《婚後事》掀內地香港Photo Hunt熱潮  網民睇到入晒戲：究竟邊個眼中先係真相？

同一場口造型語氣因視點各有差異 ！

由林肯監製、黃秉怡編審的《G-NiiB微生態配方特約：婚後事》（《Happy Ever After？》），逢周一至五晚九點半翡翠台播映，主要演員包括羅子溢、陳自瑤、黎諾懿、賴慰玲、羅天宇及王敏奕等。

有眼利網友發現唔同主角嘅視點，角色嘅打扮都會有分別。

喺善仁視點中，Emma性感又誘人。

網民激讚：這劇真的很多細節
無論劇本角色設計、或是鏡頭拍攝都充滿巧思的《婚後事》，上周五（1日）播出的第五集憑「不同視點」在內地掀起熱討。事緣有眼利內地網民發起討論，指在有齊Emma（陳自瑤飾）及善仁（羅子溢飾）視點的第五集，在同一場口（善仁離婚後返家拿東西）處理上，不但善仁和Emma的情緒在不同視點有不同，就連衣著打扮亦有微妙差異，而主要引起討論的，是Emma的居家打扮。在Emma視點中，Emma的語氣不但心事重重，打扮亦偏向日常；但同一場口到了善仁視點，Emma無論打扮及態度都變得進擊，除了由賢淑變誘人，原本的短Tee亦突變成低胸吊帶背心，令網民大呼神奇。相關帖文一出，即吸引大量網民留言熱討，大讚劇組製作用心之餘，又大讚演員演技出色；更有網民強調要一再翻看《婚後事》找不同，網上掀起一輪煲劇Photo Hunt。網民留言：「衣服和眼神都不一樣，Emma視角下表情有點心事重重，而Tim視角下則是笑意經常掛在嘴邊」、「甚至誰先打電話讓對方上來拿東西，都不一樣」、「這劇真的很多細節」、「這細節很棒」、「第一次追TVB劇，非常上頭」。

喺Emma視點，Emma嘅造型變番賢淑！

喺Davey視點，Mira寸嘴又惹火。

視點錯摸陸續有來
昨晚（4日）播出一集，同樣的巧思再度出現，除了要眼利，還要有記性才行；昨晚是首度曝光的Mira（王敏奕飾）視點，爆出《婚後事》小說風波後，Davey前往質爆小三Mira，在Mira視點，當時的自己是一名沉溺在情傷中的文青，面對Davey的指責，Mira全程哀傷但倔強：「就算我同阿Tim 幾錯都好，Emma Cheung都唔可以夾埋我家姐（賴慰玲飾）搞場網絡公審，我有我權利過我嘅生活。」但最後仍不忘為阿Tim向Davey求情。但在第三集中，同一場口在Davey視點卻另一個故事，在Davey視點，Mira由文青打算變成MK妹打扮，身上的外套離奇消失之餘，更多了俯身騷胸及晒腿兩大舉動，Mira眼神亦由哀怨變成嫵媚、輕佻又不屑，徹底演繹出觀點與角度的不同。昨晚一幕繼續吸引大批網民熱討：「家嫂（王敏奕）明明有著件褸，馬壯（黎諾懿）FF到連件衫都就嚟除埋咁滯」、「呢一場完全唔同晒」、「同一件事語氣內容都唔同」，更有網民驚嘆：「究竟邊個眼中先係真相？」據知在之後播出的劇情，將有更多「視點差異衝擊」，敬請熱切期待。

而喺Mira視點，Mira變成沉溺喺情傷中嘅文青。

羅天宇被追擊對婚姻有冇憧憬 ！

一共十集的《香港婚後事》逢周四及周五晚十點半翡翠台播映，節目主持為陳自瑤（Yoyo）、賴慰玲（Winki）、黎諾懿及羅天宇，今晚（9日）播出的第5集嘉賓是圈中恩愛夫妻單立文（豹哥）和胡蓓蔚（豹嫂），兩夫婦在節目中不時打打鬧鬧互相開玩笑，甜蜜互動盡顯默契，當中豹哥大晒幽默本色瘋狂答非所問，激到一班主持紮紮跳，氣氛歡愉！

今集嘉賓係單立文（左4）、胡蓓蔚（左3）夫婦。

單立文大晒幽默本色，經常問非所答，笑到大家碌晒地。

單立文、胡蓓蔚瘋狂打打鬧鬧互相開玩笑，呢個就係佢哋相處之道。

相愛28年的豹哥、豹嫂恩愛如昔，身為「單身狗」的羅天宇請教兩人愛情保鮮法，豹哥大拋婚姻哲理：「婚姻係兩個人三唔識七喺埋一齊，之後產生一種化學作用叫愛情，之後到你Commit要照顧一生一世，講就易囉，當你途中遇到咁多嘢嗰陣，你個心會唔會動搖？會唔會想放棄？你要重拾正軌去鞏固番個婚姻，係好艱難，一段婚姻共富貴係好容易，共患難就唔容易。」豹嫂則指最近因一事令她有新的領悟：「最近我激親我老公，激到佢睇醫生，原本係好小事，但大家喺度互頂，佢話：『你收聲！』我話：『我好冷靜，你有咩資格叫我收聲，我做咩要收聲，我依家叫你收聲！』之後佢個胃就唔舒服，個肚好多氣，Gur咗幾日，跟住佢去睇醫生，食咗兩個月胃藥。」豹哥笑言：「佢依家好似好輕描淡寫，但當刻係好挑釁！」豹嫂自認性格比較直和倔，經此一役後學識對老公要溫柔一點。

胡蓓蔚話最近激到老公睇醫生，佢仲重演當時嘅情景。

單立文谷到成肚氣，搞到食足2個月胃藥。

單立文覺得結婚只係一場儀式，係做畀長輩同埋朋友睇。

豹哥、豹嫂拍拖12年後才走進婚姻的殿堂，問到他們當時為何想結婚時？豹嫂坦言：「係我同佢講結婚嘅，當時好多朋友都係做藝術方面嘅工作，佢哋話結婚生仔冇可能，點知一講完佢哋就結咗婚，之後再生咗兩個小朋友。之後我去探我個朋友，佢好語重心長同我講，其實你哋都要諗諗係咪要結婚，之後我返到屋企，我就話邊個話我哋係咪要結婚呢，佢聽完之後就話好呀。」豹哥則認為：「我覺得結婚唔係一件大不了嘅事，簽一張紙就代表你一生一世愛呢個人咩？唔係吖嘛，呢個形式係做畀啲老人家睇，或者係做畀朋友睇，係一場大龍鳳嚟。」談到千年難解的婆媳關係，豹嫂大讚奶奶非常開明，從來都不會給她壓力。

單立文重提拍三級片嘅過去。

「西門慶專業戶」單立文冇後悔拍過愛情動作片，覺得接咗個角色就要做到最好。

講到豹哥，不得不提他的外號「西門慶專業戶」，豹哥更大方分享拍過三級片的過去：「蔡瀾當初簽咗我三部（電影），佢話第一套冇嘢㗎，係個書生喺度打啲妖咁，Lur住帶過咁囉。」豹哥坦言沒有後悔過拍愛情動作片：「如果你應承要做，你就要努力做好佢。」豹哥更雲淡風輕拋下一句：「都係歷史人物啫，冇咩大不了！」相當瀟灑。節目尾聲，豹哥矛頭直指有「女神收割機」之稱的羅天宇身上，追問他對婚姻有沒有憧憬，天宇還會在節目中公開對被封為「女神收割機」的感受。想知道天宇有甚麼睇法？密切留言今晚播出的《香港婚後事》。

單立文轉移攻擊有「女神收割機」之稱嘅羅天宇！

單立文轉移攻擊有「女神收割機」之稱嘅羅天宇！

羅天宇公開剖白被封「女神收割機」嘅感受。