馬國明胡鴻鈞苦等三年終於再合作 吳業坤「結婚前輩」唔介意教兄弟夫妻之道

七位型男拍住搵真銀！

剛結婚的馬國明（馬明）積極搵錢，火速投入工作率領胡鴻鈞Hubert、吳業坤（坤哥）、孔德賢、鄭衍峰、丁子朗及黃庭鋒，一行七人一日內先後到茂明及佛山活動搵真銀。婚後的馬明面上不但幸福滿滿經常甜笑，參觀傢俬店時又不時會說：「我太太都會喜歡。」閃爆旁人，難怪當大會想介紹「二人世界」示範單位時，坤哥直言：「結婚我先係前輩！」更笑言各人有需要隨時可傳授兩招夫妻相處之道。

馬國明率領胡鴻鈞Hubert、吳業坤（坤哥）、孔德賢、鄭衍峰、丁子朗及黃庭鋒，一行七人出席活動搵真銀。

馬國明苦等多年，終於等到與胡鴻鈞齊齊商演機會。

石敢當同小馬將再合體，出席武漢品牌活動。

今次七子拍住上搵錢，所到之處充滿笑聲，繼等出場時表演一支水輪住離口飲唔準漏、坤哥鄭衍峰及黃庭鋒一齊試瞓床、Hubert將擺設的假貓公仔當BB抱，令馬明忍唔住攞出手機騷兩隻貓照外，最搞笑是在大會安排新婚馬明參觀「二人世界」示範單位時，馬明即場提醒指坤哥都是今年結婚，點知被坤哥反擊搶答：「係呀我早佢少少，講結婚我先係前輩！」令大家爆笑。

七子型男一日內先後到茂明及佛山活動搵真銀。

丁子朗演出明顯有信心及穩定好多。

吳業坤自認為「結婚前輩」。

孔德賢被Fans嗌角色名時受寵若驚！

至於因劇集《降魔的》結緣成為好兄弟的馬明同Hubert，苦等多年終於等到二人齊齊商演機會，Hubert說：「石敢當同小馬一直好受觀眾歡迎，但因疫情停擺所有商演活動，等咗三年終於機會到。」而今次演出後不到一星期，馬明與Hubert這個組合將再合體，出席武漢品牌活動實行密密搵銀大計。

黃庭鋒

七子拍住上搵錢，所到之處充滿笑聲！

另外為挑戰自己參與了《亞洲超星團》的丁子朗，在茂明台上唱出《給十年後的我》時，演出明顯有信心及穩定好多，而因劇集《大夫》《新聞女王》人氣急升的孔德賢，第一次一日跑兩場感覺超興奮，說：「好開心第一次可以一日走兩場商演，行程係好緊密，但又令我覺得好開心。今年出左兩套電視劇令自己多人識咗，但冇諗過係內地都聽到粉絲叫自己角色名，覺得受寵若驚，希望可以越做越好，令更多人認識我。」

坤哥孔德賢及黃庭鋒一齊試瞓床。

丁子朗近日分享了兩張手持電話的宣傳照，惹來外貌再進化疑雲。

26歲的丁子朗於2016年參選港男入行，加入TVB以來一直受力捧，但自他參加《亞洲超星團》以來，一改以往陽光大男孩的形象，妝容及髮色便經常成為網民討論的焦點，雖然日前參加盛勁為與麥明詩的婚禮時，他已染回黑頭髮及不再化濃妝，回復參賽前的模樣，但之後他分享了兩張手持電話的照片，卻令他的外貌再度備受關注。

丁子朗早參加《亞洲超星團》，但造型照一公開，網民已不太接受。

之後再染了金髮。

令他的外表經常成為網民討論的焦點。

丁子朗日前參加盛勁為與麥明詩的婚禮時已染回黑頭髮及不再化濃妝。

回復參賽前的模樣。

丁子朗在IG貼出兩張手持電話的照片，並發文為手機品牌宣傳，相中可見他五官精緻不少，雙眼炯炯有神，而且鼻子更又高又挺，其中一張更見到他的食指又幼又長，疑似P圖過度，相當詭異！

側面認唔出。

手指被P圖P到好長。

不少看過照片的網民都表示認不出是丁子朗，紛紛留言：「點解又唔同咗樣」、「你是誰？ 除咗整咗個鼻。應該仲整其他嘢。而家個側面完全唔識佢」、「我唔討厭丁丁，但希望外貌唔好再進化，再靚仔又如何？都唔係最真嘅你」、「專心工作，唔好再整個樣啦」、「係唔係我錯覺，個樣又進化咗？同出租家人個樣差好遠」、「而家個側面完全唔識佢」、「AI樣嚟嘅？」但也認為丁子朗樣貌改變只是化妝的功效，「點會係整容，最多都係化妝技術超強，唔好睇小化妝嘅威力」。