葉靖儀揭27歲倪嘉雯暗藏「婆仔心」：我成日笑佢係清朝人

旅遊節目《DM 旅導遊》，逢周一至五晚 10 點半 J2（82 台） 播映。擔任主持的 J2er 倪嘉雯（Carmen）和葉靖儀（Michelle）孖住玩轉馬來西亞，每集均會 DM（私訊）邀請當地高顏值、高人氣 KOL 擔任導遊，為觀眾推介大馬最新、最潮、最好玩景點。7月17日播出第六集，請來有「大馬陳嘉桓」之稱的黃燕平（Adeline）做導遊，Adeline IG followers逾12.1萬，亦是坐擁逾71萬平台訂閱人數「低清Dissy」旗下KOL。以文青style見稱的Adeline，帶了Carmen及Michelle逛音樂私竇Café、名信片店兼品嚐特色拉花中式糖水；又帶二人前往凌晨的潮牌店揀靚衫，Michelle在店內打卡位大曬長腿影靚相，更搞笑叮囑Carmen要拍出「1.9米」高的長腿效果。

倪嘉雯和葉靖儀（右）合作主持《DM 旅導遊》。

「大馬陳嘉桓」黃燕平（中）帶倪嘉雯和葉靖儀逛音樂私竇Café。

葉靖儀

倪嘉雯

「大馬陳嘉桓」黃燕平推介的Café，竟然有燕窩食？

開到凌晨的服飾潮店，正呀。

葉靖儀、倪嘉雯購物不忘打卡。

呢個長腿效果搞笑多過靚。

倪嘉雯大擺文青甫。

「大馬陳嘉桓」黃燕平

好多名信片。

Carmen自爆每日必備防曬三寶+成藥

雖然Carmen與Michelle同為90後，Carmen只比Michelle大三年，但節目中Michelle卻連環取笑Carmen「老」，例如笑指卡式帶是屬於Carmen年代，及指Carmen適合年長女士version的「娘惹服」。Michelle事後受訪時，除解釋是節目效果，又笑指Carmen私下確實有點似「老人家」︰「都係friend先會咁玩，我同Carmen合作《晚間聽聞》時，已經成日笑佢係清朝人，佢諗嘢比較保守，同埋好注重養生。」Carmen受訪時，亦與Michelle異口同聲指只是搞氣氛︰「都慣咗畀人叫『婆仔』，平時我會飲暖水，去到大馬咁熱，都會有件褸跟身出入冷氣地方。防曬、遮同風扇係我必備三寶，另外我隨身仲有止痛藥、腸胃藥同蚊膏以備不時之需，所以每日出街都一大袋嘢，成日畀佢哋笑。」

呢間涼茶舖，有醫師為客人開涼茶調理身體。

葉靖儀唔太習慣當地涼茶嘅味道。

倪嘉雯被取笑非常合適飲涼茶，應該同佢鍾意養生有關。

中式糖水都可以拉花。

18日播出的第7集，有「娘惹女神」劉潔琳（Jesselyn）介紹娘惹文化，包括娘惹服飾及飲食。Michelle同Carmen除穿着娘惹服行街，更會即學馬來西亞話講價。第7集介紹的美食相當吸引，除有4款娘惹人至愛的勁辣臭豆腐，更有娘惹菜廚師發辦。另為答謝觀眾支持，今晚11點Carmen、Michelle及Adeline會於j2_channel開IG Live，大談拍攝趣事及與粉絲互動，敬請留意。

第七集嘅「旅導遊」係「娘惹女神」劉潔琳。

葉靖儀一有機會就笑倪嘉雯老，證明兩個好friend。

倪嘉雯、葉靖儀同「娘惹女神」劉潔琳各自穿上喜愛的娘惹服。

倪嘉雯、葉靖儀即學即用馬來西亞話講價。

呢個蠟染畫，係娘惹文化之一。

倪嘉雯、葉靖儀試勻4款勁辣臭豆腐。

葉靖儀辣到標晒眼水。

娘惹菜廚師發辦又會有咩食？

全新飲食節目《美食新聞報道》將於明晚（4月25日）在TVB Plus（82台）首播。

由黃婉曼、蔡雪瑩、陳嘉倩擔任主播，《美食新聞報道》本着「緊貼全球美食動向，深入分析餐廳局勢」，為觀眾帶來最新飲食情報與優惠，深入了解滋味背後的故事。從不同平台網羅超人氣食店的情報，4位「美女試食員」倪嘉雯（Carmen）、黃嘉雯（Carmaney）、廖慧儀（Jessica）及伍倩彤（Juliana）跳出錄影廠，由排隊、試食一腳踢，帶來最真實食評；推介最新的餐廳、超市行程及飲食健康資訊。單睇一班靚女已值回票價，加上豐富美食、抵買情報及螢幕互動的QR Code購物優惠，更是物超所值。

黃婉曼、蔡雪瑩明晚（25日）打頭陣出場。

黃婉曼重塑當年有主播報新聞時，食餅乾蝦碌出街鏡頭。

黃婉曼重塑當年有主播報新聞時，食餅乾蝦碌出街鏡頭。

《美食新聞報道》會有QR Code跟觀眾互動，提供消費優惠。

明晚（4月25日）首播，Carmaney會率先介紹一間位於太子的人氣車仔麵檔，每日賣出至少400碗麵。當中一款「阿Bob麵」，更是以藝人林盛斌（阿Bob）命名。Carmaney話該款麵賣相已夠吸引，碗面鋪滿厚厚芫茜，最合一班芫茜控。重口味湯底由鹵水汁、咖哩汁加清湯三合一而成，她說︰「因為阿Bob每次嚟都叫同一款麵，所以改咗佢嘅名，碗麵有6個餸︰蘿蔔、春卷、豬大腸、豬粉腸、紅腸、豬腩肉，每款都好入味。」原來視后佘詩曼都是該款麵的捧場客，還貼相在社交平台分享。

Carmaney介紹一間位於旺角的人氣車仔麵店。

Carmaney試食一款「阿Bob麵」。

「阿Bob麵」備受阿佘、阿Bob推崇。

該款「阿Bob麵」足有6款配料。

該款「阿Bob麵」足有6款配料。

節目其中一環節「故事味緣」，解構餐廳背後連繫的故事。明晚登場是私房菜主廚、人稱「鬍鬚佬」的林國興，他打理的小店有「三猛」，分別是用料猛、火喉猛及背景猛。原來鬍鬚佬本來是江湖大佬，金盆洗手後投身飲食業。鬍鬚佬在節目中透露15歲在澳門一間酒店當學廚，誤入歧途後成為大佬，他說︰「結婚之後想屋企人安心，唔想自己每日凌晨先返屋企。」

「故事味緣」環節，訪問來自江湖的廚師「鬍鬚佬」。

每朝「鬍鬚佬」都會同太太到街市為餐廳選購食材。

從事過不同行業，「鬍鬚佬」跟太太結婚時仍一臉江湖味。

從事過不同行業，「鬍鬚佬」跟太太結婚時仍一臉江湖味。

「鬍鬚佬」為家庭決定金盆洗手。

鬍鬚佬的私房菜受識飲識食客人追捧，訂枱最快都要一個月，三款招牌菜︰爵士湯、棟篤雞、冰鎮咕嚕肉，試過的人讚不絕口。每晚特別環節；亦是最受食客期待的，就是鬍鬚佬煮完餸後，出來跟各人祝酒及合照，情況仿如歌星出場encore般受歡迎。

食客最期待環節就是飯後跟「鬍鬚佬」祝酒及合照。

「鬍鬚佬」三大招牌菜︰爵士湯、棟篤雞、冰鎮咕嚕肉。

「鬍鬚佬」三大招牌菜︰爵士湯、棟篤雞、冰鎮咕嚕肉。

「鬍鬚佬」三大招牌菜︰爵士湯、棟篤雞、冰鎮咕嚕肉。

後晚（26日）除黃婉曼外，還有倪嘉雯（Carmen）、伍倩彤（Gillian）登場。Gillian推介一間鴨肉專門店，獨沽一味賣鴨。兩款主打「手撕無腰骨鴨肉黑醬油鴨肉撈粗」及「慢煮鴨肉飯」迷到萬千食客，令他們食過番尋味；而「故事味緣」主角阿湧，他大學畢業後毅然放棄本科，擔任家族酒家的大廚，每日為顧客出菜過百道。想知是愛還是熱誠，令他毅然走入「熱廚房」，密切留意後晚節目播映。

Gillian介紹一間鴨肉店。

Gillian介紹一間鴨肉店。

鴨肉店兩大名物︰「手撕無腰骨鴨肉黑醬油鴨肉撈粗」及「慢煮鴨肉飯」。

鴨肉店兩大名物︰「手撕無腰骨鴨肉黑醬油鴨肉撈粗」及「慢煮鴨肉飯」。

「故事味緣」會分享一個子承父業的故事。

「故事味緣」會分享一個子承父業的故事。

位於太子的酒家有不少老街坊熟客幫襯。

阿湧大學畢業後便走入熱廚房當廚師。

阿湧大學畢業後便走入熱廚房當廚師。

酒家兩大必食拿手菜︰「涼拌花蛤」、「古法枝竹羊腩煲」。

酒家兩大必食拿手菜︰「涼拌花蛤」、「古法枝竹羊腩煲」。