「古早味flower手」增仙氣 樊亦敏自揭身手不凡驚人真相

古典舞底助入戲

由梁耀堅監製、葉世康及鄭忠泰擔任編審的《本尊就位》，逢周一至五晚八點半翡翠台播映，主要演員包括孔德賢、謝東閔、陳嘉慧、黃嘉樂、韋家雄、李成昌、樊亦敏、甄采浠、黎燕珊及區明妙等。下周進入結局周的《本尊就位》，自14日起劇情有突破性發展，「真參桃膠」及「金翅忘記鳥」兩大gag位更獲網民激讚過癮。劇情講述「八鮮樓」老闆李曉飛（吳瑞庭飾）及老闆娘何仙（樊亦敏飾）原來是已金盆洗手的前殺手，因為一張藏寶圖遭昔日拍檔七爺（黃煒溏飾）追殺；而何仙除了是前殺手，亦是八仙之一何仙姑的「傳話人」，每次呂洞賓（謝東閔飾）有難，何仙姑必然上何仙身，出盡真‧法寶為呂祖解疑難，惟每次均撞板收場，遭網民笑指是「糊塗版多啦A夢」！至於謝東閔、孔德賢飾演的木昆及韋家雄飾演的金爺，則分別被指是大雄、小夫及胖虎。

（樊亦敏提供照片）

前晚（14日）眾人正正誤飲了以何仙姑「真參桃膠」烹調的糖水搞出大頭佛，這邊廂鎮長辛正義（黃嘉樂飾）、木昆及雪花（陳嘉慧飾）大玩Truth or dare；另邊廂何仙及李曉飛則上演「家春秋」，李好彩（林穎彤飾）得知自己並非二人親生女後更大暴走！為了撥亂反正，何仙姑再度「下凡」拿出另一珍藏「金翅忘記鳥」，雖然成功向眾人「洗腦」，但卻意外喚醒了呂祖被封印的記憶，觸發新一輪事端…

呢位係何仙。

呢位係何仙姑。

何仙性格硬淨又粗魯，同埋好愛錫家人。

樊亦敏喺《本尊》都要挑戰喊戲，佢仲為呢場喊戲加咗幾分喜感，好立體！

前晚及昨晚一集，「三太」樊亦敏可謂相當搶戲，除了打戲有型有款、喊戲喜感十足，網民更大讚三太演活了何仙被神仙上身前後的「switch mode」，即使不講對白，單靠嬌俏眼神及搞鬼造手已能感受到箇中分別。與監製梁耀堅合作無間的三太，受訪時透露為了突顯角色被上身前後分別，刻意自度「古早味flower手」增添仙氣：「本身我有學過中國舞嘅古典舞，亦代表過學校出賽，好得意地當年我學跳中國舞時有教過郭羨妮（為樊同校師妹），所以我演起古裝無論行路同肢體語言都變相得心應手啲。我哋亦覺得個角色上手後需要一個手勢幫助區分，我就提議不如簡單啲，用咗Flower手嘅做法，當時Jisoo都仲未推出《Flower》，所以何仙姑嗰個可以話係古早版flower手。」

為咗令「何仙姑」呢個身份更加突出，三太自度咗唔少造手，甚有心思。

呢個就係「古早味Flower手」喇。

三太續指起初造型時冇裙著，後來經她落力爭取才多了多款裙子造型：「係我同監製爭取嘅，點解呢？因為何仙姑貪靚嘅，所以我一上身就會著番裙，同埋言行舉止都會變得唔一樣。」三太續指很開心有內地網民讚她劇中造型「淺色亮麗，深色成熟」，為她對自己演古裝戲增添不少信心。

連對腳都有戲架！

樊亦敏飾演嘅何仙姑相當嬌俏，望落白滑又亮麗，保養得宜。

三太之前曾公開表示自己是「武指殺手」，皆因每次拍打戲都會有發生驚人烏龍事；她續指今次為《本尊》再獻身手過程相對順利，原因竟與捱通宵兼沒有配戴隱形眼鏡埋位有關，十分搞笑，三太笑言：「因為我係衝動型，武指叫我一、二、三先好揼，但未數到二我就會掟嘢，我同何仙一樣係突發性、神經刀同埋無法觸摸。今次打戲相對順利一來因為我有深造打拳，二來我發現自己唔清醒同對眼望唔清楚反而打得更好，因為愈清醒同愈清楚會愈驚吖嘛。」

樊亦敏喺呢套劇入面仲要應付打鬥場面，唔怪之得佢多謝監製令佢過足戲癮。

入行逾廿載,黃嘉樂珍惜機會全力以赴：每一個角色都係一個好嘅機會

由梁耀堅監製、葉世康及鄭忠泰擔任編審的《本尊就位》，今晚八點半翡翠台播映大結局。22日劇情講述穿山甲妖轉世的現任鎮長辛正義（黃嘉樂飾），用詭計偷去王母娘娘髮簪；為了搶回法力高強的髮簪，呂洞賓（謝東閔飾）要求雪花（陳嘉慧飾）釋出「牡丹仙子」（陳嘉慧分飾）元神四出感應髮簪下落。與此同時，木昆（孔德賢飾）遭正義設局踢爆神棍真面目，鋃鐺入獄兼被判死刑，最終獲直楠（鄭雋熹飾）幫忙成功逃獄。另邊廂，「牡丹仙子」元神在尋簪期間被正義捉走，及後「牡丹」元神雖趁呂祖與正義大戰期間逃脫，但卻因迷路未能返回肉身，令雪花生命危在旦夕，至於戰敗的呂祖則被正義封印在石堆之中...今晚（23日）大結局，呂祖、木昆及穿山甲妖將展開終極大戰，向來自私的木昆更會為顧全大局捨身成仁…

大結局對決相當精彩，萬勿錯過。

到底雪花最後同木昆會唔會開花結果呢？

《本尊》結局周劇情發展主要圍繞穿山甲妖轉世的正義，而飾演正義的黃嘉樂雖是奸角，但由於角色性格並非大奸大惡、只是過於執著，加上對雪花一往情深，嘉樂亦演繹到位，故正義自出場後一直吸獲不少正評。除了顏值獲讚，網民又讚嘉樂演技開竅兼「奸得有型過人」，封他為「民初版夜神月」。演技方面，日前正義為幫亡母（黎燕珊飾）報仇、邊哭邊追殺金爺（韋家雄飾）場口，嘉樂成功演繹出極憤怒同時而又極心痛的狀態，完全有「分不清是雨還是眼淚」的感覺。加上多幕冷眼、霸氣及奸險等不同表情突襲，令人看得心寒又肉緊。

黃嘉樂

黃嘉樂呢幕雨中爆喊戲一絕。

黃嘉樂演技顏值俱獲讚。

呢個樣又真係好陽光。

見到阿爸喊成咁都仲要咁冷淡，好心寒。

笑容好奸

黃嘉樂顏值一直係網民正評重點。

辛正義當面踢爆木昆神棍身份。

保養心得變愛妻宣言？！

談到角色獲讚，嘉樂坦言花了不少時間做功課，並感激太太無私付出：「好多謝大家有正評，對一個演員係非常之好嘅鼓勵。講到嗰場（雨中）喊戲，我覺得可能同我自身經歷有啲關係，因為我爸爸過咗身，所以情緒上嘅代入會比較容易，另外當然係全靠劇本賦予呢個角色唔少細緻位。拍呢套劇嗰時，我其實係準備緊婚禮，但太太為咗令到我可以安心演戲，佢同我講：『婚禮嗰啲嘢我會全程負責晒，你只要專心做好你嘅工作就得』，佢仲叫我要交足功課，把握好每個機會。作為一個演員，同埋都做咗成20年，我唔可以辜負人哋畀我嘅機會，要對得住自己，每一個角色都係一個好嘅機會，我係抱住咁嘅心態去Prepare角色、盡力做好。」談到顏值獲讚，嘉樂竟搞笑地發表愛妻宣言：「我要多謝我爸爸、我媽媽，同埋要多謝我太太令到我咁快樂。我覺得一個人開心，係容易啲保持到自己個外表嘅。」

辛正義做事雖然硬繃繃，但對雪花卻一往情深。

除了嘉樂，孔德賢（Danny）的喊戲亦大有進步，昨晚一場雪花及呂祖探監場口，木昆拿著饅頭狼吞虎嚥、兼邊食邊喊邊懺悔一幕相當有感染力，不但演活百感交集的內疚情緒，更哭至涕淚交連相當入戲；更誇張的是，即使不是主角場口，Danny也會根據劇情「話喊就喊」，以致在大wide shot中、亦能看到Danny兩行閃閃發光的眼淚。談到喊戲愈演愈好，Danny坦言全靠演《你好，我的大夫》後開了竅，並坦言自己也確實愈拍愈入戲：「嗰時係《大夫》同《本尊》疊住拍，我都斷斷續續喊咗成一、兩個月；同埋監牢場戲因為都拍到尾聲，我真係完全代入咗陳木昆嘅角色，覺得講咗咁耐大話好對唔住大家，同埋因為東閔同嘉慧都好畀到情緒我，所以啲眼淚係真情流露。」

孔德賢

孔德賢呢幕喊戲真係做得好好。

孔德賢啲眼淚話嚟就嚟。