好恐怖
搭的士最怕車廂充滿煙味或不衛生，不過如果遇到蟲類就更可怕！有網民日前於社交平台上發文，分享其女朋友搭的士的恐怖經歷，他指日女友上了一架的士後，嚇然發現車廂內滿佈曱甴。女友見狀立刻要求下車，但奈何的士已經駛上天橋準備過隧道，女友被逼與小強共處一車，非常驚恐。
該網民於Facebook群組「的士乘客及司機行為分享區」發文兼上載影片，影片中一架紅的車廂內滿佈大大小小曱甴，相當噁心。樓主表示女友日前於銅鑼灣時代廣場上了一架過海的士，上車後女友即發現車頭有一隻大曱甴在爬行，及後又見到車廂內有無數小強爬來爬去，非常嚇人。
此時女友立即要求下車，但的士已經上了天橋，並正駛入紅磡海底隧道，司機表示無法停車「過左海先有得落」，女友被逼與曱甴共處一車，十分不安。女友目的地原本是去大角咀，但過海後便直要求在佐敦落車，再轉搭其他的上。
網民紛紛留言要求樓主公開車牌，但樓主強調並非要「公審」司機，只希望透過公開部分車牌號碼，提醒相關司機注意衛生及車輛狀況「基於好多人要求車牌，亦有朋友表示無車牌又點勸喻，都有道理。但因為群組規矩嚴禁起底，亦唔想令當時人太受影響，始終司機大佬們都揾食艱難。所以只show部份車牌。大家上車前注意一下就好。希望大家當茶餘飯後笑料一則笑下就好，我女朋友亦無受傷害。」
不少網民讚嘆樓主女友耐力驚人、能人所不能「癡線，先唔講係唔係好大問題，但如果係我，由我見到第一隻強強開始，我已經咩都唔理跳咗落車先，唔好話過緊海，喺個海到我都照落車」、「咁你都唔落車，你都一絕啦」、「有咁多小強，咁都唔落車。好嘢」、「仲要唔落車，仲要拍埋片，勁」。
樓主不想公審司機，只公開了部分車牌號碼。（「的士乘客及司機行為分享區」FB圖片）
帖文來源：Facebook群組「的士乘客及司機行為分享區」
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
