張紋嘉首次非組合單拖為動畫獻聲電影訊息有感而發：有勇氣去跳出框框

娛圈事

張紋嘉首次非組合單拖為動畫獻聲電影訊息有感而發：有勇氣去跳出框框

2024年02月20日 17:00 最後更新：17:05

《鴨仔也移民》中的鴨媽媽彭美一角做粵語配音的張紋嘉（Crystal）就為電影進行謝票

環球影業發行、Illumination 繼《超級瑪利歐兄弟大電影》《壞蛋獎門人》《星夢動物園》《Pet Pet當家》四大皇牌系列後，炮製全新原創2024賀歲動畫窩心笑片王《鴨仔也移民》(Migration)在2月8日開畫至今，除奪得開畫日新片票房冠軍，大收超過7百萬票房，成為2024荷里活動畫之首！電影講述鴨家一直過著單調刻板生活，爸爸滿足於與家人安穩地留在新英格蘭的池塘裡，直到永遠；但媽媽渴望改變現狀，帶兒子和女兒見識外面廣闊世界。某天鴨媽終於說服了爸起行，目標是向南方出發，途經紐約前往熱帶牙買加。

點擊看圖輯

《鴨仔也移民》中的鴨媽媽彭美一角做粵語配音的張紋嘉（Crystal）就為電影進行謝票

日前為《鴨仔也移民》中的鴨媽媽彭美一角做粵語配音的張紋嘉（Crystal）就為電影進行謝票，現場更同一班現場觀眾及fans玩小遊戲送禮物！今次第一次為主要角色配音的Crystal表示：「今次雖然第三次配動畫，但之前都係組合年代嘅事，都係配角，做其中一個主要角色今次都係第一次！最難忘係第一幕，究竟係一個點樣性格、用乜嘢聲音去演繹，頭嗰幾幕就係好緊要。所以第一幕我記得自己都好緊張同搵咗好耐先大概知道應該可以點樣演繹比較好。而家聽返都覺得自己後面越配越輕鬆，捉到個節奏，我都覺得好開心。」

現場更同一班現場觀眾及fans玩小遊戲送禮物！

合照！

Crystal今次第一次為主要角色配音

Crystal直言《鴨仔也移民》除了小朋友，大朋友都好啱睇！「真係一家大細都可以入場睇！笑點唔會淨係小朋友識得笑，大朋友都會覺得好有趣同幽默，而鴨仔爸爸由好怕事都變成一個好勇敢又愛冒險嘅爸爸，令我諗起日常生活，如何有勇氣去跳出框框！可能大家現實生活好難，但係睇完之後可能你會得到一啲勇氣去做你想做嘅事，去你想去嘅地方。」現場有不少一家大細一同入場支持，Crystal 更和小朋友玩小遊，一齊扮戲中主角的可愛表情合影，Crystal說：「啲小朋友真係好得意！亦好多謝特登嚟支持嘅fans！自從上年做多咗一啲個人劇場和演出，大家見面嘅機會都多咗！我嚟緊會有多啲舞台同個人演出，同埋都會出新歌，多啲機會同大家見面！」

現場有不少一家大細一同入場支持，Crystal 更和小朋友玩小遊，一齊扮戲中主角的可愛表情合影

多謝特登嚟支持嘅fans

首次非組合單拖為動畫獻聲

電影訊息有感而發

諗起如何有勇氣去跳出框框

更多相片

《鴨仔也移民》中的鴨媽媽彭美一角做粵語配音的張紋嘉（Crystal）就為電影進行謝票