陳豪重拾年青「沙啞」熟悉感！
由羅永賢（Marco）監製、黃偉強編審、YOUKU與無綫電視聯合出品的《破毒強人》，將接棒《靈戲逼人》，由下周一（7月31日）起、逢周一至五晚八點半翡翠台播映，主要演員包括陳豪、胡定欣、蕭正楠、張曦雯、何廣沛、張寶兒、蔣志光、朱智賢、郭柏妍及馬貫東等。
點擊看圖輯
陳豪呢個頹look勁有新鮮感。
陳豪為咗突出角色，連把聲都經過精心設計。
文華係「一代毒王」，不過佢因為肺癌末期時日無多。
為了向經典港產警匪片致敬，故事背景鎖定在油尖旺。
陳豪劇入面有唔少型格及破格演出，密切留意。
陳豪同張寶兒嘅角色有密切嘅關係，張寶兒更加係陳豪獲特赦關鍵。
陳豪同蕭正楠喺劇中將展開連場對決。
蕭正楠角色曾經係文華身邊嘅紅人。
飾演「無感神探」令蕭正楠大感頭痕。
連碟意粉都dry過人。
蔣志光嘅角色認錢唔認人。
對於蔣志光嚟講，扮大廚可以用演技搭救。
但係彈琴就要苦練。
而咁多彈琴場口，都係為咗突顯福田嘅父愛。
文華到底算係好人定係壞人？喺劇入面，黑白係咪真係咁分明？
陳豪呢吓咧嘴而笑，勁有戲。
蔣志光喺劇中經常晒變臉演技，包括呢系列嘅一秒萌殺機。
陳豪呢個頹look勁有新鮮感。
陳豪為咗突出角色，連把聲都經過精心設計。
文華係「一代毒王」，不過佢因為肺癌末期時日無多。
為了向經典港產警匪片致敬，故事背景鎖定在油尖旺。
陳豪劇入面有唔少型格及破格演出，密切留意。
曾打造《律政強人》、《白色強人》等經典強人系列的羅永賢，是次再與金牌拍檔編審黃偉強打造全新劇集《破毒強人》，透過「一代毒王」文華的復仇故事，重現既有質感、對正邪雙方亦有立體描述的港式警匪片，以極致的黑色、糜爛及赤裸手法，勾劃複雜暗黑人性面的同時，亦會呈現專屬黑幫人物的俠義情懷。《破毒》故事圍繞「一代毒王」文華發生，12年前，文華因遭最信任的手下葉浩天（蕭正楠飾）出賣，被捕入獄，及後文華抓緊患了末期肺癌的時機，在網台記者林可兒（張寶兒飾）「助攻」下獲特赦出獄，從而展開一連串復仇大計，目標除了葉浩天，還有見利忘義＋見錢開眼的現役毒王鄭福田（蔣志光飾）。
陳豪同張寶兒嘅角色有密切嘅關係，張寶兒更加係陳豪獲特赦關鍵。
陳豪同蕭正楠喺劇中將展開連場對決。
蕭正楠角色曾經係文華身邊嘅紅人。
飾演「無感神探」令蕭正楠大感頭痕。
連碟意粉都dry過人。
重拾年青「沙啞」熟悉感
「這算是一個黑吃黑的故事」，羅永賢說。為了向經典港產警匪片致敬，除了故事背景鎖定在油尖旺，Marco還加入「打邊爐」重點港式元素，向港式警匪片致敬的同時，亦向當年邊打邊爐、邊度劇本的自己及好拍檔們致敬。《破毒》首輪焦點，絕對是三大男主角鬥飆戲，在內地網站優酷日前發布的預告片，陳豪在不少特寫鏡頭均展現視帝功架，其中一個咧嘴大笑表情更讓人不寒而慄；造型方面，除了難得一見的頹廢造型帶出新鮮感，陳豪在角色聲線方面亦明顯下了功夫，對此他受訪時透露：「根據角色嘅複雜背景同身體退化嘅情況，今次大膽喺聲線度作出咗挑戰，包括對白節奏嘅快慢、高低音嘅平衡，同埋情緒波動時嘅變化等。由於自己年輕嘅時候，曾經長時間浸淫喺沙啞聲之中，所以呢份感覺都熟悉嘅。」陳豪續說：「呢個角色好多微細變化位需要特別注意，監製特別提醒我不要過份瘦削，佢話雖然係反派，但不能過分猙獰。」
蔣志光嘅角色認錢唔認人。
對於蔣志光嚟講，扮大廚可以用演技搭救。
但係彈琴就要苦練。
而咁多彈琴場口，都係為咗突顯福田嘅父愛。
劇中與文華最大衝突的葉浩天及福田，角色設計亦各有特色。身為毒品調查科行動組督察葉浩天，當年埋伏文華身邊做臥底，雖將文華繩之於法，但卻因在千鈞一髮之際被踢爆真正身份，遭文華施毒手注入大量毒品以致大腦杏仁體嚴重受損慘變「無感神探」，既失去情感，亦同時失去同理心及恐懼感，剩下的是全神貫注的查案及刻板無味的生活，就連晚飯，也天天吃著同一款意粉。原來意粉位，是阿蕭為了突顯角色的精心設計：「今次個角色真係好難去捉點演，因為冇感覺、冇感情，基本上連驚同痛嘅感覺都冇，正常演員要交戲嘅位，我就要完全唔交戲；我同Marco傾過，我哋覺得要做無感就做到底，所以我劇入面會貫徹『零表情』演技去到極致，所以主要只能喺啲細位度做功夫，好似服裝我揀全黑，生活細節度都加咗啲戲，有四、五場屋企食飯戲，我話既然佢食咩都冇感覺，畀好單一嘅嘢食就得，所以每次都係整蒜蓉意粉。」
文華到底算係好人定係壞人？喺劇入面，黑白係咪真係咁分明？
陳豪呢吓咧嘴而笑，勁有戲。
蔣志光喺劇中經常晒變臉演技，包括呢系列嘅一秒萌殺機。
至於同樣背叛過文華的福田，表面上是心狠手辣、認錢認權唔認人的黑幫大佬，私下卻是好爸爸、好老公，為了強調福田的父愛，Marco及黃偉強精心為角色安排不少彈鋼琴場口，想不到因而考起老戲骨蔣志光，Marco笑言：「我同阿蔣合作好多年，佢成日都會好緊張我啲劇嘅音樂做成點，會畀好多意見。今次佢為咗個角色，係咁瘋狂練彈琴練咗七、八首歌，佢係咁死練爛練，希望拍出嚟真實啲，佢仲話好多人都估唔到佢原來唔識彈琴。」
