港女欲放租私樓遭無業妹斥不孝要求攜母入住 網民教路「咁做」

港女想放租自己私樓，卻被無業妹指不孝，要求將私樓給予她與母親入住，網民鬧爆「自私」。

資料圖片

港女欲放租私樓 無業妹妹要求攜母親入住

該港女於親子王國討論區以「俾阿妹鬧我自私不孝」為題發文，表示自己已婚與丈夫同住私樓，妹妹則與母親同住公屋。日前她回去探望母親，言談間透露了名下其中一個單位不獲續租，需另覓新租客。豈料剛回家的妹妹聽到後，即要求與母親一同入住該單位，並質問「你住咗咁多年私樓，仲要阿媽住公屋。有樓多出嚟，點解唔俾阿媽住？」

資料圖片

妹妹罵樓主「不孝」 樓主指責妹妹「零貢獻」

樓主立刻被焫着，指責妹妹對家庭「零貢獻」、「一年返三個月工，休息七個月，又唔俾家用」、「你成日唔做嘢，又唔俾家用，而家你哋住緊嗰度嘅水電煤屋租，全部係我比，我阿媽生活費都係我比」。妹妹則不斷罵樓主「自私不孝」。樓主覺得，妹妹不是存心為母親著想，只是「想不勞而獲，可以升級住屋」。

Getty示意圖片

單位屬丈夫公司資產

樓主又表示自己曾嘗試託朋友介紹工作給妹妹，但妹妹卻因種種原因「又話啲人針對佢，又話地點遠，又話食飯時間短」，返了兩個禮拜工便辭職，令她感到非常尷尬和無奈，自此再也不敢介紹工作給妹妹。樓主還稱，該私人物業實際上是丈夫公司的資產，並非她個人所有，她僅因首置名額，才以個人名義購買。

示意圖

網民鬧妹妹「大貪」、「別有用心」

帖文引熱議，不少網民指責妹妹貪心及自私「佢都幾大貪，大食懶都算，仲吼住人哋層樓」、「其實最自私不孝係佢」、「你妹最識計著數」、「真係人無恥便無敵」；網民紛紛叫樓主小心中計「果種人易請難送，唔好捉租霸入米缸」、「你亞妹別有用心根本就冇為老人家諗過 ，恐怕將來易請難送，租又無得收，仲要養埋佢。千祈唔好制！」

(Getty圖片)

網民主張不宜與家人透露資產情況

有網民則建議不要與家人透露資產「親人是最強情緒勒索者，唔好理佢，日後自己有幾多錢同身家都唔好講比家人知，最多有需要時幫手就已經足夠」、「自己生活過得好，唔好同人講，親人都唔好講，愈親的人愈係唔抵得你，例如覺得你咁有錢都唔分D比我」、「對自己阿媽好、照顧係冇問題，但絕對唔會俾佢知道自己和老公真正財務狀況，冇必要！最怕佢年紀大口多同啲兄弟姐妹、親戚朋友閒話家常咁嘴多多，自找麻煩！」

示意圖片

帖文來源：親子王國討論區

有民眾目擊雞仔嘜靚仔店員身穿開胸上衣，露出「朱古力腹肌」向一名師奶銷售產品。網民笑：鴨仔嘜？

(FB圖片）

雞仔嘜靚仔店員大騷「朱古力腹肌」

「雞仔嘜」是香港一家以羊毛底衫見稱，家傳戶曉的老品牌。近日，有網民於社交平台上載照片，表示「有無人發現最近屋企多咗好多雞仔嘜嘅衫？」照片顯示，一名男店員在分店門前正在向一名中年婦女銷售產品。該名男店員樣貌深遂帥氣、高大威猛，像極一名混血兒。而最殺食的是，他竟穿著一件開胸襯衫，大騷其「朱古力腹肌」，非常吸睛。

(FB圖片）

師奶揀衫時笑曬

靚仔店員頸上掛著一張「STAFF」員工牌，唇紅齒白的他笑容可掬，非常親切。他正向中年婦女銷售展示架上的衣服，而婦女看上亦十分開心「嗒糖」，未知能否成功「開單」。

網民笑言：鴨仔嘜？

照片迅速在網上瘋傳，不少網民心心眼表示「好似C朗後生個樣」、「俾地址我幫佢着好件衫」、「哈哈哈，這個好哦！好身材，長得又帥」、「咁啱呢想買衫，跪求地址」；有人則戲言「呢間唔係鴨仔嘜？」、「鴨仔式銷售」、「賣底衫仲乜唔著返件底衫」、「道德在哪！？廉恥在哪！？地址在哪！？」

(FB圖片）

網民猜測非真店員

不過，亦有網民估計只是店方的宣傳手法「廣告啫，佢邊會喺度丫」、「呢啲咪Marketing囉」、「不得之了！買衫搭朱古力個，marketing 做得幾好」、「好明顯廣告嚟，不過又幾成功」。

雞仔嘜隨後亦於其Facebook專頁揭示，原來靚仔店員是公司的「試衫專員」，表示「因為好多人買我哋啲衫都係買埋俾屋企人，所以有我哋試衫專員幫手試款之後，就包 Fit 身啦」。

(FB圖片）

帖文來源：Instagram