楊愛瑾組家庭團遊 三位索爆人妻一同到蘇梅大解放

楊愛瑾毫不在意破冰爛尾，與好姊妹一齊搞家庭旅遊

前Cookies成員楊愛瑾（Miki）2016年與百億身家的永安集團太子郭永淳結婚，並育有一仔一女，婚後淡出娛樂圈，專心相夫教子。楊愛瑾去年與傳不和的吳雨霏（Kary）一同現身鄧麗欣（Stephy）演唱會，原以為兩人已破冰，但早前區文詩生日，又再次三缺一。不過，楊愛瑾毫不在意破冰爛尾，與好姊妹一齊搞家庭旅遊，一同到蘇梅大解放。

（左起）Angela、Miki、Kary及Stephy原本感情好好

MiKi（左一）、Kary（左二）合體去睇鄧麗欣演唱會

Kary 露面撐Stephy 開騷

Kary活動中提及已破冰

依舊三缺一！

婚後專心相夫孝子

楊愛瑾近日在社交平台po出多張去蘇梅島之旅的靚相，一家人除了在渡假屋內一起嬉水，亦去海灘玩個痛快，更與女兒一起在吊床上欣賞風景。原來這次是與好姊妹譚凱琪以及陳逸寧等多個家庭組成的家庭旅遊，三位索爆人妻更以泳衣上陣，大晒Fit爆身材。楊愛瑾留言：「2023年的約定，大家一齊努力一齊互相支持一齊成長，最重要係最後一齊去玩去旅行」，而譚凱琪亦以英語回覆：「好天氣和好夥伴」

早前假期到蘇梅玩的照片。

在渡假屋內一起嬉水

在渡假屋內一起嬉水

狀態極佳

去海灘玩個痛快

在吊床上欣賞風景

多個家庭相約旅行

感情幾好

三位索人妻換上不同泳衣

壓軸登場嘉賓是歌星出身的譚凱琪（Zoie）

J2（82台）推出的風水命理節目《Cashing Pro私人貸款呈獻︰2024開運救兵》，一連10集逢周一至周五，每晚8點半播映，23日將播出最後一集。節目由兩位J2ers黃紫恩（Jojo）、陳國麟（Doniven）主持。請來三位不同領域獨當一面的玄學師助陣，包括「地運風水師」Depp、「女巫公主」慧慧及「命運占卜師」裸泳組成「開運兵團」，幫觀眾新年行好運。

壓軸嘉賓是Zoie，主題是「望子成龍」。

（左起）Depp師傅、Jojo、Zoie、Doniven、裸泳師傅及慧慧師傅。

23日最後一集主題是「望子成龍」，壓軸登場嘉賓是歌星出身的譚凱琪（Zoie）。2020年她跟拍拖8年的莊日宇結婚，目前育有三歲囡囡Gabri。節目中Zoie透露跟一般母親一樣，都會安排囡囡上興趣班︰「學英文、演講、畫畫啦，最近畀佢學溜冰，同埋佢好鍾意唱歌，仲加入咗合唱團。」但Zoie強調並非虎媽一族，她解釋說︰「3歲小朋友學嘢最快最好，想睇下佢嘅興趣或者長處喺邊方面。好似之前學跳舞，跟住佢話唔鍾意，咁okay唔緊要。都係順住佢意願，唔會push佢。」

Zoie婚後育有3歲囡囡Gabri。

Zoie按照囡囡興趣安排課外活動。

Zoie又大爆囡囡精靈鬼馬一面，早前Gabri生日被問到想要什麼款式的生日蛋糕時，答案嚇了Zoie一跳︰「佢話要曱甴（型）蛋糕，其實之前佢都成日話鍾意曱甴，問我屋企有無。」好在生日前一日Gabri改口話想要熊貓款蛋糕。Zoie接受訪問時笑說︰「佢特登整蠱我，因為我成日話如果你污糟，小強就會出現。所以佢就專登講自己鍾意，好在屋企又真係唔多出現小強，就算有我同先生都會處理。」

Doniven聽到Zoie囡囡想要曱甴蛋糕，表現驚訝。

Zoie知道囡囡屬活躍型小朋友時，有點不敢接受。

此外，Depp師傅大讚Zoie位於沙田的家居風水好，更食正2024年的運勢。而西北方有利囡囡學習，他說︰「可以考慮去大埔一帶學習、進修，西南方就有攞獎運。」Depp師傅又透露今年的「喜位」，正正位於主人房，所以Zoie極有機會追龍B︰「可以喺主人房點啲香薰蠟燭增加情調，促進夫妻情感。」Zoie事後表示暫時未有計劃追多個小朋友，又笑言現在湊一個已佔用好多時間。

Depp師傅批「喜位」在主人房，Zoie有望添龍B。

Zoie同老公莊日宇一家三口。（IG圖片）

Zoie與囡囡自製揮春。