疑似向債主賴皮唔還錢錄音流出 張致恒自言為湊仔冇返工遭網民鬧爆

張致恒近日被KOL Sean公開疑似他與債主的對話錄音，大爆他賴皮拒還債，並透露為湊仔而辭去情趣用品店的工作。

有「離婚界KOL」之稱的張致恒（Steven）和老婆區燕雯（雯雯）結婚四年抱四，但長期經濟困難，就算兩公婆近期不時都進行「網絡行乞」，間中亦有好心網民施以援手，但一家人生活依然拮据。雯雯近日又發文暗示要離婚兼同老公割席，而張致恒日前則被KOL Sean公開疑似他與債主的對話錄音，大爆他拒還債，並已辭去情趣用品店的工作，家中再次再去經濟來源。

張致恒一家長期經濟困難。

雯雯近日又發文暗示要離婚兼同老公割席。

發長文鬧爆老公。

錄音中，張致恒以「大哥」稱呼債主，並以哭腔向債主賴皮，「大哥我都同你講過，就算我係還畀你，我都只係還到一、二千畀你，我冇咁多錢可以還到畀你」，他又指因為無人湊仔，所以已辭去情趣用品店的工作，「再加上我依家冇喺嗰度返工啦，因為冇人幫到我湊仔，我出唔到去做嘢，我依家仲諗緊方法去搵錢，你逼我都冇用…...你咪去…...咁你......唉，我唔知啊，我嗰個老細喺英國度住，英國同呢邊係倒轉咗時差，所以呢佢哋 夜晚先會出糧，我依家都等緊佢過錢畀我，一有我就即刻轉畀啦你好冇，新嘅一年大家好嚟好去好冇啊？我好攰呀！」Sean就直斥對方講大話。

KOL Sean爆張致恒借錯唔還。

兩公婆又私下向粉絲借錢。

更爆張致恒「當網民是提款機」。

今日（1月4日），張致恒就在IG Story出PO，為情趣用品店澄清對方從未欠薪，「只係我同我嘅朋友溝通上有問題，所以誤會咗我冇糧出，因為上個月我同啲仔一齊病咗成個月，所以淨係返咗七日工，七日工有幾千蚊，但係因為本身老細預知（支）咗錢畀我，所以每個月我都要出糧扣錢，所以今個月冇糧出。」

張致恒在情趣用品店打工時不時會出PO宣傳。

張致恒為情趣用品店澄清對方從未欠薪，只是老闆一早預支薪酬，所以他才冇糧出。

另一邊廂，雯雯似乎未受老公被追債影響心情，並在YouTube上載一段為大仔天寶慶祝4歲的影片，片中雯雯和張致恒帶囝囝們去室內兒童遊樂場玩，之後又一家溫馨切蛋糕，但可見未知是否因為三餐不繼，天寶看上去明顯比同齡的小朋友瘦小，令人相當擔憂。此外，最離奇的是，天寶生日是在4月，不知為何要提早三個月慶祝。

影片截圖

影片截圖

影片截圖

影片截圖

影片截圖

影片截圖

觀看相關影片按連結：https://youtu.be/DGfpzWxOzCg?si=_NWzYEAhppRgsL1I

對此，不少網民都留言鬧爆雯雯和張致恒自相矛盾，前者早前公開鬧爆老公又懶又廢、躺平又不湊仔，後者就聲稱自己要湊仔而唔返工，兩公婆根本是一擔擔，不願望外出打工，寧願賣慘呻窮，攤大手等網民「助養」。

雯雯還表示不介意苦主向《東張西望》公開一切。

39歲的張致恒（Steven）與區燕雯（雯雯）婚後一直是話題人物，又「熱愛」在社交平台公開家事，不時鬧離婚，又經常呻財困，因而被網民封為「離婚財困界KOL」。雯雯在母親節當天除了再在IG Story鬧爆老公「廢」，還透露即將要行「最後一步」，才可重新生活，想不到一波未平一波又起，一名患癌網民近日就在她的社交平台公開追數。

Steven與雯雯於2019年奉子成婚。

一家六口。

雯雯於本月初公開過去一周家中發生連環不幸事件。

母親節當天又發文數臭老公張致恒。

透露要「行到最後一步」。

又指「其實都係一個行業」。

該名網民在雯雯的社交平台留言：「雯雯，我係Cat，你想點呀？畀咗幾個月時間你，爭我嗰萬六蚊一蚊都收唔到，包多春魚都收唔到，之前免費送咁多嘢畀你哋，你哋咁對我？！你好快啲還錢，最多畀你分兩期，分兩個月每次還$8000，所有Payme過數記錄同埋Whatsapp對話我都有keep，唔好逼我公開晒。我真係諗住搵《東張西望》，標題係：寧願呃癌症病人錢，都唔願意出去打工嘅前偶像夫妻。唔好逼我！」並表示預料會被對方刪留言兼封鎖。

苦主留言

不過，雯雯沒有刪除留言，更親自回覆：「首先，我好多謝你當初主動出現幫我哋。我從來冇諗過呃你，只係我而家未有鬆動可以還到畀你，就算其他人我同樣都係未還，當初你主動企出嚟幫我哋嘅時候，我都有同你溝通我冇咁快有能力可以還到錢，你亦話你明白。至於你兩包多春魚，我冇咗你地址，你block咗我，我根本聯絡唔到你。」更耍無賴的表示：「就算你公開一切，我都尊重你，當中亦可以證明到我有講清楚我冇咁（快）還到畀你，所以不存在呃你錢。最後希望你unblock我，畀返你地址我寄畀你。亦祝你健健康康。」

雯雯回覆。

事件引起網民熱議，不少人都譅為兩公婆「個低咁花」都仍有人會借錢給他們是自作自受，「真係會有人俾錢呢對老千夫婦」、「全香港都知呢兩公婆有借冇還，仲要懶好心借俾佢哋『渡過難關』，收唔返根本基本操作」、「個時都知佢2公婆搞唔掂借錢唔還啲X嘢出晒名，咁都可以比錢佢做生意，有今日都係自己做成」、「兩個個朵臭晒，仲幫佢哋真係冇得救，人哋周圍借錢開心使錢，結果仲有人施捨」、「大種乞兒呃錢仲呃埋人哋同情心，勸各位有心香港人，唔好再理呢2公婆啦」。

不少網民都認為被兩公婆呃錢是自作自受。