黃曦誼《夜校》與MC擦出愛火花 拍Dear Jane MV獻出螢幕初吻

黃曦誼在新戲《夜校》中與MC張天賦有感情線，大讚對方好Nice，好活潑好有Energy。

YOLO五位女主角之一，近年是美容界寵兒的黃曦誼（Candy）近日忙於不停為新戲《夜校》宣傳。《夜校》的故事圍繞喺荒廢學校發生，Candy與MC張天賦有感情線，互相傾慕，問到Candy怕唔怕惹來一眾「賦二代」羨慕又妒忌，她表示：「我覺得唔會，我相信賦二代們睇完齣戲之後，只會羨慕凌文龍前輩！」合作過後，Candy對MC最深印象係：「佢好Nice，好活潑好有Energy，同埋真係好鍾意唱歌。」

《夜校》劇照

回想拍攝時的日子，Candy表示：「大家係凌晨時間，喺又熱又焗嘅環境底下，又要跑又有各種動作，記得仲要我由第二日開始病到尾，愈拍愈瘦，係各種情況下進行拍攝，大家都有好多嘅挑戰，好難忘有趣，有呢個機會同經歷真係好難得，覺得好感恩。」

《夜校》劇照

提到入行就遇到好多不同機會，Candy再說：「我人生第一部嘅電影，至入行以嚟有幻想過會係各種類型嘅電影，不過從來無諗過係喜劇，雖然由細到大睇港產喜劇電影可以重覆睇無數次，但從來唔覺得自己有喜劇天份，所以都好高興有份參與其中！」

《夜校》是Candy拍攝的第一部電影。

Candy曾為Dior beauty、Armani beauty、植村秀等品牌拍下不少廣告。

Candy好高興有份參與其中。

除了新戲值得期待，早前她更為Dear Jane新歌拍攝MV，每之Dear Jane推出歌曲的MV都備受注目，繼之前找來鄧麗欣（Stephy）、柯煒林和小薯茄的吳冰出演，今次Candy為新曲《浮床》擔任女主角，更獻出螢幕初吻！

觀看相關影片按連結：https://youtu.be/EkfV3oRqduU?si=4_sS89DR75BYSaFm

這次獲邀出演MV，Candy說：「我都一段時間冇拍MV，而今次MV有好多新嘗試，有甜蜜嘅戀愛，更有首次嘅吻戲同激烈嘅爭吵戲份。拍吻戲前覺得好緊張，我更要主動錫落游學修度，不過拍攝前導演Maggie同我都好做咗好多溝通，最後只需要兩take就順利完成。但印象最深刻並唔係接吻戲，而係要我掌摑阿修，因為我嘅性格係唔會出手果種人，但拍攝要我摑佢，結果我應該摑咗佢4,5次導演先收貨，喺度我都想同佢講聲唔好意思。」

影片截圖

影片截圖

影片截圖

MC張天賦透露籌備新碟時期，以為自己失聲、不能再唱歌，心情受好大影響，繼而選擇的曲風都比較沉重。

MC張天賦今日（3月12日）推出第三張個人大碟《TREBLE》。早前忙於拍攝電影的MC也不忘錄製新專輯保持一年一碟紀錄，他解釋新碟慨念說：「新碟《TREBLE》多數都喺圍繞一些我會形容為顏色比較沉重嘅主題或歌曲出發，因為籌備新碟時期以為自己失聲、不能再唱歌嘅時候，心情受好大影響繼而選擇的曲風都比較沉重。」一向輕鬆拿捏各種曲風的他亦有在新碟裡作出新嘗試，MC ：「今次新碟入面有收錄其中一隻我同我朋友一齊合作、較為Hit pop嘅國語歌，同是亦是收錄喺新碟裡嘅一首國語歌。」

MC張天賦推出第三張個人大碟《TREBLE》。

《TREBLE》專輯封面

新碟設計上設計師特地為了這張專輯，按MC的面型設計了專屬面具，而這款面具除了在專輯造型中亮相外，更成為每張專輯封面的一部分。MC說：「造型方面喺公司嘅功勞啦,因為當初我話呢隻碟喺陰暗啲、沉色啲嘅方向架啦，於是佢地就用咗「面具」去表達唔同人唔同嘅情緒。而家呢個造型喺我都幾鐘意，因為好少可會畫到咁深嘅眼影同個嘴唇咁黑，但係！嗰幾條頭髮喺非常拮眼，哈哈」

籌備新碟時期以為自己失聲！

早前忙於拍攝電影的MC，也不忘錄製新專輯保持一年一碟紀錄。

MC想到加拿大開演唱會。

問到MC今年的目標還有音樂及電影以外還有沒有想嘗試的東西?MC說今年的目標和往年一樣：「今年嘅目標亦都係年年嘅目標，就係減肥同操肌！！我好希望今年如果有演唱會嘅話，我好希望自己有得揀除唔除衫，除就未必一定會除哂，但起碼有得揀先哈哈（現在有成果嗎?）而家係無住嘅。。。但係我都Keep咗（去做Gym）2-3個星期架啦。」至於事業他說暫時會專注於歌手及演員這兩個範疇，MC更說：「音樂方面我開始咗第一首完全喺自己作曲嘅歌曲，其實喺有幾首架，不過有一首就嚟推出，同埋今次為專輯或歌曲的前期準備都比之前多，所以希望大家拭目以待！

用面具表達不同情緒。

喑黑風格因遇低潮。

上一年MC首個紅館演唱會《This is MC》伸延至澳門最後回歸初心之地（文化中心），如果下次再開演唱會希望在哪裡舉行？MC想了又想說道：「去邊度開演唱會其實真係冇乜所謂，但係自己私心係想去加拿大開演唱會，因為自己畢竟係嗰度讀書，如果可以係嗰邊（開演唱會）都會好開心。」

希望除唔除衫有得揀！