鄭融內地粉絲龐大網友紛紛留言求音樂會巡迴到自己城市

鄭融個人巡迴音樂會太火爆啦！

歌手鄭融自2006年藉著《紅綠燈》斬獲香港樂壇四大頒獎禮歌曲獎後一炮而紅，2008年和周柏豪合唱的《一事無成》更是流行至今的經典名曲，唔少人唱K都唔少得呢首歌。日前，鄭融的個人巡迴音樂會《Step Live House》已經開始，售票成績非常好。

View this post on Instagram

A post shared by Stephanie Cheng 🌞 (@stephanie_cheng)

鄭融在社交平台公布巡迴音樂會的售票詳情和售罄情況，首場為順德站，唔單只原本個場售罄，連加場都快速售空，而第二站廣州都好快清空，唔少網友表示準時入去搶已經售罄。

近日，鄭融江門站的音樂會開售，但冇幾耐，鄭融就公布江門站的門票都已經售罄，網友們紛紛留言：「又可以近距離睇阿融唱歌跳舞啦！！！江門見！！！」「到時見！」「惠州來一下」「川渝也很愛你，想見你！」「幾時嚟東莞呀？」可見鄭融的粉絲依然龐大。

網上音樂節目《Singaholic》來到第六集，主理人鄧小巧這集找來鄭融任嘉賓。

一開場，小巧便唱出鄭融（Stephanie）的代表作《紅綠燈》歡迎鄭融，小巧表示讀書時期經常唱這首歌，「真係好榮幸可以今日請到呢首歌嘅原唱，因為讀書時期每一次去唱K，一定會有人點，我或者會唱，或者會多過一次嘅，阿融！」

觀看相關影片按連結：https://youtu.be/qF-gFDNP2vc?si=f6oaRHTQK8gxOA2o

節目傳統，歌手們都會一邊唱歌、一邊「㗳」番兩杯，不過外表看似野性的鄭融原來是非酒精人士，「睇唔出呢，我唔得㗎。大家想飲酒係因為覺得會放鬆、開心，但我唔會㗎，我會面紅同埋好易頭痛，所以我通常都係mocktail。」但她表示近年食飯都會飲番一、兩杯紅酒，但會放足一晚，「攤長飲，好慢，永遠都會飲剩。」

問到醉酒後做過最瘋的事，鄭融尷尬地說：「有一次飲咗少少酒，跟住撞到以前商台蔡冕麗小姐DJ Mini，咁佢紅色頭髮㗎嘛，我就好大聲：『喂！紅頭Min！』哈哈！但係佢未聽過我咁樣稱呼佢，勁唔勁啊！但都已經隔咗好多年，佢都唔介意嘅。其實唔係有啲乜嘢，但係我唔會咁樣稱呼佢。」

講到現今娛樂圈生態，小巧謂現在多了不同身型的藝人，不再是以往千篇一律的纖瘦，鄭融自爆自己的身高已說明一切，「我真係exactly五呎，五呎一都冇。」她又提到早前有朋友問她，如果整容的話想整甚麼，鄭融想也不用想便答道：「『駁高個人囉！哈哈，我又冇乜嘢想整。』係好痛，但係着高踭鞋都好痛，代價好大，好多時候我哋真係開工嗰下先着，一返到後台其實即刻轉拖鞋，嗰個痛係酸同埋麻。」小巧和議，「試過除咗鞋之後，我啲腳趾掂唔到落地，好痛！」鄭融接着說：「我有諗過如果可以嘅話，行落樓梯嘅時候，我真係唔介意我寧願爬！或者可以安排有架輪椅喺後台。」