面上仍留有傷疤 江美儀打Golf出事：成塊面都係血！

江美儀坦言：「依家仲有少少黑印喺度，我做咗好多次Laser㗎喇！」

旅遊節目《雪花勇闖天涯啤酒呈獻：約埋班 Friend 遊香港》11日10時半翡翠台播映最後一集，節目由江美儀、滕麗名、 麥長青（麥包）和陳浚霆擔任主持。

四人坐鴨仔船遊維港，勁Chill。

陳浚霆帶江美儀同麥包打室內Golf。

今晚播出的最後一集，四位主持首站去到灣仔海濱長廊坐「鴨仔船」遊維港，之後陳浚霆帶江美儀和麥包去到荔枝角一個商場玩室內高爾夫球，美儀期間自爆出事經歷：「我以前都打過，但受過傷之後就冇再掂過！」美儀續指着面上的傷疤說：「有一次喺澳洲參觀高爾夫球場，當時有個6呎高嘅外國人用最大嘅球杆打緊，佢打唔中個波但打中咗下面舊木方，之後個杆個頭向後飛，我架車啱啱駛過就打咗落我塊面度，成塊面都係血！」美儀又指同場的媽媽嚇得不知所措，而她出事後開口第一句就是「我有冇毀容？」幸好最後沒有大礙，美儀坦言：「依家仲有少少黑印喺度，我做咗好多次Laser㗎喇！」

美儀自爆打Golf出事經歷。

依家面上仲留有疤痕。

美儀話出事後第一句說話係：「我有冇毀容？」

麥包之後孖住滕麗名搭纜車上山頂，兩人望着維港靚景趁機各自大讚另一半。麥包談到與太太拍拖8個月便結婚，他說：「我識咗佢三年，當時大家嘅外表唔係大家想要嗰啲，我鍾意眼大大、短頭髮，但相識咗幾年之後，發現佢內在美、性格都係我想要嗰種。」更大拋愛情經：「永遠都係要等待先有最好嘅果實！」與老公愛得甜蜜的滕麗名則分享夫妻相處之道說：「鬧交唔會過夜，第二朝起身就要錫錫㗎喇！」

麥包同滕麗名搭纜車上山頂。

麥包大拋愛情經：「「永遠都係要等待先有最好嘅果實！」

滕麗名分享夫妻相處之道，就係鬧交唔好過夜。

歎住夜景食好西，勁享受。

陳浚霆大膽直指江美儀最Mean
節目尾聲，四位主持合體Glamping，大玩遊戲互選最Mean、最麻煩、最長氣之人，由「街僮」升呢成「街霸」的陳浚霆竟大膽直指美儀最Mean！最後四人BBQ圍爐談及《街市遊樂團》起源，美儀自爆當初自己其實冇份做主持。想知他們當年最終如何「組團」成功？密切留意今晚播出的《約埋班 Friend 遊香港》。

最後一站，四人齊齊Glamping。

大玩小遊戲，互選邊個係最Mean。

陳浚霆竟然大膽直指美儀最Mean！

最後BBQ圍爐互訴心聲。

風少今次真係好無辜！

在《愛‧回家之開心速遞》中飾演龍家富二代「風少」的演員陳浚霆，劇中經常被人攞著數，沒想到現實中的陳浚霆同樣被人佔便宜，近日他在IG公開求助，稱被人盜用咖啡店儲值卡，更揚言不排除報警求助。

陳浚霆咖啡店儲值卡無辜慘遭盜用。

嬲爆在IG尋「真兇」。

陳浚霆在IG Story分享自己咖啡店儲值卡的Cap圖畫面，並留言說：「各位朋友，大家好！有事想大家幫忙，因為近日發現有人在銅鑼灣的Starbucks不斷用我的戶口消費，如果係你，請出聲！如果唔係，我就要報警，麻煩請幫忙。」事隔數日，陳浚霆受訪時表示事件十分離奇，據知陳浚霆曾致電客服求助，很快便找到疑似盜用者，陳浚霆坦言一直沒發現，直至最近買咖啡時，店員提醒他有好多rewards，陳浚霆有些好奇是否買了那麼多杯咖啡，後來他有一段時間儲值卡經常不夠錢，入錢後也很快便用完，陳浚霆上網翻查才發現消費記錄好奇怪。

原來「兇手」係一位舊同事。

陳浚霆一問之下，才發現原來「兇手」是一位舊同事，放上IG後有人認了，指原來對方一直有用緊，連對方弟婦都用緊，令陳浚霆相當愕然，自己儲值卡的Code竟然在一個完全不認識的人手上！對方還叫他計番數，但陳浚霆根本不知道對方由何時開始用，對方又聲稱不知道，令陳浚霆感到十分無奈，認為此舉有少少冇禮貌同不負責任。

「風少」陳浚霆現實生活亦是富二代，其父親是思科全球高級副總裁兼大中華區董事長陳仕偉。

陳浚霆在《愛‧回家之開心速遞》劇中經常被人攞著數。