香港小姐2023 | 16號郭珮文擔心比賽當晚出醜 期待可以入行拍戲

Juliana比起攞獎更期望自己唔好出醜，並表示並沒有諗過得獎感言，只期望可以「早啲返屋企」休息！

年度選美盛事《2023香港小姐競選》將於周日（8月27日）舉行決賽，賽前進入最後階段，16位佳麗今日（8月26日）在將軍澳電視城一廠進行泳衣綵排，大熱之一的16號Juliana郭珮文在接受本網採訪時表示其實今次泳衣綵排都有小小緊張，因為自己早前生日「食咗好多嘢」，所以驚自己會「非常之大隻」，並表示期待比賽結束好好休息，可以「不停食嘢」，關於生日慶祝，Juliana表示不清楚佳麗們有沒有安排，可能會比賽結束後再決定！

16號郭珮文（Juliana）（本網記者攝）

佳麗明顯為明晚決賽付出十分大的努力塑身，身段比以往更佳，十分窈窕（本網記者攝）

16號郭珮文（Juliana）係今屆大熱！（本網記者攝）

表示期待比賽結束好好休息，可以「不停食嘢」（本網記者攝）

關於明天的決賽，Juliana表示只希望當日「唔好出醜」，並透露自己經常會幻想自己可能會行樓梯仆親，諗到將會有C君與麥美恩主持相關環節就害怕自己會「招架不住」。對於決賽的信心她亦表示，保持平常心就好。

關於明天的決賽，Juliana表示只希望當日「唔好出醜」（本網記者攝）

問到是否諗定得獎感言，Juliana表示「我只諗到早走返屋企」，她表示其實參加比賽大家都會想贏，但係「我都唔會抱太大希望」，只希望可以盡力而且「唔好出醜」。Juliana表示比賽後如果有機會也會期待可以入行，並表示希望可以拍戲，因為自己口才不佳，不太適合做主持！

問到是否諗定得獎感言，Juliana表示「我只諗到早走返屋企」（本網記者攝）

不過都期待入行拍戲（本網記者攝）

率先睇今晚節目內容4大笑位！

由阮兆祥、李思捷、王祖藍主持的扮嘢真人Show《象牙世家古象牙工藝品呈獻：福祿壽訓練學院》，今晚（19日）八點半翡翠台播出第六集。

福祿壽又再展現神還原功力。

三人的裝束，都近乎99.9%還原新聞人物何生何太。

繼李思捷及阮兆祥上周極速以熱爆新聞人物何生＋何太look直踩《逆天奇案2》大結局現場引爆全城熱話，本周由於何生何太事件再有新進展，為了緊貼新聞熱話，將最新鮮滾熱辣的笑料呈現觀眾眼前，福祿壽團隊再次展現「極速神還原」功力！今日，祥師兄及思捷以何生何太最新裝束現身電視城，為本集《福祿壽訓練學院》拍攝特備環節，團隊這次更找來節目「扮工室助理」郭珮文（Juliana）扮演因訪問何生何太時有出色表現、備受讚賞的「東張女神」梁敏巧。

到底「A For Apple」同「神秘手扣」玩嘅係咩梗？

其實為咗令到拍出嚟更貼近現實，祥師兄全程係叉大對腳嚟睇，因為佢唔可以高過郭珮文太多，細節位執得好用心。

「神秘手扣」

思捷喺特備環節入面亦都有特別任務。

三人今早齊齊以99.9%原裝Look為節目進行拍攝，祥師兄的「大星星」黑白裙配以Satine絲巾及披肩長髮，加上全程嬌羞小鳥伊人Tone對著思捷又挨又詐嬌，再次引爆全場笑彈。製作組率先曝光了節目四大必睇笑位，分別為「A For Apple」、「花叢漫步」、「古惑提款機」及「神秘手扣」，聚眼睇落相當無厘頭，想知《福祿壽訓練學院》今晚到底有甚麼最新驚喜，密切留意今晚播出最新一集。祥師兄及思捷事後受訪時，亦再次對製作組在道具及服裝方面的神還原能力表示讚嘆，二人更異口同聲表示必須感激TVB服裝、道具及化妝同事的齊心協力：「佢哋真係好犀利，點解可以喺咁短時間，搵到咁一模一樣嘅衫架呢，尤其條絲巾真係似到不得了。呢班同事其實一路以嚟喺我哋嘅製作方面都幫咗好多，真係勞苦功高。」

恩愛到哩。

「花叢漫步」

「古惑提款機」

王祖藍一人分飾多角相當抵死
凡事一條心的「福祿壽」，要還原新聞人物自然少不了王祖藍的參與。據知，祖藍是次會一人飾演多個角色及身份，還會為特備環節搞笑獻聲，密切留意。

食飯位都神還原埋，聽過製作組仲會加啲特效落去，令到件事出嚟更加似。

王祖藍會一人分飾多個角色，想知出嚟效果，就要密切最新一集《福祿壽訓練學院》喇。