人見人愛的「功夫熊貓」阿寶,今個復活節大銀幕重出江湖,出招篤正你笑穴!
他憑著蓋世武功兼無比勇氣,三度打敗大壞蛋,來到《功夫熊貓4》(Kung Fu Panda 4),師傅要求他成為太平谷的精神領袖前,必須訓練下一位龍戰士成為他接班人。這時候,邪惡濫權的女巫變色龍蠢蠢欲動,想奪去阿寶的智慧權仗,以收服天下;幸好阿寶遇上蠱蠱惑惑卻武力高超的狐狸小真,及江湖上各種各樣的動物朋友,齊心保衛太平谷,擺脫變色龍魔掌。阿寶終於明白到「英雄莫問出處,人人都可以做英雄」真理——除了他自己,還有那位接班人明白這份龍戰士的精神?
《功夫熊貓4》劇照
《功夫熊貓4》劇照
環球影業、夢工場動畫呈獻《功夫熊貓4》,英語版由《超級瑪利歐兄弟大電影》喜劇之王積伯克 (Jack Black),再度入型入格聲演阿寶;Awkwafina、關繼威、維奧拉戴維斯等靚聲加持,爆發連場激戰,笑震武林!
《功夫熊貓4》海報
《功夫熊貓4》劇照
「小真」梁嘉琪與阿寶一同與觀眾互動和大派禮物!
環球影業、夢工場動畫呈獻《功夫熊貓4》,繼早前獲全美雙週票房冠軍,香港也在復活節假期開畫,票房至今大收超過700萬!日前《功夫熊貓4》中的新角色「小真」一角做粵語配音的梁嘉琪更為電影進行謝票,在現場與阿寶一同與觀眾互動和大派禮物!
「小真」梁嘉琪與阿寶一同為《功夫熊貓4》進行謝票。
「小真」梁嘉琪與阿寶一同為《功夫熊貓4》進行謝票。
小真」梁嘉琪與阿寶一同為《功夫熊貓4》進行謝票。
今次第一次為動畫配音的嘉琪表示:「好興奮同緊張,因為同平時嘅表演手法唔一樣,平時做演員可以用好多身體語言、面部表情同眼神去幫助,配音得返把聲就令我諗點樣可以表達得好啲,好彩有配音領班教導我。今次呢個角色同我以往嘅好唔一樣,因為之前搵我扮演嘅角色多數比較斯文,而今次就比較古靈精怪,係我冇接觸過嘅類型,所以係有難度不過又好好玩。」
梁嘉琪第一次為動畫配音。
梁嘉琪指今次配音有難度但又好好玩。
謝票時嘉琪與觀眾們有不少交流,她說:「散場時有好多觀眾走嚟同我講『原來你就係小真!開頭真係唔認得你把聲,同你平時好唔同。』我聽完覺得好有滿足感,今次唔係易容成功,而係易聲成功!」
梁嘉琪與阿寶一同與觀眾互動和大派禮物。
梁嘉琪與阿寶一同與觀眾互動和大派禮物。
對於《功夫熊貓4》中最喜歡的一幕,嘉琪表示:「當小真後來想做好事嘅時候,卻質疑自己,擔心依家先做會唔會太遲,阿寶就用咗一句說話鼓勵小真『做啱嘅事永遠都唔會遲』,呢句說話唔單止話俾小朋友聽,更多嘅係話俾大人聽,因為有陣時啲大人去到一定嘅年紀,如果想作出一啲改變嘅時候又會擔心已經太遲,但其實只要你認為係正確就唔會太遲,所以我好鍾意呢句說話。」
梁嘉琪與觀看電影的小朋友們合照。
梁嘉琪與觀看電影的小朋友們合照。
與觀眾合照。