JNYBeatz推出全新單曲《分分鐘都需要你》 幕前幕後兩線發展

全新單曲《分分鐘都需要你》由JNYBeatz與他的太太Karris Sauch一手包辦曲詞編監，而且亦是二人首次合作填詞，常常在社交平台放閃的他們首次合作填詞竟意外地打造一首虐心情歌。歌曲講述男生失戀後才明白自己一直沒有好好珍惜對方，原來很需要她，然而對方已經跟新的人在一起了，所以只能看着照片分分鐘想念她。不過在現實生活中．JNY跟他的老婆大人與歌曲故事不相符而且常常出雙入對。

全新單曲《分分鐘都需要你》由JNYBeatz與他的太太Karris Sauch一手包辦曲詞編監

常常在社交平台放閃的他們首次合作填詞竟意外地打造一首虐心情歌

今次MV去了日本東京取景, JMY更以幫公司「慳budget」的理由是公器私用，帶著老婆大人一同工作，為JNY擔任攝影師拍攝MV劇照及花絮。他表示：「其實自從與老婆度蜜月後，接著疫情開始，一直未有機會帶老婆去旅行，今次去日本拍MＶ緊係要公器私用啦！」，他笑言：「最緊要都係幫公司慳budget，其實我都係自資幫老婆買機票。」話雖如此，其實JNY每個MV他的老婆也會在場幫忙，確保每個鏡頭都可以拍攝到JNY最好的一面。他表示今次很慶幸能夠到日本拍攝，畢竟在香港街頭拍攝沒有太大驚喜，所以很感謝導演Yuri排除萬難令到今個MV變得不一樣。

MV去了日本東京取景

帶著老婆大人一同工作，為JNY擔任攝影師拍攝MV劇照及花絮

《分分鐘都需要你》可說是結合不同階段的JNY的成果。JNY希望樂迷可以認識他的另一面，他除了Hip Hop、R&B等風格的音樂外，他亦可以深情地唱出不同類型抒情歌。

《分分鐘都需要你》可說是結合不同階段的JNY的成果

JNYBeatz兼顧幕前幕後，曲、詞、編、監、唱都做晒，早前同方皓玟合作推出《Vanish Mode》兼擔任對方演唱嘉賓，之前又同林家謙、193郭嘉駿、Serrini等人合作，一直搏殺搵食。適逢父親節，終於可以放下工作，與太太Karris和兩位小朋友Jairuz、Jayla共聚天倫。

JNYBeatz兼顧幕前幕後，曲、詞、編、監、唱都做晒，同方皓玟合作推出《Vanish Mode》兼擔任對方演唱嘉賓，之前又同林家謙、193郭嘉駿、Serrini等人合作，一直搏殺搵食。父親節終於放下工作，與太太Karris和兩位小朋友Jairuz、Jayla共聚天倫。

JNYBeatz有個靚女老婆Karris，兩位小朋友Jairuz(哥哥，4歲半）與Jayla(妹妹，2歲）又可愛精靈，一家四口幸福滿滿。JNYBeatz不時都會喺IG分享同小朋友相處的點滴，今日父親節他po出短片，同兩位小朋友jam歌，又幫老婆買餸，又主動埋單，真係廿四孝。片入面JNYBeatz同小朋友口噏噏唱「分分鐘都需要你」，唔通係有新歌出？

小朋友好可愛。

家庭是JNYBeatz拼搏的動力，他透露當初認識老婆時，是自己做音樂最霉的時候：「嗰時我賣歌又賣唔到，又冇乜同其他人合作嘅機會，只係教學生，收入好唔穩定。好記得有一次同佢嗌個4、50蚊嘅麵兩份食，嗌多份餃子都冇。」JNYBeatz感激老婆一直無條件支持：「多謝老婆一路無條件支持，冇嫌棄我，你知好多女仔都未必會揀一個收入唔穩定嘅音樂人做伴侶。但佢就係信任我，一直鼓勵我寫歌，去夾band，簽唱片公司，有時錄音錄到好夜，佢又會幫我打點屋企又照顧好小朋友，呢一點一滴都令我好感動，之前有隻歌叫《你是我捱過困境的勇氣》就係多謝佢嘅一首歌。」

家庭是JNYBeatz拼搏的動力，他透露當初認識老婆時，是自己做音樂最霉的時候

JNYBeatz忙住搵食，陪伴小朋友時間不多都令他心中有點愧疚，不過兩位小朋友好乖好錫呢位daddy，令佢都好安慰，好感動。他說：「好記得有次通宵錄音朝早6點幾先返到屋企，兩位小朋友咁啱醒咗喺房跑出嚟，攬住我隻腳叫Daddy，個畫面真係好感動。平時又會成日問我喺邊，有次病咗又會問我食咗藥未，又會用煮飯仔啲玩具話煮飯俾我食。雖然我唔多時間陪到佢哋，但佢哋都好錫好關心我，令我覺得好安慰好感動。」

JNYBeatz忙住搵食，陪伴小朋友時間不多都令他心中有點愧疚，不過兩位小朋友好乖好錫呢位daddy，令佢都好安慰，好感動。