來得緊要。

mv有不少Edan寫詩追女仔畫面

mv畫面截圖

mv畫面截圖

mv畫面截圖

Edan透露，其實自己過去都試過用類似方法追女仔，他回憶道：「求學階段試過想追一個女仔，有一個好好朋友嘅中文補習阿Sir就教我每日寫篇文俾對方，佢話自己都係用呢招，用誠意打動咗個女仔，叫我不如都試下，咁我都每日Send Message，打篇文俾佢，都持續咗百幾日，但最終係失敗咗。所以聽完Wyman講，都覺得現實中真係有男仔會咁做。雖然呢件事唔一定Work，但就好Sweet。」不過Edan亦提示大家：「呢招唔可以亂用，有時有啲嘢冇得夾硬嚟，係真係打動緊人還是煩緊人，兩睇。」

Edan透露，其實自己過去都試過用類似方法追女仔

mv畫面截圖

因為歌曲背後的有趣想法，來到MV裡，Edan變身成為了茶餐廳外賣仔，他喜歡了一個經常嗌外賣的女生，而故事就由這裡展開。Edan表示：「角色塑造成貼地啲嘅男生，但鍾意一個藝術少少嘅女仔，想追佢，於是用佢唔擅長嘅方法，就係寫詩寫字，寫得好核突好奇怪，但用心意誠意打動佢。」為了呈現這個充滿港式情懷的故事，MV裡設計了很多可愛的畫面，他說：「裡面有啲好可愛嘅畫面，例如放到成枱外賣盒，要諗寫啲乜嘢俾佢，喺茶餐廳練習點樣喺高級餐廳向對方表白，寫喺手掌向對方表白等等，呢啲都係好可愛，又青春又貼地嘅故事情節。」

MV裡，Edan變身成為了茶餐廳外賣仔，他喜歡了一個經常嗌外賣的女生

mv裡面有啲好可愛嘅畫面

青春又貼地嘅故事情節

其實MV裡一些有趣的畫面，Edan都有參與構思，他解釋道：「今次參與度又比以往多少少，因為同導演已經合作過好多次，好多謝佢哋願意俾我去嘗試一啲我想像、覺得可能好睇嘅畫面。老實講，我冇學過任何有關導演嘅嘢、拍攝上嘅嘢，但係入行耐咗，漸漸地會有啲想法，平時冇機會嘗試，今次可以即席創作。佢哋都會俾專業意見話俾我聽可唔可以，然後再試。」Edan坦言都唔肯定出來效果如何，但這是難得的經驗。那麼日後可會嘗試做導演？Edan道：「都有咁嘅念頭，但我未必係一個可以由零開始生一嚿嘢出嚟嘅人，我比較鍾意喺有條橋嘅情況下，喺上面再生啲嘢出嚟。如果有機會，我都想第時有隻歌我真係同佢哋一齊玩，但係我做導演的話，大家從旁幫助我，都希望日後有咁嘅作品，因為平時都冇咁嘅機會嘗試，自己MV就可以自肥試吓！」