「金汪CP」終於錫錫！仆住咀嘴勁考腰力 林夏薇呻辛苦過動作戲

林夏薇與周嘉洛的「金汪CP」終於上演初吻，薇薇透當時其實是分兩個景同分兩日拍，加上氣溫好熱，直指拍浪漫戲不會比動作戲來得舒服。

《寵愛Pet Pet》本周映結局篇，隨着劇情發展，「金汪CP」金惠婷（林夏薇飾）、汪聲仁（周嘉洛飾）因種種誤會始終未能走在一起，反而各自與定風（黃子恆飾）和敏莉（古佩玲飾）展開新戀情。

聲仁同惠婷因種種誤會未有走埋一齊。

反而各自同敏莉、定風拍拖。

8月22日晚一集，「金汪CP」終有突破性進展，獸醫診所眾人因誤會被大漢狂打（實情大漢是來報恩），聲仁危急關頭下仍對惠婷不離不棄，最終二人陰差陽錯下發生初吻…雖然一吻定情，但因惠婷不願做第三者，令「金汪」關係再次遇上樽頸…

呢幕跳飛機場口好冧豬。

呢幕跳飛機場口好冧豬。

呢幕跳飛機場口好冧豬。

呢幕跳飛機場口好冧豬。

獸醫診所一眾無啦啦被追打。

聲仁為咗惠婷獨自面對危險。

聲仁為咗惠婷獨自面對危險。

講到「金汪CP」終上演初吻，薇薇受訪時笑言：「呢類鏡頭，同對手溝通好緊要，好彩拍呢場吻戲時，大家已經拍到尾段，有一定默契。」薇薇續分享拍攝趣事：「由跌落嚟壓住、到錫嗰個鏡頭，其實係分兩個景同分兩日拍，因為嘉洛當時嘴唇受傷，所以就要等佢好番再專登補吻戲。」薇薇笑言咀嘴戲好難忘：「印象最深刻係好熱，但係兩個人仲要黐住，原來拍浪漫戲唔會比動作戲來得舒服。」

「金汪CP」終於錫到喇！

「金汪CP」終於錫到喇！

「金汪CP」終於錫到喇！

「金汪CP」終於錫到喇！

「金汪CP」終於錫到喇！

薇薇話因為嘉洛個嘴受傷嘅關係，呢場戲分咗兩日嚟拍。

原來一切都係誤會，惡漢只係想嚟報恩啫！

劇中「金汪CP」多次上演仆倒險咀嘴場口，薇薇指拍攝難度好高：「其實好考腰力，每一個鏡頭都係要由拱橋直到落地係好難，好容易撞親，好彩我哋兩個都有啲跳舞底。」薇薇還提供一段拍攝相關場口的花絮片，片中見薇薇拍攝前已經紮行晒馬，到正式Roll機時還大晒超強腰力慢慢撻落咕𠱸，認真唔簡單！

薇薇大晒超強腰力！

薇薇大晒超強腰力！

薇薇大晒超強腰力！

形象入屋的「金汪CP」早前發布的3條彩蛋片，在各大社交平台勁吸逾1,000萬點擊次數，深得網友喜愛。近日「金汪CP」再度出擊，以熱爆網絡的「我沒K」為主題拍攝彩蛋片，兩人今次啟動認真Mode，將無厘頭對白「我沒K」、「布魯biu布魯biu」和「恐龍抗狼」演成分手戲，薇薇的眼淚加持加上嘉洛的深情演出，反差感令片段變得更爆笑。

「金汪CP」出沒惡搞熱爆網絡嘅「我沒K」。

由於21日晚一集劇集比較傷感，不少網友看完這段片即轉悲為喜，網友看畢紛紛留言：「唔開聲唔睇字幕淨係睇表情其實幾有feel」、「形式看似悲傷，內容卻很搞笑」、「感覺說了很多又好像沒說…」、「金汪cp真的是一次比一次搞笑…」

就算係惡搞片，兩位都好認真咁晒演技。

薇薇仲晒埋喊功添。

由視后林夏薇（薇薇）及周嘉洛主演的無綫電視劇《寵愛Pet Pet》現正熱播中，開播至今，劇集贏盡口碑，兩位男女主角歡喜冤家演技擦出不少火花，CP感十足！

林夏薇接受本網專訪時，表示很開心可以演繹獸醫「金惠婷」一角：「我自己有養開寵物好多年，本身有三隻狗，都有少少養狗嘅經驗，但係動物真係好難拍，所以近呢幾年都好少呢方面嘅題材，今次可以俾我試到做獸醫，又可以同咁多動物一齊，真係一件好開心嘅事。」不過，薇薇指拍攝《寵愛》時曾遇阻滯：「嗰陣時我拍緊《法言人》，因為疫情撞咗期，我幾驚接唔到啊，我係好想開呢套劇，所以一直排除萬難，好在兩邊嘅劇組都好好，監製兩邊都就到時間，最後成功可以拍到呢套劇。」

「視后」林夏薇首次拍攝甜寵劇《寵愛Pet Pet》。（本網記者攝）

（本網記者攝）

薇薇發揮視后級演技，演活既Mean又充滿愛心的獸醫「金惠婷」。（影片截圖）

拍攝前獲劇組安排向專業獸醫學習，她笑言：「喺屋企會攞啲狗狗嚟練習！」 （TVB提供）

薇薇表示劇中不時要與動物做對手，當中存在不少挑戰，幸好今次劇中飼養的「冬甩」十分聽話，拍攝時才能順利完成：「我之前都有試過同貓狗做對手，但只係一隻囉，而我哋今次嘅難度係劇中有多種動物，最少70隻，所以我覺得監製都好犀利，每一日個廠都出現唔同品種嘅動物，好似鸚鵡、蛇同守宮等等。」但她坦言不忍心帶自己的狗狗來客串劇集：「我要專心拍劇，好難兼顧佢哋，同埋拍攝同玩唔同，都唔想佢哋咁辛苦。」

薇薇在劇中同「冬甩」有不少對手戲，她大讚冬甩十分聽話。（TVB提供）

8月15日一集中，薇薇前度突然出現，更打算一奪親生仔般的「冬甩」，薇薇終於擊退前度，但仍不捨十年感情，在周嘉洛面前飲醉酒，並忍不住落淚，觀眾睇後大感虐心。（影片截圖）

薇薇劇中既溫柔又可愛，倔強與善良並存的形象，獲觀眾大讚似足韓劇女主角，使人想起韓劇《經常請吃飯的漂亮姐姐》中的孫藝珍及丁海寅。（本網記者攝）

眾所周知，薇薇出名是愛狗之人，家養三隻愛犬「金豬」、「菠蘿」及「木耳」。（本網記者攝）

薇薇指拍攝《寵愛》期間感觸良多：「我覺得係天意，因為喺拍呢套劇之前，我其中一隻狗『金豬』嗰陣時做咗好大嘅手術，嗰段時間我最深刻嘅印象，就係我驚佢過唔到呢關。」她感嘆表示：「拍《寵愛》令到我再去經歷多一次，知道點樣去照顧狗狗，仲有同狗狗相處，將嗰種愛同埋心靈相通嘅感覺擺落劇入面，就更加有感觸。」薇薇又指因為「金豬」病了而寫下歌曲《因為有你》，最後獲監製錄用成為劇集插曲，令她覺得與劇集更添緣分：「監製話我首歌好啱套劇，因為歌詞嘅內容就係寫你有好多選擇，但對於狗狗嚟講，主人就係佢嘅唯一，所以我哋好想通過呢套劇去帶出正能量俾大家，希望大家會愛護動物，做個負責任嘅主人，唔好遺棄動物啦！」

相關影片可以按以下畫面觀看：

影片連結：https://youtu.be/cSddvF0iLQM

薇薇絕對是一位「狗奴才」！（林夏薇IG圖）

早前金豬生病，令薇薇擔心非常，更曾於宣傳活動忍不住流淚。（林夏薇IG圖）

薇薇於愛犬生病期間，忽發其想創作了歌曲《因為有你》，還參與作詞部份，呼籲大家不要棄養動物。（林夏薇IG圖）

她又指通過拍攝學習了不少關於動物的新知識：「例如劇中有講到『冬甩』做絕育手術，我現實係有帶我隻『菠蘿』去做絕育手術，我一路拍嘅時候，我會反思係咪冇考慮過佢嘅感受？我自己覺得咁樣係為佢好，但又係咪真呢？」

薇薇笑言每日會跟三隻愛犬「請安」。（本網記者攝）

薇薇與嘉洛在劇中大玩姊弟戀，現實中兩人相差九歲。（TVB提供）

「金汪CP」廣受觀眾歡迎！（影片截圖）

兩人在劇中是鬥氣冤家、成日嘈交。（林夏薇IG圖）

講到與周嘉洛首度合作，兩人在劇中更譜出姊弟戀，薇薇坦言曾嫌嘉洛太細個：「其實第一時間知道我同嘉洛做情侶，我都有啲擔心會唔會好怪，因為我現實生活上冇接觸過姐弟戀，身邊啲朋友全部都大過我。」薇薇指《寵愛》是她從影以來首部甜寵劇 ：「我之前拍開嘅劇種都係劇情片、正劇多啲，未試過拍一套劇係要咁sweet，仲要係姐弟戀，但估唔到我哋一開工就非常之咁有默契，呢個令到我好驚喜！」薇薇透露與周嘉洛為增加CP感，兩人私下構思了不少「小巧思」：「我哋做咗好多功課，睇吓點樣可以再夾得好啲，我哋係細緻到連啲衫都要夾好晒，所以出到嚟個默契都幾好啊！我哋每日最開心就係去到現場，大家再去度啲橋，點樣去令到畫面再sweet啲！」

兩人早前在社交平台的洗頭及跳舞短片，連日來點擊超過半250萬，認真犀利 ！（影片截圖）

姊弟戀CP更屬全劇亮點。（影片截圖）

在訪問中，薇薇對新拍檔讚不絕口，表示很期待能與嘉洛再度合作：「嘉洛本身唔識我，以為我係一個好正經嘅人，佢話估唔到我仲癲過佢，喺現場反而佢似哥哥多啲。」講到對於「金汪CP」大受網民歡迎，薇薇笑言：「證明咗觀眾都開始代入我哋呢個新CP，係一件好開心嘅事，好多網民會覺得有啲似韓劇《經常請吃飯的漂亮姐姐》，但係我哋係唔會輸蝕嘅，大家期待啦！」

不少網民盛讚薇薇keep得好，有樣有身材，是「姐姐天花板」。（本網記者攝）

化妝：江中平
髮型：hairculturehk seiko
場地：Studio Meta