麥美恩獲獎自覺得來不易 不怕辛苦重視工作意義

向來表現淡定的Mayanne甚有觀眾緣！

麥美恩（Mayanne）早前於TVB《萬千星輝頒獎典禮》獲得最佳女主持，入行約13年的她自言一切都是得來不易，對未來亦充滿期盼。

Mayanne新年期間「照常營業」

擔任主持多年的Mayanne表現淡定

Mayanne放假會外遊

Mayanne今年於台慶頒獎禮中奪得最佳女主持

實至名歸

Mayanne有感比以前扎實了

作為幕前的Mayanne於假期會繼續開工

Mayanne有時會回加拿大探望家人

Mayanne深受觀眾愛戴

Mayanne近月不斷慶祝

Mayanne感恩自一直有不少開工機會，她覺得：「最開心是可以跟幕後分享，他們真的是看着我大，獎項能夠跟其他人一起分享對我來說是最喜悅。父母回來了，所以慶祝活動好像沒有停過，人是喜歡熱鬧的，整個一月都不停做了很多專訪及訪問，仍然有種Honey Moon的感覺。」

跟初入行的自己相比，她有感比以前扎實了，「明白有很多事情是得來不易，獎項是一種肯定，但同時都知道背後肩負了很多，自己於年初也定下了很多目標。這個獎也是一個鼓勵，亦令我之後的路會更扎實，希望能實行我想做的事。」

Mayanne與陸浩明老友鬼鬼

農曆新年亦是幕前開工的黃金時間，Mayanne笑言：「做電視就是人人在談論收爐時，我們『呢邊收爐嗰邊就開爐』。花車是其中一個我想做的騷來，是『堅』辛苦的！大家都知道這個騷在文化中心舉行，吹風吹到癲了，但意義重大。農曆新年是香港一個重要的節日，我都住了這麼多了，開個好的年頭都是好事來的。新年在工作中度過是既難忘又意義重大，有沒有收爐也不重要，最重要是能跟同事一起派利是、逗利是。開個好的年頭，終於在疫情後有一個這麼大的騷，我都很想做，是其中一個心願。」

Mayanne於新年需要開工

Mayanne會跟家人一起過新年，「他們會辛苦一點，我完騷都十一、二點了。可能會有Delay的慶祝，翌日才認認真真地坐下吃飯。他們很享受的，會逛花市，加上有通宵車對他們來說是很正的，在外國是沒有這回事。這邊的節日氣氛很濃厚，隨時都能吃能玩，所以我都很鼓勵他們回來。」

歷代「獎老」Reunion ！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，本周四及五晚10點半翡翠台播映最後兩集。

Super~~

由於蘭茜講嘢相對正經，即刻激發咗嘉樂嘅「口賤」神經。

「大師兄」原來係暗藏特別任務架。

林曉峰初初做第一輯時直認好驚獎門人。

林曉峰笑言首度與獎門人會面時，排場似足電影《無間道》韓琛食飯經典場口。

今晚（18日）一集，兼任《獎門人》現任獎老的Mayanne，邀得四位獎老界前輩林曉峰、錢嘉樂、蘭茜及阮兆祥（按加入年期順序）擔任嘉賓，大談參與《獎門人》拍攝的喜與樂。四人之中，雖然嘉樂被專稱「大師兄」，但原來第一代獎老竟是林曉峰（阿Lo）及陳小春，阿Lo大爆當年嘉樂之所以被「獎門人」曾志偉睇中接小春棒，全因「把口夠賤」；嘉樂憶述當年接到獎門人邀約電話時相當意外，並笑言全靠獎門人自己的口賤才能才得以跳出武師界。談到獎門人當年為何睇中阿Lo，原因竟和張國榮和一條鞋帶有關，阿Lo說：「嗰時拍《金枝玉葉》，有一場戲講張國榮先生上樓梯，我做助手跟住後面，當時佢唔知左腳定右腳甩咗鞋帶。拍完嗰場後我哋放Break，返到嚟個甩嘅鞋帶就調轉咗喺另一隻腳。當時導演嗌完Roll機後，我就嗌『咪住，好似唔連戲喎』，大家咪即刻睇番錄影帶：『係喎』。嗰日原來獎門人都喺現場，佢心諗原來呢條𡃁仔都幾上心，就搵佢嚟做嘢啦。」至於蘭茜擔任獎老的原因，則與玩獎門人遊戲時全情投入「刨西瓜」及「刨粟米」有關。祥仔則暢談當年如何與志偉、洪天明及鄧兆尊夾計，以各人的腳毛及腋窩毛整蠱遲入組的姚樂怡，最後遭樂怡喊打喊殺，十分搞笑。

估唔到一條鞋帶咁細微嘅嘢，都會畀阿Lo留意到，再畀志偉發現到阿Lo細心嘅一面，足證志偉係幾咁積極同樂意提攜後輩。

錢嘉樂透露未做《獎門人》之前，自己其實算是寡言的人。

蘭茜回想當年玩遊戲時係幾咁投入。

嘉樂大嘆遊戲節目幕後唔易做。

麥美恩都好記得當年姚樂怡係點樣被整蠱，仲大嘆「童年被污染」。

阿Lo仲搞笑大談自己如何成為「公司殺手」。

阿Lo同「大師兄」齊齊回味當年一起創作的「嘉賓名字歌」，仲扮番當年獎門人點把關。

阿Lo重演當年點樣馬拉松式開會開到靈魂出竅。

嘉樂講嘢時係咁向上望，當時阿Lo已懷疑獎門人會唔會已經喺現場。

四人還大談當年錄影《獎門人》的「宵夜度橋日常」，當年因為電視台大戰，《獎門人》最高峯一星期連播五晚，阿Lo大方分享了當年的度橋及上班流程日常：「下午三點返嚟開會，一路開到八點五十分。當年我哋就諗咗改歌詞唱啲嘉賓名出嚟，咁每日揸車就要度18隻歌，每個嘉賓要有3隻，返到去獎門人就會坐喺度問邊隻好笑。然後度度度度到食飯，其實係食唔落架喎。有時做到一點鐘左右收廠，但未完架，喺化妝間再開會，開到三點度，跟住就宵夜架喇，然後再搵地方。記得有一次打風，我哋搵到地方時已天光，成六點幾七點。」

阿Lo嘉樂鬥扮獎門人。

阿Lo嘉樂鬥扮獎門人。

獎門人踩場！

全集最驚喜部分，是當眾人輪流模仿獎門人時，頑皮的志偉即手持小喇叭走入廠送驚喜，令當時除掉雙鞋跪地扮緊志偉的嘉樂大嗌驚驚。志偉一到埗即扮作氣沖沖搞笑謂：「幾多人打電話畀我呀，問：『你仲唔落去？佢哋踩到你一文不值呀！』」之後眾人瘋狂互窒，混亂間曾展望竟大叫志偉「Daddy」，隨即惹起哄動，志偉反應極快接招謂：「出得街架咩？你話畀大家聽媽咪係邊個？！」並親解為何被專稱「阿爸」，志偉說：「阿爸負責畀錢（埋單）架嘛，咁咪叫阿爸咯。」蘭茜聞言即指志偉另一外號是「埋單俠」。另志偉又會親解《獎門人》換主題曲之謎，答案更相當有愛，並與小朋友有莫大關係，欲知詳情？密切留意節目。

獎門人嚟咗氣氛即時升溫。

曾展望叫Daddy，嚇到志偉即刻望錶，現場陷入一片喧鬧。