《香港人在北京》劇本殺爆笑造型曝光！傅嘉莉戴假哨牙99%神還原《食神》火雞姐

台慶劇《香港人在北京》今晚（10月20日）播出的第10集，最大亮點絕對是劇本殺場口，一眾演員齊齊扮鬼扮馬，以經典電影造型亮相！

「徐港仁」陳展鵬和「Helen」吳若希（Jinny）分別以張國榮、王祖賢主演的電影《倩女幽魂》造型上陣，展鵬戴U形假髮化身黑山老妖大晒喜感，Jinny則穿上白色古裝化身聶小倩，仙氣滿瀉。「蘇菲」蔡潔則穿上旗袍以《花樣年華》造型上陣，加上一頭懷舊波浪頭，女人味十足。

展鵬呢個黑山老妖造型好有喜感。

Jinny嘅小倩造型好有仙氣。

蔡潔以《花樣年華》造型上陣，大晒女人味。

劇中處於愛情錯摸的「石磊」吳業坤、「寶怡」戴祖儀（Joey）則以周星馳電影《功夫》的包租公、包租婆造型上陣。外形甜美的Joey戴上爆炸頭假髮和油黑鼻子扮大鼻哥窿，成功「減甜」滲出師奶味，坤哥則黐上假鬍鬚及電鬈髮還原元華造型。

Joey同坤哥玩轉《功夫》，化身包租婆同包租公。

Joey「減甜」做師奶仔。

坤哥向Joey表白。

另邊廂，陷入愛情三角錯的「阿喱」洪永城（Tony）、「Funny」傅嘉莉（Kelly）和「淼淼」陳星妤同樣以周星馳電影造型登場。星妤穿上水手裝校服兼鬢孖辮，化身《喜劇之王》張栢芝飾演的柳飄飄，初戀味濃！Tony和Kelly則齊齊玩轉《食神》，Tony穿上金黃色廚師衫化身食神，Kelly戴假哨牙兼在臉上畫刀疤神還原火雞姐經典造型，與「本尊」莫文蔚相似度直達99%！

星妤化身《喜劇之王》柳飄飄，係初戀呀！

星妤化身《喜劇之王》柳飄飄，係初戀呀！

Tony同Kelly呢一對玩《食神》。

Kelly受訪時透露由入行做Model開始，已有不少人指她似莫文蔚，她笑言：「冇諗過拍劇可以扮佢（莫文蔚）其中一個經典角色，拍攝時我覺得好似樣，戴埋假牙之後直頭係火雞姐，見到還原度咁高，我自己都好開心！」提到該場戲要戴著假哨牙講對白，Kelly坦言一點都不簡單：「個假牙只係Halloween嘅道具，好闊同好大，所以好難戴，後尾諗到擺啲Blu Tack入去黐住原本啲牙，同埋盡量飲少啲水減少口水，怕一講對白會甩出嚟搞到NG。」

Kelly戴住假哨牙神還原火雞姐，同莫文蔚相似度達99%！

Kelly戴住假哨牙神還原火雞姐，同莫文蔚相似度達99%！

講到今次搣甩女神光環化身男仔頭，Kelly笑言：「好開心監製畀咗呢個角色我，Funny係打破咗我以往角色嘅框框，我完全唔介意演男仔頭，愈唔似我我就愈開心！身為演員就要貢獻身體畀個角色，所以變成點樣都冇所謂。」

Kelly今次搣甩女神光環化身男仔頭。

《神耆小子》於5月6日首播！

由王偉仁監製、林麗媚擔任編審的TVB懸疑輕鬆小品《神耆小子》，由5月6日起逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

Kent哥呢個錢大海角色唔單止有霸氣，仲好霸道。

Kent哥呢個錢大海角色唔單止有霸氣，仲好霸道。

但其實呢位老人家，仲有搞笑可愛嘅一面。

但其實呢位老人家，仲有搞笑可愛嘅一面。

Archie喺劇入面既精靈又乖巧。

Archie喺劇入面既精靈又乖巧。

以新人嚟講，演繹好自然，值得期待。

《神耆小子》由兩屆金像影帝得主鄭則士（Kent哥）夥拍劇集界新丁冼靖峰（Archie）攜手演出，故事講述白手興家的零食集團「勁威威」CEO錢大海（鄭則士飾），由於硬淨成性，無論在商場或屋企均是「有佢講冇人講」；面對大海的高壓手法，兒子繼來（曹永廉飾）、女兒有方（傅嘉莉飾），及情人知己洪玫瑰（樊亦敏飾）表面言聽計從，實則各有各陽奉陰違，大海對三人亦存有極大疑心，經常以遺囑作為威脅三人籌碼…一天大海上班途中突遭綁架，綁匪聲稱是其家人指示，自此「查找綁架叛徒」風波一觸即發，偶爾路過綁架現場的趙一鳴（冼靖峰飾）在「冇得揀」的情況下成了大海私人偵探，並遭威逼收留大海；豈料回到家竟發現父親子勇（蕭正楠飾）與大海有陳年血海深仇；主角們錯綜複雜的關係、配以出乎意料的劇情發展，及充斥抵死鬥氣金句的場口，輕鬆惹笑之餘不失懸疑。

Archie同Kent哥勁多對手戲。

Archie同Kent哥勁多對手戲。

Archie同Kent哥勁多對手戲。

大海上班途中遭突然綁架。

大海上班途中遭突然綁架。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

1974年已開始為無綫拍攝劇集的Kent哥，演出過無數經典影視作品，當中最為人津津樂道的角色絕對是肥貓，當年Kent哥亦是因《肥貓正傳》與《神耆小子》監製王偉仁（Simon）結緣。為了凸顯Kent哥錢大海一角的霸道，Simon專誠為其設計了「老虎狗」Image，並大讚認識了近三十年的Kent哥易話為，亦是整套劇集的靈魂人物，Simon說：「只要Kent哥喺度，所有演員同台前幕後都會寧舍開心同埋專注。Kent哥有一樣嘢真係幾十年都咁專業，就係佢永遠唔會遲到、仲例必比通告時間早半小時到做準備，好值得欣賞。」

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Kent哥呢個「人形動物公仔」扮相好Cutie。

另一亮點是演戲演足50年的Kent哥，是次主要對手竟是劇壇新丁Archie，雖然二人演齡差距頗大，但演出卻一拍即合，在連場與Kent哥的互拋場口，Archie不但「戲勢」頂得住，就連涉及勁多IT專有名詞的對白亦應付自如，值得期待，Archie受訪時笑言全靠Kent哥貼身指點，並細數Kent 哥3大暖心行徑，首先是教講對白加揣摩角色，然後是近乎24小時貼身指導及慰問，第三點則是樂於與後輩分享人生經驗：「由Day 1去到最尾嗰日，Kent哥都係教緊我嘢，佢知我演戲經驗好少，佢唔單止教我講對白，仲教我點分析角色同揣摩角色對於故仔嘅功能。同Kent哥拍完每場戲，喺休息時間佢都會講解番場戲點解要咁做；每日拍完一齊食飯，佢又會講番我聽佢嘅相關經驗、同我點樣可以去更好咁裝備自己。」

曹永廉今次個角色到底忠定奸呢？

曹永廉今次個角色到底忠定奸呢？

陳榮峻喺劇入面，係Kent哥嘅老友兼忠心近身下屬。

蕭正楠個角色好正氣憨直，絕對係入屋之選。

Kent哥喺劇入面會忽然變「老虎狗」，好cute cute。

「佢連Off cam之後返到屋企，都會再Text我，教我邊場邊場可以注意啲乜，臨尾仲一定加句：『希望你拍攝順利啦』。Kent哥又會同我傾偈時教我好多人生道理，用佢嘅人生經驗教我點去看待自己嘅事業。拍完套劇我就去咗拍《亞洲超星團》，Kent哥差唔多每兩、三日就同我講加油，問我咩狀況、有冇咩困難？呢啲前輩邊度搵？」與鄭則士份外投緣的Archie，坦言對方與自己已過身的爺爺很相像：「都係佻皮得嚟又有威嚴，所以對住Kent哥，我係愈嚟愈唔怕佢，一開始都驚佢架。」Archie另外還感激樊亦敏（Amy）的提點：「我平時會睇多啲IT嘅嘢，呢個係Amy姐教我嘅，到我睇劇本時我就知個term講緊咩，就可以好有自信咁講到出嚟，咁角色嘅說服性會強好多。」除了Archie，Kent哥與蕭正楠亦有大量「廝殺」場口，在官方預告片，二人不但經常口角，其中一幕蕭正楠更會喪扯Kent哥底衫大玩對質互數，期待值爆燈。