泳兒被踢爆用錯方法洗咗十幾年碗 森美激讚「常識達人」艾妮：男士見到都想娶！

自認「洗碗達人」的泳兒大嘆：「我驚嫁唔出！」

由森美、馮盈盈、陳若思及倪嘉雯主持的問答遊戲節目《OneDegree家居保險呈獻：HOME即是識》，逢周一至三晚10點半翡翠台播映。《HOME即是識》是一個關於家居大小事的問答遊戲節目，透過問答遊戲及做實驗等不同方法教曉觀眾家居大小事。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！

陳若思（左起）、森美、馮盈盈擔任主持。

泳兒、黃明德

許靖韻（右）、艾妮

波兒（左）、Yanice

柏喬、顏太

Ricky（左）、羅記

Nic（左）、Winnie

上周三（2月28日）晚播出的第五輪初賽由藝人隊泳兒＋黃明德、許靖韻＋艾妮擔任嘉賓，素人隊則有波兒＋Yanice、柏喬＋顏太、Nic＋Winnie和Ricky ＋羅記。泳兒甫出場即自認是洗碗達人：「我最叻洗碗，快靚正！」言猶在耳，泳兒卻在第一回合即出洋相，其中一條問題是「百潔布應該用黃或綠色一面？」，泳兒說：「我洗咗十幾年碗都係用黃色。」而正確答案其實是綠色面，換言之泳兒一直用錯方法洗碗！經過一輪激戰，泳兒＋黃明德和許靖韻＋艾妮分別獲得700分，婆孫組合柏喬＋顏太則獲得1,300分先拔頭籌！

泳兒自認洗碗達人，但原來用錯方法洗咗十幾年碗，勁搞笑。

婆孫組合柏喬、顏太暫時領先。

大家都玩得好認真。

艾妮原來係常識達人，真係估你唔到。

明晚（4日）播出的一集，曾做過註冊護士的艾妮搶盡風頭！在最後的「終極搶答題」中，「常識達人」艾妮頻頻出招成功搶分，「咩性質清潔劑加落漂白水會釋出有毒氣體？」、「水費幾多個月結算一次？」、「香港單相電壓幾多伏特？」等問題完全難不到她，其中一題就連問題都未問完，艾妮不單極速答中答案，就連問題都能完美推理出來，非常誇張，森美大讚艾妮：「佢咩都識，男士見到都想娶！」向來搞笑的森美更即場拉紅線，問到素人柏喬對艾妮有沒有興趣，柏喬怕醜仔上身口窒窒，反而婆婆顏太對艾妮嗒晒糖：「得呀！得呀！」場面搞笑。另邊廂，身為同門師姐的泳兒全晚齋坐一條問題都答唔中，她面露難色說：「我驚嫁唔出！」想知道最終哪一隊勝出比賽？密切留意明晚播出的《HOME即是識》。

艾妮連問題都估得番出嚟，勁誇張。

柏喬變咗怕醜仔。

婆婆顏太就嗒晒糖。

泳兒笑言擔心自己嫁唔出。

其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」

張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。

《EEG電笠人人和音校園巡演》。

Polly劉若寶

六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」

軒仔遭參賽者追數，「我想問吓你着泳衣條數幾時找？」

去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」

軒仔與學生分享表達自己真正觀點，以及決自己不開心的方法。

軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」

Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」

Gin唱出新歌《Diff.》及《企好》。

Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」

Gin又分享自身經歷。

另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。

Vincy分享入行初期被被誤會「好串」的情況。

Aiden洪助昇

Andy黎展峯

Dark黃明德

大合照