馬浚偉宣布正式委任周禮茂擔任「首席創作總監」，首要進行的就是「新城勁爆頒獎禮」大改革。
踏入2024年，馬浚偉先生正式加盟新城廣播有限公司（新城廣播）擔任首席營運總監，上任後積極進行優化工作。早前已宣佈陳小芝回歸新城廣播擔任「數碼媒體及業務拓展總經理」及委任葉文輝先生（啤梨）為創作總監。馬浚偉先生上任第九天，今天（1月22日）再公布第二波優化計劃，宣布正式委任周禮茂（Thomas）擔任「首席創作總監」，首要進行的就是「新城勁爆頒獎禮」大改革。
馬浚偉先生恭賀周禮茂委任為首席創作總監。
周禮茂先生為資深填詞人及廣播人，於香港中文大學市場學系畢業，曾在廣告公司擔任創作總監多年。首條國歌片《心繫家國》亦出自其手筆。周禮茂先生亦是香港流行詞壇舉足輕重的填詞人，作品如張學友《李香蘭》、王菲《夢中人》、 古巨基《友共情》 、林憶蓮《沒有你還是愛你》、張智霖 《祝君好》等均是樂迷耳熟能詳的金曲。
1998年，周禮茂先生開始加入新城電台（現為新城廣播）參與創作工作，2004年離開，至2007年再度回歸新城大家庭，曾參與策劃多個不同類型的活動如《新城勁爆頒獎禮》、《好友音樂》、《新城唱好音樂會》、《香港仲有好能量》等。
周禮茂（右3）在去年新城台慶音樂會台上大合照。
馬浚偉先生向來重才，亦知人善任。上任後對新城廣播進行連串優化工作，這次委任Thomas擔任「首席創作總監」，希望Thomas率領創作團隊，為新城廣播帶來更多新創意。周禮茂亦表示馬浚偉先生上任後，為新城廣播帶來新衝擊，提升新城團隊的士氣，而他第一項要進行的工作就是「新城勁爆頒獎禮」大改革，希望大家密切期待，未來亦將開始實行不同的計劃。
周禮茂（左2）在去年新城台慶音樂會台合照。
《新城體育會》再出動打羽毛球！
《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」
《新城體育會》昨日（4月24日）再出動打羽毛球。
郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。
今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」
Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」
黎展峯小時候獲任職羽毛球教練外公教授羽毛球技。
嬌小龔柯允原來是籃球健將，馬浚偉承諾稍後安排打籃球。
黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」
龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！
郭偉亮自爆打波絕招……就是……好快打完！
馬浚偉與郭偉亮、黎展峯、教練Arthur玩雙打。
