在茶餐廳叫杯凍飲,正常都要加錢,如額外要多一杯冰,要收費都算合理啊!日前有一位港媽光顧某冰室,要求侍應給一杯冰,用以將沖好的奶「座凍」,事後茶餐廳要求收費,卻引起她不滿!
日前一位港媽帶同嬰兒光顧某間冰室,共點了兩個常餐,並配有兩杯凍飲,其中一杯凍飲她要求少冰多奶,另外再要求多一杯冰,由樓主貼出來的相片,見到單據最尾部顯示「吧部手寫單」,並需另外收費。港媽表示由於杯冰是用來「座凍」BB支奶給BB飲,但要收費覺得很不合理,臨走前問經理,經理回覆是公司規定。她最後強調「唔係話錢唔錢的問題」而是她不明白「我又唔係飲,咁都要收錢」!
帖文一出,隨即引來網民的熱議,雖然之後帖文被刪,但卻被網民截圖並重新上載,不少網民都撐冰室應該收費,直問「冰唔使成本?」、「唔使錢就個個攞杯冰,熱飲變凍飲」,「唔收錢係人情,按公司規距收錢就係道理」、「你叫凍飲都要加$3啦」、「唔使錢就個個攞杯冰,熱飲變凍飲」、「唔係飲,咁係唔係有用到先,唔通座凍完支奶,拎返去畀客用?」,又的網民揶揄對方「我叫碟飯嚟望下又無食,做咩要收我錢」、「冰鎮奶茶啲冰都唔係飲」、「唔係錢唔錢問題,我就係唔捨得畀」。
亦有網民質疑既然餐飲凍奶茶要求少冰多奶,但為何又另外要求1杯冰,有人就猜測這位港媽「可能以為小咗嗰部份另外俾佢,所以唔使錢」。
除了港媽認為加杯冰不用另收費而遭網民圍政外,亦有網友認為港媽沖奶方法有問題「我最睇唔明係點解枝奶要座返凍」、「開奶就唔好開咁熱啦,會流失營養」、「正常係自帶熱水和室溫水,自己溝適當溫度嘅奶畀BB飲」、「座奶拎杯凍水已經好Ok」。