2015年港姐亞軍兼股評人龐寶林女兒龐卓欣(Ada),日前自爆成為網上兼職騙案受害人,短短3日竟被騙去7萬元!
Ada分享,近日收到一個WhatsApp兼職短訊,轉介一個疑是行銷平台「Clickbank」提供的工作機會,聲稱工作任務是每日為45個產品評價賺佣金。每做夠30日就可以得到24000蚊底薪。由於多年前Ada真的接觸過這間公司,所以放下戒心。登記之後,騙徒叫Ada登上Clickbank網站,惟跟網上搜尋到的完全不同,騙徒指曷「員工版」。對方一開始有求必應,教Ada完成任務。起初Ada成功收到佣金及騙子提供的按金,佣金有200多元。
不過,騙徒又要求Ada提供500元按金,承諾完成下一個任務後會連佣金歸還。Ada不疑有詐照做,的確成功連佣金收到錢,更因「幸運中獎」佣金翻倍,令Ada愈來愈信任對方。
後來Ada被要求交出更高按金,Ada又不斷中獎,心感似乎不妥,希望叫停並要求騙徒交回已付按金,但騙徒指必須完成任務才能取回本金。Ada唯有打去銀行要求截數,但銀行回覆:「轉數快,啲錢過得好快,所以係停唔到。」聽到都感到無奈。Ada因為「不想騙子逍遙法外」,故決定報警並公開事件。龐卓欣報警時,警察指她已經係當日第11個受害人,更表示有人被呃1千萬!Ada大嘆用7萬元買個教訓,上了一課別輕易信人,表示:「我真係蠢咗。」